Fake Posts: త‌ప్పుడు పోస్టులు పెడితే జైలుకే – ఏపీ సీఐడీ

సోషల్ మీడియాలో తప్పుడు పోస్టులు పెడితే కఠిన చర్యలు తీసుకుంటామ‌ని ఏపీ సీఐడీ మ‌రోసారి హెచ్చ‌రించింది. ప్రభుత్వానికి వ్యతిరేకంగా వాట్సాప్, సోషల్ మీడియాలో తప్పుడు పోస్టులు పెడుతూ, అసత్య ప్రచారాలు చేసేవారిని ఎట్టి పరిస్థితుల్లోనూ ఉపేక్షించబోమని ఏపీ సీఐడీ తెలిపింది. సోషల్ మీడియాలో పోస్టులు చేసేవారిపై కఠిన చర్యలు తీసుకుంటామ‌ని సీఐడీ తాజాగా మరోసారి హెచ్చరికలు జారీ చేసింది.

సోష‌ల్ మీడియాలో మార్ఫింగ్ ఫొటోలు పోస్టు చేసినా,అసత్యాలు ప్రచారం చేసినా, కించ పరిచేలా పోస్టులు పెట్టినా కేసులు ఫైల్ చేస్తామని స్పష్టం చేసింది. అంతేకాదు డ‌బ్బులు తీసుకుని దుష్ప్రచారం చేసే వారిని, అలాంటి వారిని ప్రోత్సహించే వారిపైనా చర్యలు తీసుకుంటామని… ఇలా చేస్తున్నవారికి శిక్ష తప్పదని తేల్చి చెప్పింది. డబ్బు కోసమో లేక లాభాపేక్షతోనో… ప్రభుత్వాన్ని,మహిళలను, గౌరవప్రదమైన పదవుల్లో ఉన్నవారిని కించపరిచేలా పోస్టులు పెట్ట‌వ‌ద్ద‌ని సీఐడీ విజ్ఞ‌ప్తి చేసింది.

సోషల్ మీడియాలో పోస్టులను, వీడియోలను, ఇతరుల వ్యాఖ్యలను షేర్ చేసే ముందు పరిశీలన చేయాలని… అది నిజమో కాదో నిర్ధారణ చేసుకోవాలని సీఐడీ హితవు పలికింది. ఘర్షణలు రేకెత్తించే పోస్టులకు దూరంగా ఉండాలని సూచిం చింది. ఆధారాలు లేకుండా ఆసత్య, అబద్దాలను పోస్ట్ చేసిన కఠిన శిక్షలు తప్పవని హెచ్చరిం చింది. వ్యక్తులు, పార్టీలు, మతాలు, కులాలు, ప్రాంతాలు, భాషల మధ్య చిచ్చు పెట్టడం, విద్వేషాలు రెచ్చగొట్టేలా వ్యాఖ్యలు చేయడం, ఇతరులను కించపర్చేలా పోస్టులు, ఫోటోలు పెడితే ఐపీసీ సెక్షన్ 505 కింద నాన్ బెయిలబుల్ కేసు నమోదు చేస్తామని తెలిపింది. ఈ కేసులో నేరం నిరుపితమైతే.. మూడేళ్లకు పైగా జైలు శిక్షతో పాటుజరిమానా పడే అవకాశాలు వుంటాయని హెచ్చరించింది.