Andhra Pradesh CM: `డిస్కమ్` కు జగన్ సర్కార్ బకాయి రూ. 5 వేలా 146 కోట్లు
విద్యుత్ ను సరఫరా చేస్తోన్న డిస్కమ్ లకు బకాయిలను చెల్లించలేక జగన్ సర్కార్ చేతులెత్తేసింది. సర్ చార్జి లేకుండా వన్ టైమ్ సెటిల్మెంట్ ప్రకటించినప్పటికీ ఏపీ ప్రభుత్వం ముందుకు రాలేదు.
- Author : CS Rao
Date : 26-07-2022 - 3:30 IST
Published By : Hashtagu Telugu Desk
విద్యుత్ ను సరఫరా చేస్తోన్న డిస్కమ్ లకు బకాయిలను చెల్లించలేక జగన్ సర్కార్ చేతులెత్తేసింది. సర్ చార్జి లేకుండా వన్ టైమ్ సెటిల్మెంట్ ప్రకటించినప్పటికీ ఏపీ ప్రభుత్వం ముందుకు రాలేదు. ఫలితంగా కేవలం సదరన్ పవర్ డిస్ట్రిబ్యూషన్ కంపెనీకి 5వేలా 146 కోట్లు బకాయి జూన్ 30వ తేదీ నాటికి ఉంది. పలుమార్లు జగన్ సర్కార్ కు రాతపూర్వకంగా తెలియచేసినప్పటికీ ఏ మాత్రం స్పందన లేకపోవడంతో ఏపీఎస్పీడీపీసీఎల్ పవర్ సరఫరాను కట్ చేసే పరిస్థితికి వస్తోంది.
చిత్తూరు, కడప, కర్నూలు, అనంతపురం, నెల్లూరు జిల్లాల్లోని వివిధ ప్రభుత్వ శాఖలు, సంబంధిత సంస్థల బిల్లులు చాలా కాలంగా పెండింగ్లో ఉన్నాయి. కార్పొరేషన్లు, మునిసిపాలిటీలు, గ్రామ పంచాయితీలు, ఇతర విభాగాలు బిల్లుల చెల్లింపుకు ముందుకు రావడంలేదు. ఫలితంగా SPDCL కఠినమైన సమయాన్ని ఎదుర్కొంటోంది. ఉత్తర ప్రత్యుత్తరాలు జరిగినప్పటికీ ఆశించిన ఫలితాలను ఇవ్వలేదని డిస్కమ్ అధికారులు తెలిపారు. ప్రధాన డిఫాల్టర్ గా ఉన్న పంచాయితీ రాజ్ శాఖ నుండి బకాయిలను పంచాయతీల నుంచి మినహాయించుకోవడానికి రాష్ట్ర ప్రభుత్వం అనుమతిని ఇచ్చింది. అయినప్పటికీ బకాయిలు పెరుగుతూనే ఉన్నాయి.
Also Read: SBI New Rules : SBI ATM నుంచి 10వేల కంటే ఎక్కువ విత్ డ్రాకు ఓటీపీ మస్ట్!!
SPDCL అధికారుల ప్రకారం, ఈ ఐదు జిల్లాల్లో దాదాపు 1,16,681 విద్యుత్ కనెక్షన్లు (కార్పొరేషన్లు, మున్సిపాలిటీలు, పంచాయతీలు మరియు నీటిపారుదల శాఖ) ఉన్నాయి. గత కొన్నేళ్లుగా విద్యుత్ బిల్లులు చెల్లించడం లేదు. మొత్తంగా, జూన్ 30, 2022 నాటికి రూ. 1,971 కోట్ల సర్ఛార్జ్ మొత్తంతో సహా SPDCLకి రూ. 5,146 కోట్లు బకాయిపడ్డాయి. APERC పౌర సంస్థలతో సహా అన్ని ప్రభుత్వ సంస్థలకు సర్చార్జి మాఫీతో విద్యుత్ బకాయిలను చెల్లించడానికి వన్-టైమ్ సెటిల్మెంట్ పథకాన్ని ప్రారంభించింది. SPDCL తాజా అప్పీల్లో, సర్చార్జ్ మినహాయింపు ఆఫర్ను పొందేందుకు డిఫాల్టర్లను సెప్టెంబరు 10, 2022లోపు చెల్లించాలని కోరింది.
అధికారిక నివేదికల ప్రకారం తిరుపతి జిల్లాలోని వివిధ ప్రభుత్వ సంస్థలకు రూ.865.23 కోట్ల బిల్లులు బకాయిలు ఉన్నాయి. ఇందులో దాదాపు రూ.351.29 కోట్ల సర్చార్జి ఉంది. సర్చార్జిని మినహాయించాలనే షరతుపై వారు కేవలం రూ.513.94 కోట్లు మాత్రమే చెల్లించాల్సి ఉంటుంది. అదేవిధంగా, రూ.18.81 కోట్ల బిల్లులు బకాయి ఉన్న ప్రభుత్వ కార్యాలయాలకు రూ.13.74 కోట్లు మాత్రమే చెల్లించాల్సి ఉంటుంది, సర్చార్జి మొత్తం రూ.5.07 కోట్లు తగ్గింపు తర్వాత కూడా ఏపీ సర్కార్ లోని పలు కార్యాయాలు ముందుకు రాకపోవడంతో డిస్కమ్ ఇబ్బందులు పడుతోంది.
Also Read: Neeraj Chopra: నీరజ్ చోప్రా గాయం.. కామన్వెల్త్ నుంచి ఔట్!
Follow us
