EV Policy : ఏపీలో ప్రభుత్వం కీలక నిర్ణయం.. ఈ వాహనాలపై 5శాతం రాయితీ..
EV Policy : ఆంధ్రప్రదేశ్ ప్రభుత్వం కీలక నిర్ణయం తీసుకుంది.. రాష్ట్రంలో విద్యుత్ వాహనాల వినియోగాన్ని పెంచేందుకు ఎలక్ట్రిక్ మొబిలిటీ పాలసీని 4.0ను రూపొందించింది.
- By Kavya Krishna Published Date - 11:31 AM, Fri - 13 December 24
EV Policy : ఆంధ్రప్రదేశ్ ప్రభుత్వం రాష్ట్రంలోని విద్యుత్ వాహనాల వినియోగాన్ని పెంచే దిశగా కీలక నిర్ణయాలు తీసుకుంది. 2024-29 సంవత్సరాల మధ్య అమల్లో ఉండే ఎలక్ట్రిక్ మొబిలిటీ పాలసీ 4.0ను ప్రకటించింది. ఈ పాలసీతో విద్యుత్ వాహనాల తయారీదారులు, కొనుగోలుదారులు పలు రకాల రాయితీలను పొందే అవకాశముంది.
వాహనాల రాయితీ:
ఎలక్ట్రిక్ బైక్‌లు, ఆటోలు, బస్సులు, రవాణా వాహనాలు, ట్రాక్టర్లకు ఎక్స్‌షోరూమ్ ధరలో 5% రాయితీ ఉంటుంది.
రవాణా వాహనాల నిబంధనల ప్రకారం ఆర్‌వీఎస్‌ఎస్ ఆపరేటర్‌ సర్టిఫికెట్‌ ఆఫ్‌ డిపాజిట్‌ను పొందితే అదనంగా 10% రాయితీ లభిస్తుంది. ఈ ప్రోత్సాహకాలు 2027 మార్చి వరకు అందుబాటులో ఉంటాయి.
రోడ్డు ట్యాక్స్ మినహాయింపు:
రిజిస్ట్రేషన్‌ చేసిన అన్ని విద్యుత్ వాహనాలకు ఐదేళ్లపాటు రోడ్డు ట్యాక్స్ మినహాయింపు వర్తిస్తుంది. అయితే, హైబ్రిడ్ నాలుగు చక్రాల వాహనాలకు ఈ మినహాయింపు అందుబాటులో ఉండదు.
ధర పరిమితి:
బైక్‌లకు గరిష్ఠంగా రూ.1 లక్ష
మూడు చక్రాల వాహనాలకు రూ.2 లక్షలు
విద్యుత్ బస్సులకు రూ.2 కోట్లు
రవాణా వాహనాలకు రూ.5 లక్షలు
ట్రాక్టర్లకు రూ.6 లక్షలు
ఛార్జింగ్ కేంద్రాలకు రాయితీ:
మొదటి 5,000 ఛార్జింగ్ కేంద్రాల ఏర్పాటు చేసే వారికి ఖర్చులో 25% రాయితీ (గరిష్ఠంగా రూ.3 లక్షలు) అందించనున్నారు.
పాలసీ లక్ష్యాలు వాహనాల నమోదు:
2029 నాటికి 2 లక్షల విద్యుత్ బైక్‌లు
10 వేల మూడు చక్రాల వాహనాలు
20 వేల విద్యుత్ కార్లు
ఆర్టీసీ విద్యుత్ బస్సులు:
ఆర్టీసీ బస్సులలో 100% విద్యుత్ వాహనాల వినియోగం.
ఛార్జింగ్ స్టేషన్లు:
ప్రతి 30 కిలోమీటర్లకు ఒక విద్యుత్ ఛార్జింగ్ స్టేషన్‌ ఏర్పాటు.
వాటా పెంపు కోసం ప్రత్యేక చర్యలు
రూ.500 కోట్ల కార్పస్ ఫండ్‌తో ఈ-మొబిలిటీ నగరాల నిర్మాణం.
విద్యుత్ వాహనాలకు అనుకూలమైన పర్యావరణాన్ని ఏర్పరచడం.
100 ఈ-మొబిలిటీ ఇంక్యుబేషన్ సెంటర్ల ఏర్పాటు.
విద్యుత్ వాహనాల తయారీదారులకు ప్రత్యేక పథకాలు, రాయితీలు.
ఈ పాలసీ రూపకల్పనలో భాగస్వామ్య పక్షాల అభిప్రాయాలను పరిగణనలోకి తీసుకుని, రాష్ట్రంలో విద్యుత్ వాహనాల వినియోగాన్ని పెంచే దిశగా ప్రభుత్వం నిర్దేశనలతో ముందుకు వెళ్తోంది.
(గమనిక: ఈ రాయితీలు, నిబంధనలు పాలసీ ప్రకారం మాత్రమే వర్తిస్తాయి. పూర్తి వివరాలకు సంబంధిత అధికారులు లేదా అధికారిక వెబ్‌సైట్‌ను సంప్రదించండి)
