Hispeed Ferry : ఏపీలో హై స్పీడ్ ఓడ‌, విశాఖ‌-నెల్లూరు జ‌ర్నీ!

జ‌ల ర‌వాణా మీద ఏపీ ప్ర‌భుత్వం దృష్టి పెట్టింది. విశాఖ నుంచి నెల్లూరు వ‌ర‌కు ప్ర‌యాణం చేయ‌డానికి అనువుగా ఉండే హైస్పీడ్ ఓడ‌ను(ఫెర్రీ) ప్ర‌వేశ‌పెట్ట‌బోతున్నారు. క‌నీసం గంట‌ల‌కు 107 కిలో మీట‌ర్ల స్పీడ్ తో వెళ్లే ఓడ‌ను ప్ర‌తిరోజూ తిప్పేలా ప్ర‌తిపాద‌న‌ల‌ను ఏపీ ప‌ర్యాట‌క అభివృద్ధి సంస్థ (ఏపీటీడీసీ) త‌యారు చేసింది. త్వ‌ర‌లో సీఎం జ‌గ‌న్మోహ‌న్ రెడ్డి వ‌ద్ద ఆ ప్ర‌తిపాద‌న‌కు ఆమోద ముద్ర వేయించుకోవ‌డానికి ప్ర‌య‌త్నం చేస్తోంది.

కేవలం పర్యాటక రంగానికి మాత్రమే కాకుండా త‌క్కువ ఖ‌ర్చుతో స‌ర‌కు ర‌వాణా, ప్ర‌యాణీకుల ఆహ్వాదానికి సహాయపడుతుందని APTDC అభిప్రాయ‌ప‌డుతోంది. ఆ మేర‌కు రిక్రియేషన్ అండ్ హాస్పిటాలిటీ ప్రైవేట్ లిమిటెడ్ (SRHPL) ఒక ప్రతిపాదనను సిద్ధం చేసింది. ఏపీటీడీసీ చైర్మన్‌ వరప్రసాదరెడ్డి సూచన మేరకు ఆ ప్రతిపాదన సీఎం వ‌ద్ద‌కు చేర‌నుంది. త్వరలో మంత్రివర్గం భేటీలోనూ ఆ ప్ర‌తిపాద‌న చ‌ర్చ‌కు రానుంది. నెల్లూరు జిల్లాలోని కృష్ణపట్నం ఓడ‌రేవు నుంచి విశాఖ‌ప‌ట్నం ఓడ‌రేవు వ‌ర‌కు ప్ర‌తి రోజూ హై-స్పీడ్ ఫెర్రీ సర్వీసుల నిర్వహణకు స‌న్నాహాలు జ‌రుగుతున్నాయి. ఏపీలోని ద‌క్షిణ భాగాన్ని విశాఖ‌ప‌ట్నంకు అనుసంధానించడానికి ఈ హైస్పీడ్ బోటు ఉప‌యోగ‌ప‌డుతుంద‌ని అభిప్రాయ‌ప‌డుతున్నారు.

ఈ ఫెర్రీలు ప్రయాణీకులతో పాటు వాటిలో కార్లను తీసుకువెళ్లాలే డిజైన్ చేయ‌బ‌డ‌తాయి. ఈ ప్ర‌య‌త్నం రాష్ట్రంలో పర్యాటకాన్ని పెంచడానికి ఉపయోగపడుతుంది. దేశం మొత్తం ఫెర్రీ సర్వీస్‌ను అందిస్తున్నామని సీనియర్ అధికారి ఒకరు తెలిపారు. USA, యూరప్, హాంగ్‌లో ఇలాంటి సేవల విజయం సాధించాయి. హాంకాంగ్ ప్రధాన భూభాగం తాజా పడవలు ఎల్‌ఎన్‌జి/సిఎన్‌జిపై నడుస్తాయి. ఆర్థిక ప్రయోజనం మరియు పర్యావరణ అనుకూలమైనవి.
ఆ ప‌డవలు 58 నాట్ల వేగాన్ని క‌లిగి ఉన్నాయి. అంటే ఇది 107 kmphకి సమానం. తద్వారా సమయం ఆదా అవుతుంది. ప్యాసింజర్ ఫెర్రీ ప్రతిపాదనతో ఏపీ రాష్ట్రానికి రావ‌డం ఇదే తొలిసారి. ఓడ భద్రతతో సహా కొన్ని అంశాలను అధ్యయనం చేయాల్సి ఉంద‌ని APTDC అధికారులు అంటున్నారు. బంగాళాఖాతం జలాల్లో కార్యకలాపాల కోసం కేంద్ర సంస్థల సహకారం తీసుకోవాల్సి ఉంటుంది. పడవల నిర్వహణలో ఉన్న సమస్యలను ప‌రిగ‌ణ‌న‌లోకి తీసుకుని ఆమోదించ‌డానికి ఏపీ ప్ర‌భుత్వం సిద్ధంగా ఉంది.