Regenerate Diseased Kidney Cells: సంచలన ప్రయోగం.. దెబ్బతిన్న కిడ్నీ కణాలు మళ్లీ యాక్టివేట్

పూర్తిగా దెబ్బతిన్న కిడ్నీ కణాలను (Kidney Cells) రిపేర్ చేసి, మళ్లీ యాక్టివేట్ చేయొచ్చా? అంటే “చేయొచ్చు” అని శాస్త్రవేత్తలు తొలిసారిగా నిరూపించారు. దీంతో కిడ్నీ వైద్య రంగంలో మరో కొత్త విషయం వెలుగులోకి వచ్చినట్ల యింది. సింగపూర్ లోని డ్యూక్ ఎన్ యూఎస్ మెడికల్ స్కూల్, నేషనల్ హర్ట్ సెంటర్ సింగపూర్, జర్మనీకి చెందిన సైంటిస్టుల టీమ్ చేసిన రీసెర్చ్ లో ఈ రిజల్ట్ వచ్చింది. వ్యాధి వల్ల దెబ్బతిన్న కిడ్నీ కణాలను మళ్లీ యాక్టివేట్ చేయడంలో సక్సెస్ అయ్యామని శాస్త్రవేత్తలు ప్రకటించారు. కిడ్నీలోని ఇంటర్ ల్యూకిన్ -11 అనే ప్రోటీన్ ను బ్లాక్ చేయడం ద్వారా డ్యామేజ్ అయిన కిడ్నీ కణాలను మళ్లీ యాక్టివేట్ చేయగలిగామని వెల్లడించారు. అంతకుముందు తాము చేసిన పరిశోధనల్లో కిడ్నీ దెబ్బతినడంలో ఇంటర్ ల్యూకిన్ -11 అనే ప్రోటీన్ పాత్ర ఎక్కువగా ఉందని గుర్తించామని తెలిపారు. ఇంటర్ ల్యూకిన్ -11 వల్ల కిడ్నీలలో ఫైబ్రోసిస్, ఇన్ ఫ్లమేషన్ వస్తున్నాయని చెప్పారు. ఈక్రమంలోనే ఎలుకలపై పరిశోధనల్లో భాగంగా వాటి కిడ్నీలలోని ఇంటర్ ల్యూకిన్ -11 యాక్టివిటీస్ ను శాస్త్రవేత్తలు బ్లాక్ చేశారు. దీంతో అప్పటివరకు వాటి కిడ్నీలో పూర్తిగా దెబ్బతిన్న కణాలు మళ్లీ యాక్టివేట్ అయ్యాయని తేలింది. క్రానిక్ కిడ్నీ వ్యాధుల చికిత్సా పద్ధతులను కనుగొనే దిశగా జరుపుతున్న ప్రయోగాల్లో దీన్ని గొప్ప మలుపుగా శాస్త్ర లోకం అభివర్ణిస్తోంది.

* సైటో కైన్స్ (Cytokines) సంగతిదీ..!

వైరస్ లేదా హానికారక సూక్ష్మక్రిమి ఏ శరీర భాగంపైనైతే దాడి చేస్తుందో.. అక్కడి శరీర కణాలు స్పందించి సైటో కైన్స్ ను విడుదల చేస్తాయి. సైటో కైన్స్ అనే ఈ చిన్నపాటి ప్రోటీన్లు ఎంతో ముఖ్యమైనవి. ఎందుకంటే ఇవి రిలీజ్ కాగానే.. ఆ దాడి చేసిన వైరస్ కు సంబంధించిన సమాచారాన్ని సిగ్నల్ రూపంలో రోగ నిరోధక వ్యవస్థ (ఇమ్యూనిటీ సిస్టం) కు చెందిన కణాలను చేరవేస్తాయి. ఇవి అంతటితో ఊరుకోవు. వైరస్ యాక్టివిటీస్ ను దెబ్బతీసేందుకు శాయశక్తులా ట్రై చేస్తాయి. ఇందులో భాగంగా వైరస్ దాడి జరిగిన ప్రదేశములోని రోగ నిరోధక కణాలు, తెల్ల రక్త కణాలు, ఎర్ర రక్త కణాల పెరుగుదలను తన కంట్రోల్ లోకి తీసుకుంటాయి. ఈ సైటో కైన్స్ ప్రధానంగా 4 రకాలు. అవేమిటంటే.. కీమో కైన్స్, ఇంటర్ ఫెరాన్స్, ఇంటర్ ల్యూకిన్స్, లింఫో కైన్స్ అండ్ ట్యూమర్ నెక్రో సిస్ ఫ్యాక్టర్.

* ఇంటర్ ల్యూకిన్ -11 (Interleukin-11) అంటే..?

ఇంటర్ ల్యూకిన్ -11 విషయానికి వస్తే.. అది ప్లయో ట్రోఫిక్ రకం సైటోకైన్.ఇంటర్ ల్యూకిన్ -11 ప్రధానంగా మెగా కార్యో సైటోపోయెసిస్ ( megakaryo cytopoiesis) జరిగేలా ఉద్దీపన కలిగిస్తుంది. ఫలితంగా ఎముక మజ్జ నుంచి రక్తంలోకి ప్లేట్ లెట్స్ విడుదల ఒక్కసారిగా పెరుగుతుంది. అంతేకాదు ఎముక మజ్జకు నష్టం చేసే ఆస్టియో క్లాస్ట్స్ (osteoclasts) అనే సమస్యను ఇంటర్ ల్యూకిన్ -11 సృష్టిస్తుంది. ఫలితంగా ఆస్టియో పోరోసిస్ వంటి వ్యాధుల ముప్పు పెరుగుతుంది. అయితే ఇంటర్ ల్యూకిన్ -11 వాపును తగ్గించే (యాంటీ ఇన్ ఫ్లమేటరీ) పనిని కూడా చేస్తుంది. క్రాన్ (Crohn), రూమటైడ్ ఆర్థరైటిస్ ( rheumatoid arthritis) వంటి వ్యాధుల చికిత్సలోనూ ఇంటర్ ల్యూకిన్ -11 ప్రోటీన్స్ ను వాడుతారు.

Also Read: Bottle Gourd Benefits: సొరకాయలతో ప్రయోజనాలతో పాటు.. ఆ సమస్యలకు కూడా చెక్?

*లింఫో సైట్స్ (lymphocyte) అంటే..?

ఇక లింఫో సైట్స్ అనేవి ఒక రకం తెల్ల రక్త కణాలు. ఇవి మన ఎముక మజ్జలో తయారవుతాయి. రక్తంలో, లింఫ్ టిష్యూస్ లో ఇవి ఉంటాయి. ప్రధానంగా B లింఫో సైట్స్, T లింఫో సైట్స్ అని రెండు రకాల లింఫో సైట్స్ ఉంటాయి. B లింఫో సైట్స్ అనేవి మన శరీరానికి అవసరమైన యాంటీ బాడీస్ తయారు చేస్తాయి.T లింఫో సైట్స్ అనేవి శరీరంలోని క్యాన్సర్ ట్యూమర్ సెల్స్ ను అంతం చేస్తాయి. శరీరంలో రోగ నిరోధక స్పందనలను కూడా T లింఫో సైట్స్ కంట్రోల్ చేస్తాయి. ఒకవేళ శరీరంలో ఎక్కువ సంఖ్యలో లింఫో సైట్స్ ఉంటే బ్యాక్టీరియల్ లేదా వైరల్ లేదా ఇతర ఇన్ఫెక్షన్ సోకినట్లుగా తేలొచ్చు. మైక్రో లీటర్ బ్లడ్ లో 5000కు పైగా లింఫో సైట్ B సెల్స్ ఉంటే బ్లడ్ క్యాన్సర్ వచ్చినట్టు తేలే ఛాన్స్ కూడా ఉంటుంది. లింఫో సైట్ సంఖ్య పెరిగితే అది ఆటో ఇమ్యూన్ డిజార్డర్ గా కూడా మారే ఛాన్స్ ఉంది.