AP Metro Rail: ఏపీకి డబల్ డెక్కర్ మెట్రో రైల్…
ఆంధ్రప్రదేశ్ ప్రభుత్వం విశాఖపట్నం మరియు విజయవాడ లో మెట్రో ప్రాజెక్టులను త్వరగా అమలు చేయడానికి సిద్ధమైంది. 66 కిలోమీటర్ల విజయవాడ మెట్రో మరియు 76.90 కిలోమీటర్ల విశాఖ మెట్రో ప్రాజెక్టుల కోసం డీపీఆర్‌లు ఇప్పటికే ఆమోదించబడ్డాయి. ఈ ప్రాజెక్టులకు నిధుల అంశంపై గురువారం, సచివాలయంలో ముఖ్యమంత్రి చంద్రబాబు నాయుడు సమీక్ష నిర్వహించారు.
- By Kode Mohan Sai Published Date - 03:20 PM, Fri - 3 January 25
AP Metro Rail: విశాఖపట్నం మరియు విజయవాడలో మెట్రో ప్రాజెక్టులను త్వరగా ఆమోదించేందుకు ఆంధ్రప్రదేశ్ ప్రభుత్వం చర్యలు తీసుకుంటోంది. ఇప్పటికే రెండు నగరాల్లో మొదటి దశ మెట్రో ప్రాజెక్టుల కోసం డీపీఆర్‌లు సిద్ధంగా ఉన్నాయి. రెండు నగరాల్లో డబుల్ డెక్కర్ విధానంలో 25 కిలోమీటర్ల మేర మెట్రో నిర్మాణం చేపట్టే ప్రాథమిక నిర్ణయం తీసుకున్నట్లు అధికారికంగా ప్రకటించారు.
విశాఖ, విజయవాడ మెట్రో ప్రాజెక్టులను ఆమోదించేందుకు ఏపీ ప్రభుత్వం సిద్ధమైంది
విశాఖపట్నం మరియు విజయవాడలో మెట్రో ప్రాజెక్టులను త్వరగా చేపట్టేందుకు ఆంధ్రప్రదేశ్ ప్రభుత్వం సిద్ధమైంది. 66 కిలోమీటర్ల విజయవాడ మెట్రో మరియు 76.90 కిలోమీటర్ల విశాఖ మెట్రో ప్రాజెక్టులకు సంబంధించి డీపీఆర్‌లు ఇప్పటికే ఆమోదం పొందాయి. ఈ ప్రాజెక్టులకు నిధుల అంశంపై గురువారం సచివాలయంలో ముఖ్యమంత్రి చంద్రబాబు నాయుడు సమీక్ష నిర్వహించారు. ఈ సమీక్షలో మెట్రో ఎండీ రామకృష్ణారెడ్డి మెట్రో ప్రాజెక్టుల స్థితిగతులను వివరించే ప్రజెంటేషన్ ఇచ్చారు.
2017 లో రూపొందించిన కొత్త మెట్రో పాలసీ ప్రకారం, రాష్ట్రంలో చేపట్టే ప్రాజెక్టులకు సంబంధించి ఫండింగ్ మోడల్స్ పై ముఖ్యమంత్రి చర్చించారు. 2017 వరకు కేంద్రం 100 శాతం నిధులు భరించేది కాదు, అయితే 2017 నాటి పాలసీ ప్రకారం 100 శాతం ఈక్విటీ కేంద్రమే చెల్లిస్తూ, కొల్ కత్తాలో 16 కిలోమీటర్ల మేర ప్రాజెక్టును చేపట్టారు.
రూ.8,565 కోట్ల వ్యయంతో చేపట్టిన ఈ ప్రాజెక్టు, కేంద్ర పట్టణాభివృద్ధి శాఖ మరియు రైల్వే శాఖలు కలిసి కొల్ కత్తా మెట్రో ప్రాజెక్టును అమలు చేశాయి. అదే విధంగా, ఏపీలో కూడా మెట్రో ప్రాజెక్టులు చేపట్టేందుకు కేంద్రంతో చర్చలు జరపాలని ముఖ్యమంత్రి చంద్రబాబు ఆదేశించారు.
ఆంధ్రప్రదేశ్ పునర్విభజన చట్టంలో కూడా రాష్ట్రానికి మెట్రో ప్రాజెక్టు ఉందని సిఎం అన్నారు. ఆ చట్ట ప్రకారమయినా…లేకపోతే 2017 మెట్రో పాలసీ ద్వారానైనా కేంద్ర సాయం చేయాలన్నారు. ఈ మేరకు కేంద్రంతో సంప్రదింపులు జరపాలని ముఖ్యమంత్రి చంద్రబాబు ఆదేశించారు.
రెండు నగరాల్లో డబుల్ డెక్కర్ మెట్రో విధానం:
విశాఖపట్నం మరియు విజయవాడలో చేపట్టే మెట్రో ప్రాజెక్టుల్లో డబుల్ డెక్కర్ విధానం అమలు చేయబోతున్నారు. ఈ విధానం ప్రకారం, హైవే ఉన్న ప్రాంతాల్లో డబుల్ డెక్కర్ విధానంలో మెట్రో నిర్మిస్తారు. ఇందులో కింద రోడ్డు, దానిపై ఫ్లైవోవర్, ఆపై మెట్రో ఉంటుంది.
విశాఖపట్నంలో మొదటి దశలో మధురవాడ నుంచి తాడిచెట్లపాలెం వరకు 15 కిలోమీటర్లు మరియు గాజువాక నుంచి విశాఖ స్టీల్ ప్లాంట్ వరకు 4 కిలోమీటర్లు డబుల్ డెక్కర్ మోడల్ లో మెట్రో నిర్మించనున్నారు. అలాగే విజయవాడలో రామవరప్పాడురింగ్ నుంచి నిడమానూరు వరకు 4.7 కిలోమీటర్లు డబుల్ డెక్కర్ విధానంలో మెట్రో నిర్మాణం చేపడతారు.
ఈ విధానం ఇప్పటికే దేశంలోని వివిధ నగరాల్లో అమలులో ఉంది, కాబట్టి ఏపీలో కూడా ఈ మోడల్‌ను ప్రవేశపెట్టాలని నిర్ణయించారు. కేంద్రంతో త్వరగా సంప్రదింపులు జరిపి, మెట్రో పనులు త్వరగా ప్రారంభమయ్యేలా చూడాలని ముఖ్యమంత్రి చంద్రబాబు అధికారులకు ఆదేశించారు. 4 ఏళ్లలో రెండు నగరాల్లో మెట్రో సేవలు అందుబాటులోకి రావాలని, ఈ లక్ష్యంతో పనిచేయాలని ముఖ్యమంత్రి ఆదేశించారు. ఈ సమీక్షలో మంత్రులు నారాయణ, బిసి జనార్థన్ రెడ్డి, మరియు ఆయా శాఖల అధికారులు పాల్గొన్నారు.
