AP Medical Colleges : YCP వల్లే వైద్య కళాశాలల్లో ఈ దుస్థితి – మంత్రి అనిత

ఆంధ్రప్రదేశ్లో వైద్య విద్యారంగంపై అధికార, ప్రతిపక్షాల మధ్య మాటల యుద్ధం కొనసాగుతోంది. రాష్ట్రంలో కొత్తగా నిర్మించిన వైద్య కళాశాలల్లో (Medical Colleges) ఈ ఏడాది అడ్మిషన్లు లభించకపోవడానికి గత వైఎస్సార్ కాంగ్రెస్ పార్టీ ప్రభుత్వమే (YCP) కారణమని హోంమంత్రి అనిత ఆరోపించారు. గత ఐదేళ్లలో వైకాపా చేసిన పాపాల వల్ల ఈ దుస్థితి ఏర్పడిందని ఆమె తీవ్ర వ్యాఖ్యలు చేశారు.

Lauki Juice: సొరకాయ జ్యూస్ తాగడం వల్ల కలిగే ప్ర‌యోజ‌నాలు మీకు తెలుసా?

గత ప్రభుత్వం నిర్మించిన మెడికల్ కాలేజీల భవనాల్లో కేవలం 47 శాతం పనులు మాత్రమే పూర్తయ్యాయని మంత్రి అనిత తెలిపారు. అంతేకాకుండా, ఫ్యాకల్టీ, ల్యాబ్స్, లైబ్రరీ వంటి కనీస సౌకర్యాలు లేకపోవడం వల్ల అడ్మిషన్లు ఇవ్వలేమని నేషనల్ మెడికల్ కౌన్సిల్ (NMC) నివేదిక ఇచ్చిందని ఆమె పేర్కొన్నారు. వైద్య కళాశాలల నిర్మాణానికి కేటాయించిన నిధులను గత ప్రభుత్వం ఇతర అవసరాలకు మళ్లించిందని ఆమె ఆరోపించారు.

ప్రభుత్వ-ప్రైవేటు భాగస్వామ్యం (PPP) వల్ల ఏ ఒక్క పేద విద్యార్థికీ అన్యాయం జరగదని, వారికి మెడికల్ సీట్లు దక్కుతాయని మంత్రి అనిత భరోసా ఇచ్చారు. గత ప్రభుత్వ నిర్లక్ష్యం కారణంగా రాష్ట్రంలోని విద్యార్థులు నష్టపోయారని ఆమె విమర్శించారు. ప్రస్తుత ప్రభుత్వం ఈ సమస్యను పరిష్కరించడానికి కృషి చేస్తుందని, త్వరలోనే కొత్త మెడికల్ కాలేజీల్లో అడ్మిషన్లు ప్రారంభిస్తామని ఆమె హామీ ఇచ్చారు.