2024 Election: ముగ్గురి ఎన్నిక‌ల స్లోగ‌న్ ఫిక్స్!

Ap

`ఒక్క ఛాన్స్` ప్లీజ్ అంటూ జగన్ మోహన్ రెడ్డి 2019లో అధికారంలోకి వ‌చ్చారు. ఇప్పుడు `మ‌రో ఛాన్స్` ఇస్తే 30ఏళ్లు నేనే సీఎంగా ఉంటా అంటున్నారు. ప్ర‌తిప‌క్షంలో ఉన్న‌ప్పుడు ఉప‌యోగించిన `ఒక్క ఛాన్స్` సెంటిమెంట్ ను జ‌న‌సేనాని ప‌వ‌న్ అందుకున్నారు. ఆ క్ర‌మంలో చంద్ర‌బాబునాయుడు `లాస్ట్ ఛాన్స్` ఇవ్వండ‌ని కోరుకుంటున్నారు. ఆయ‌న అభ్య‌ర్థ‌న‌ను వైసీపీ మాత్రం మ‌రో కోణం నుంచి తీసుకెళుతోంది. ఇవే చివ‌రి ఎన్నిక‌లంటూ చంద్ర‌బాబు చేసిన కామెంట్ల‌ను దేవుడు త‌దాస్తు అంటార‌ని మంత్రి బొత్సాతో పాటు వైసీపీ చెబుతోంది.

వాస్త‌వంగా చంద్ర‌బాబు ఈ ఎన్నిక‌ల్లో టీడీపీ గెల‌వ‌క‌పోతే రాష్ట్రాన్ని బాగు చేసుకోలేమ‌ని ప్ర‌జ‌ల్ని అప్ర‌మ‌త్తం చేస్తున్నారు. మ‌ళ్లీ జగ‌న్మోహ‌న్ రెడ్డికి ఛాన్స్ ఇస్తే ఇక ఏపీని బాగుచేయ‌లేమ‌ని ప్ర‌జ‌ల్ని ఆలోచింప చేసేలా ఇవే చివ‌రి ఎన్నిక‌లంటూ చంద్ర‌బాబు అన్నార‌ని టీడీపీ చెబుతోంది. ఆయ‌న చేసిన ఈ వ్యాఖ్య‌లు ఇప్పుడు రాజ‌కీయ దుమారం రేపుతున్నాయి. క‌ర్నూలు జిల్లాకు వెళ్లిన చంద్ర‌బాబు పాల్గొన్న రోడ్ షోల‌కు ప్ర‌జ‌లు నీరాజ‌నం ప‌ట్టారు. పెద్ద ఎత్తున ఆయ‌న రోడ్ షోల‌కు త‌ర‌లిరావడం ఆ పార్టీకి ఊత్సాహం నింపుతోంది. చంద్ర‌బాబు క‌ర్నూలు ప్ర‌సంగంలోని ప్ర‌ధాన అంశాలివి.

Also Read:  Chandrababu: మీరు గెలిపిస్తే సరే.. లేదంటే ఇదే నా చివరి ఎన్నిక!

• పత్తికొండ రోడ్ షోలో పోటెత్తిన ప్రజలు
• కర్నూలు జిల్లాలో అడుగడుగునా ఘన స్వాగతం పలికిన ప్రజలకు ధన్యవాదాలు.
• అనేక సార్లు జిల్లా పర్యటనకు వచ్చినా….ఎన్నడూ చూడని స్థాయిలో జనం తరలివచ్చారు.
• తెలుగు ఆడబిడ్డల ఆత్మస్థైర్యం పెంచాలని నాడు డ్వాక్రా సంఘాలు తెచ్చాను.
• మొన్న వైజాగ్ వచ్చిన ప్రధాని మోదీ సైతం డ్వాక్రా సంఘాలను కొనియాడారు.
• తెలుగు మహిళలంటే నా తోబుట్టువులు. ఆడపిల్లలకు కాలేజీల్లో 33 శాతం రిజర్వేషన్లు పెట్టాను.
• రాష్ట్రం విడిపోయిన సమయంలో నన్ను గెలిపిస్తే…రాత్రింబవళ్లు పనిచేశాను.
• 2029లో ఎపి దేశంలో నెంబర్ వన్ రాష్ట్రంగా ఉండాలి అని ప్రయత్నించాను.
• అయితే జగన్ కు ఇచ్చిన ఒక్కచాన్స్ తో అంతా రివర్స్ లో పోతుంది.
• మీలో చైతన్యం తేవడానికి ఇక్కడికి వచ్చాను. జగన్ ఇచ్చేది గోరంత….దోచేది కొండంత
• అన్ని ధరలు పెరిగాయి…ప్రజలపై పన్నులు పెరిగాయి. నెలకు ఒక్కొ కుటుంబంపై లక్షభారం మోపుతున్నాడు ఈ ముఖ్యమంత్రి
• యువతకు ఒక్క ఉద్యోగం వచ్చిందా.
• టిడిపి హయాంలో 16 లక్షల కోట్ల పెట్టుబడులు వచ్చాయి. 30 లక్షల ఉద్యోగాలు వచ్చేవి. అప్పటికే 6 లక్షల ఉద్యోగాలు వచ్చాయి.
• కర్నూలులో ఎయిర్ పోర్ట్ తెచ్చాను….జిల్లాలో సీడ్ పార్క్ తెచ్చాను.
• అనంతపురంలో కియా మోటార్స్ సహా సీమలో అనేక పరిశ్రమలు తెచ్చాను
• టిడిపి అధికారంలో ఉండి ఉంటే కడపలో స్టీల్ ప్లాంట్ కూడా వచ్చేది
• కడపలో స్టీల్ ప్లాంట్ కట్టలేని సిఎం మూడు రాజధానులు కడతారా
• నేను ఈ రోజు మీటింగ్ పెట్టుకుంటే దాన్ని చెడగొట్టే ప్రయత్నం చేశారు.
• పత్తి కొండ ఎమ్మెల్యే పేటిఎం బ్యాచ్ ను పంపింది
• నేను జగన్ నాన్నను చూశా…వాళ్ల నాన్నను చూశా..దేనికీ భయపడను
• టివిలో మాట్లాడే జర్నలిస్టులపైనా కేసులు పెడుతున్నాడు.
• సిఐడి అంటే అక్రమ కేసులు పెట్టడానికేనా
• నాడు బకాసురుడిని అంతం చేసిన భీముడిలా…..రాష్ట్రంలో భూ బకాసురులను, జగన్ రెడ్డిని కట్టడి చెయ్యాలి
• పత్తి కొండ ఎమ్మెల్యే కుటుంబ సభ్యులతో అన్నీ అక్రమాలే
• ఇసుక దందా అని ప్రశ్నిస్తే ఎమ్మెల్యే వారిపై కేసు పెట్టిస్తున్నారు.
• నేను ధర్మం కోసం పోరాడుతున్నా….ఈ చోటామోటా నాయకులకు భయపడను
• నిబంధనలు పాటించని పోలీసులను జగన్ రెడ్డి కూడా కాపాడలేరు
• పత్తికొండలో టమాటా రోడ్డుపై పారబోసే పరిస్థితి వచ్చింది
• నకిలీ విత్తనాలతో పత్తి రైతులు నష్టపోయారు.
• జగన్ ఒక్క రైతును పరామర్శించాడా….ఒక్క పొలానికి వచ్చాడా
• రాష్ట్రంలో మద్యం కంపెనీలు అన్నీ జగన్ వే….
• జగన్ రాజకీయ వ్యాపారస్తుడు
• వైసిపి ప్రభుత్వంలో ఇరిగేషన్ పనులు అన్నీ నిలిపివేశారు
• సిఎం జగన్ కు రంగుల పిచ్చి. టిడిపి హాయంలో కట్టిన భవనాలకు రంగులు వేసుకుంటాడు
• రంజాన్ తోఫాకు డబ్బులు లేవు కానీ…..రంగులకు డబ్బులు ఉంటాయి
• బిసిలకు పథకాలు లేవు…కానీ సాక్షికి మాత్రం కోట్ల ప్రకటనలు
• సాక్షి ఉద్యోగులకు ప్రభుత్వంలో పదవులు
• సాక్షి గుమస్తా ఇప్పుడు రాష్ట్రంలో సకల శాఖా మంత్రి
• రాష్ట్రంలో మెడపై కత్తి పెట్టి ఆస్తులు ఖాజేస్తున్నారు వైసిపి నేతలు
• ప్రపంచంలో మూడు రాజధానులు ఎక్కడైనా ఉన్నాయా
• పత్తి కొండకు వస్తుంటే రోడ్డు చేశాను…దారుణంగా ఉంది
• పత్తి కొండకు రోడ్డు వేయలేని వ్యక్తి మూడు రాజధానులు కడతాడా
• కర్నూల్ లో మేము కట్టిన ఎయిర్ పోర్ట్ లో జగన్ దిగాడు….మనం తెచ్చిన సోలార్ ప్లాంట్ తాను ప్రారంభించాడు
• కర్నూలుకు హైకోర్టు వస్తే నేను అడ్డుపడుతున్నా అని తప్పుడు ప్రచారం చేస్తున్నారు
• జగన్ మాఫియా సామ్రాజ్యాన్ని విస్తరిస్తున్నాడు
• ప్రతిపక్షాలపై దాడులు చేయించి డిజిపి సమర్థించుకుంటున్నారు
• అలా సమర్థించిన నాటి డిజిపి సవాంగ్ అన్న ఇప్పుడు ఏమయ్యాడు
• నందిగామ వెళితే రాళ్లు వేసి అలజడి సృష్టించే ప్రయత్నం చేశారు
• పూలల్లో రాళ్లు వచ్చాయని నందిగామ ఘటనపై పోలీసులు చెప్పారు. అంటే రేపు పూలల్లో బాంబులు వస్తాయా
• నాకు నా ప్రాణం ముఖ్యం కాదు…రాష్ట్రం ముఖ్యం, ప్రజలు ముఖ్యం
• పవన్ కళ్యాన్ మీటింగ్ కు భూములు ఇస్తే గుంటూరు జిల్లాలో గ్రామస్థులను వేధించారు. రోడ్డు విస్తరణ పేరుతో ఇళ్లు కూలగొట్టారు.
• పవన్ విశాఖ వస్తే అక్కడా ఇబ్బంది పెట్టారు
• నేను అనుకుంటే జగన్ నాడు తిరిగేవాడా
• రాష్ట్రంలో ఎక్కడ అన్యాయం జరిగినా ముందు నేనే స్పందిస్తా
• ప్రజా స్వామ్యాన్ని కాపాడడం సీనియర్ నేతగా నా బాధ్యత
• ఆంబోతుల్లా వ్యవహరిస్తున్న వారిని కంట్రోల్ చెయ్యాల్సి ఉంది
• బాబాయ్ ను చంపి నారాసుర రక్త చరిత్ర అని నాపై రాశాడు
• తండ్రి హత్యపై వివేకా కూతురు సుప్రీం కోర్టుకు వెళ్లి పోరాడుతుంది
• టిడిపి ఎన్నికలకు సిద్దంగా లేదు అని సిఎం అనుకుంటున్నాడు
• 5 వేలు 10 వేలు ఇచ్చి గెలుద్దాం అని జగన్ అనుకుంటున్నాడు
• డబ్బులకు మన జీవితాలు తాకట్టు పెట్టుకుంటామా
• స్థానికంగా పంటల భీమా చెల్లింపులు చెయ్యలేదు
• ధరల స్థిరీకరణ నుంచి ఉల్లి, టమాటా పంటల రైతులను ఆదుకోవాలి
• నకిలీ విత్తనాల కారణంగా పత్తి దెబ్బతిన్నది. దీనికి రైతులకు నష్ట పరిహారం ఇవ్వాలి
• రైతులకు డ్రిప్ సబ్సిడీలు కొనసాగించాలి
• నంద్యాలలో అబ్బుల్ సలాం కుటుంబాన్ని ఎలా వేధించి చంపారో అంతా చూశాం
• మైనారిటీలకు ఇచ్చే అన్ని పథకాలు రద్దు చేశారు
• మైనార్టీ ఫైనాన్స్ కార్పొరేషన్ పెట్టింది టిడిపి. వక్ఫ్ బోర్డు అస్తులు కాపాడింది కూడా టిడిపినే
• అసెంబ్లీ పరిణామాలు చూసి మళ్లీ అసెంబ్లీ కా రాను అని ప్రకటించాను
• మళ్లీ గౌరవ సభలోనే నేను అడుగు పెడతాను అని చెప్పాను
• ఫిజికల్ గా ఫిట్ గా ఉన్నా…రాష్ట్రాన్ని బాగు చేసి చూపిస్తా

Also Read:  Pump Sets Deadline: జ‌గ‌న్ కు ఎన్నిక‌ల ఎర్త్! `స్మార్ట్‌` గా షాక్‌!

Follow us