“Trump Is Dead” : ట్రంప్ మరణ వార్తలపై వైట్ హౌస్ క్లారిటీ

Donald Trump

అమెరికా అధ్యక్షుడు డొనాల్డ్ ట్రంప్ (Trump ) మరణించారంటూ (Trump Is Dead) సోషల్ మీడియాలో పుకార్లు షికారు చేశాయి. X (గతంలో ట్విటర్) లో “TRUMP IS DEAD” అనే హ్యాష్‌ట్యాగ్ ట్రెండ్ అవ్వడంతో ఈ పుకార్లకు మరింత ఊతం లభించింది. ట్రంప్ ఇటీవల బహిరంగంగా కనిపించకపోవడం, ఆయన ఆరోగ్య పరిస్థితిపై ఎటువంటి అధికారిక సమాచారం లేకపోవడంతో పలువురు నెటిజన్లు ఆయన చనిపోయి ఉండవచ్చని పోస్ట్‌లు చేశారు. దీంతో ఈ వార్త అమెరికాలోనే కాకుండా ప్రపంచవ్యాప్తంగా చర్చనీయాంశంగా మారింది.

Pawan : పవన్ చేసిన ఆ పాడు పనివల్ల ఇండస్ట్రీకి గుడ్ బై చెప్పిన నటి

ఈ పుకార్లపై వైట్‌హౌస్ స్పందించింది. డొనాల్డ్ ట్రంప్ ఆరోగ్యంగానే ఉన్నారని అధికారికంగా ఒక ప్రకటన విడుదల చేసింది. ప్రస్తుతం ఆయన వర్జీనియాలోని ఒక గోల్ఫ్ కోర్స్‌లో గోల్ఫ్ ఆడుతున్నారని వైట్‌హౌస్ స్పష్టం చేసింది. ఆయన తెల్ల పోలో టీషర్ట్, ఎరుపు రంగు ‘MAGA’ క్యాప్, నల్ల ప్యాంట్ ధరించి ఉన్నారని పేర్కొంది. ఈ ప్రకటనతో ట్రంప్ మరణంపై వస్తున్న పుకార్లకు వైట్‌హౌస్ చెక్ పెట్టింది.

వైట్‌హౌస్ ప్రకటనతో ట్రంప్ మరణవార్త పూర్తిగా అవాస్తవమని తేలిపోయింది. అయినప్పటికీ, సోషల్ మీడియాలో ఇటువంటి తప్పుడు వార్తలు వ్యాప్తి చెందడంపై విమర్శలు వెల్లువెత్తుతున్నాయి. ముఖ్యంగా రాజకీయ నాయకులపై, ప్రముఖులపై తప్పుడు సమాచారం వ్యాప్తి చెందడం ఆందోళన కలిగించే విషయం. ఈ సంఘటన సోషల్ మీడియా ప్లాట్‌ఫారమ్‌లు తప్పుడు సమాచారం వ్యాప్తిని నియంత్రించాల్సిన ఆవశ్యకతను మరోసారి గుర్తు చేసింది. ప్రజలు కూడా ఇటువంటి వార్తలను నమ్మే ముందు అధికారిక ప్రకటనల కోసం ఎదురు చూడాలని నిపుణులు సూచిస్తున్నారు.

Follow us