APPSC Exam Dates : ఏపీపీఎస్సీ ఎగ్జామ్స్ డేట్లు వచ్చేశాయి.. అభ్యర్థులూ బీ రెడీ

APPSC Exam Dates : ఏపీపీఎస్సీ కీలక ప్రకటన విడుదల చేసింది. ఆంధ్రప్రదేశ్ లోని వివిధ ప్రభుత్వశాఖల్లో ఉద్యోగాల భర్తీకి సంబంధించిన ఎగ్జామ్స్ డేట్స్ ను అనౌన్స్ చేసింది. రిక్రూట్మెంట్ చేయనున్న పోస్టుల లిస్టును పరిశీలిస్తే.. సివిల్ అసిస్టెంట్ సర్జన్ (ఏపీ ఇన్స్యూరెన్స్ మెడికల్ సర్వీసెస్‌), గ్రూప్-4 సర్వీసెస్‌లోని వివిధ పోస్టులు, డిస్ట్రిక్ట్ ప్రొబేషన్ ఆఫీసర్ (ఏపీ జువైనల్ వెల్ఫేర్ కోరిలేషనల్ సబ్ సర్వీసెస్‌), టెక్నికల్ అసిస్టెంట్ (జియోఫిజిక్స్), అసిస్టెంట్ ఇన్‌స్పెక్టర్ (మత్స్యశాఖ) ఉన్నాయి. వీటితో పాటు జూనియర్ ట్రాన్స్‌లేటర్-తెలుగు (ఏపీ), టెక్నికల్ అసిస్టెంట్ (ఏపీ మైన్స్ & జియోలజీ సబ్ సర్వీస్), ఫుడ్ సేఫ్టీ ఆఫీసర్ (ఏపీ ఇన్‌స్టిట్యూట్ ఆఫ్ ప్రివెంటివ్ మెడిసిన్) జాబ్స్ కూడా ఉన్నాయి.  ఈ అన్ని పోస్టులకు అక్టోబరు 3న జనరల్ స్టడీస్ & మెంటల్ ఎబిలిటీ (పేపర్-1) ఎగ్జామ్స్ నిర్వహించనున్నారు. కాగా, అసిస్టెంట్ ఇన్‌స్పెక్టర్ (మత్స్యశాఖ), సివిల్ అసిస్టెంట్ సర్జన్ (ఏపీ ఇన్స్యూరెన్స్ మెడికల్ సర్వీసెస్‌), టెక్నికల్ అసిస్టెంట్ (జియోఫిజిక్స్-ఏపీ గ్రౌండ్ వాటర్) పోస్టుల భర్తీకి నిర్వహించనున్న ఎగ్జామ్ కు సంబంధించిన హాల్‌టికెట్లను సెప్టెంబరు 19 నుంచి అందుబాటులో ఉంచనున్నారు.

Also read : Best Companies Of 2023: అత్యుత్తమ 100 కంపెనీల జాబితా విడుదల చేసిన ‘టైమ్’.. ఒక్క భారతీయ కంపెనీకి మాత్రమే చోటు..!

పేపర్ -2 ఎగ్జామ్స్ ఎప్పుడంటే.. 

సివిల్ అసిస్టెంట్ సర్జన్ (ఏపీ ఇన్స్యూరెన్స్ మెడికల్ సర్వీసెస్‌),  టెక్నికల్ అసిస్టెంట్ (జియోఫిజిక్స్), అసిస్టెంట్ ఇన్‌స్పెక్టర్ (మత్స్యశాఖ) పోస్టులకు సంబంధించిన పేపర్-2 పరీక్ష సెప్టెంబరు 27న జరుగుతుంది.  ఇక  గ్రూప్-4 సర్వీసెస్‌లోని పోస్టులకు, ఫుడ్ సేఫ్టీ ఆఫీసర్ (ఏపీ ఇన్‌స్టిట్యూట్ ఆఫ్ ప్రివెంటివ్ మెడిసిన్) పోస్టులకు అక్టోబరు 4న పేపర్- 2 ఎగ్జామ్ ఉంటుంది. డిస్ట్రిక్ట్ ప్రొబేషన్ ఆపీసర్ (ఏపీ జువైనల్ వెల్ఫేర్ కోరిలేషనల్ సబ్ సర్వీసెస్‌), జూనియర్ ట్రాన్స్‌లేటర్-తెలుగు (ఏపీ), టెక్నికల్ అసిస్టెంట్ (ఏపీ మైన్స్ & జియోలజీ సబ్ సర్వీస్) పోస్టులకు అక్టోబరు 5న పేపర్-2 పరీక్ష (APPSC Exam Dates) జరుగుతుంది.