Minister Sandhyarani : జగన్ కు మంత్రి సంధ్యారాణి సవాల్

Minister Sandhyarani : వైసీపీ అధినేత వైఎస్ జగన్ మోహన్ రెడ్డి ఈసారి జరిగే ఆంధ్రప్రదేశ్ అసెంబ్లీ సమావేశాలకు హాజరు కావాలని మంత్రి గుమ్మడి సంధ్యారాణి సవాల్ విసిరారు. ప్రజా సమస్యలపై మాట్లాడాలంటే అసెంబ్లీకి రావాల్సిందని, అక్కడే జగన్ ప్రజల తరపున నిలబడి మాట్లాడాలని సూచించారు. ప్రతిపక్ష హోదా కలిగినప్పటికీ ప్రజా సమస్యలపై పోరాటం చేయలేని జగన్‌పై మంత్రి విమర్శలు గుప్పించారు. గతంలో టీడీపీకి 23 మంది ఎమ్మెల్యేలు ఉన్నప్పటికీ అసెంబ్లీకి వెళ్లి ప్రజా సమస్యలపై పోరాడామని గుర్తుచేశారు. జగన్ ప్రభుత్వం గడిచిన ఐదేళ్లలో రాష్ట్రాన్ని విధ్వంసం చేశారని ఆరోపించారు. ఏపీ గురించి మాట్లాడే అర్హత వైసీపీ నేతలకు లేదని, ఎన్నికల్లో ప్రజా వ్యతిరేక కార్యకలాపాల వల్ల ఓడిపోయారని విమర్శలు గుప్పించారు. వైసీపీ హయాంలో సర్పంచులను పట్టించుకోలేదని, ప్రజలకు ఇబ్బందులు కలిగించిందని మంత్రి పేర్కొన్నారు.

Vice President Election 2025 : ఓటేసిన టీడీపీ, బీజేపీ ఎంపీలు

ఈ రోజు (మంగళవారం) విశాఖపట్నంలోని గిరిజన కోఆపరేటివ్ కార్పొరేషన్‌లో మంత్రి గుమ్మడి సంధ్యారాణి అరకు కాఫీ పంటపై సమీక్ష నిర్వహించారు. సమావేశంలో అరకు కాఫీ అభివృద్ధి, బెర్రీ బోరర్ తెగులుపై చర్యలు చర్చించారు. మంత్రిని ప్రకారం, అరకు కాఫీ ప్రపంచ వ్యాప్తంగా ప్రసిద్ధి చెందింది. ఈ కాఫీ విస్తృతిని పెంచేందుకు 18 కంపెనీలతో ఎంఓయూలు కుదుర్చుకున్నారు. సీఎం చంద్రబాబు అరకు కాఫీకి బ్రాండ్ అంబాసిడర్‌గా ఉన్నారని, అసెంబ్లీ, పార్లమెంట్‌లలో కాఫీ స్టాల్స్ ఏర్పాటు చేసినట్టు తెలిపారు.

ప్రస్తుతం 80 ఎకరాల్లో బేర్రీ బోరర్ తెగులు వ్యాప్తి చెందాయి. ప్రభుత్వం కాఫీ తోటలకు ప్రమాదం ఏర్పడకుండా చర్యలు తీసుకుంటుందని, 1.86 లక్షల ఎకరాల్లో గిరిజన రైతులు సాగిస్తున్న కాఫీకి కేజీకి రూ.50 పరిహారం అందిస్తున్నామని మంత్రి తెలిపారు. మంత్రిగా గుమ్మడి సంధ్యారాణి మాట్లాడుతూ, ‘కాఫీ రైతులు ఆందోళన చెందాల్సిన అవసరం లేదు. బెర్రీ బోరర్ నివారణకు ప్రత్యేక దృష్టి పెట్టాం. కాఫీ బ్రాండ్ ఎప్పటికీ పడిపోదు. గిరిజన ప్రాంతాల్లో రోడ్లు, జ్వరం, సీజనల్ వ్యాధుల నివారణకు చర్యలు చేపట్టాం. త్వరలో హైడ్రో పవర్ ప్రాజెక్టుపై అఖిలపక్ష సమావేశం ఏర్పాటు చేస్తాం’ అని పేర్కొన్నారు.

Nepal Gen Z Protest : నేపాల్ ప్రధాని ఇంటికి నిప్పు!