Donald Trump Tariffs : అమెరికన్లపై పెను భారం
Donald Trump Tariffs : ముఖ్యంగా కాఫీ గింజలు, కార్లు, దుస్తులు, మద్యం, పండ్లు, ఇంధనం వంటి ఉత్పత్తులపై అధికంగా ఆధారపడుతుంది
- Author : Sudheer
Date : 03-04-2025 - 12:33 IST
Published By : Hashtagu Telugu Desk
అమెరికా అధ్యక్షుడు డొనాల్డ్ ట్రంప్ (Donald Trump Tariffs) ప్రతీకారంగా విధిస్తున్న కొత్త టారిఫ్ల(Donald Trump Tariffs)తో అక్కడి ప్రజలపై భారీ భారం పడనుంది. అమెరికా అనేక వస్తువులను ఇతర దేశాల నుంచి దిగుమతి చేసుకుంటుంది. ముఖ్యంగా కాఫీ గింజలు, కార్లు, దుస్తులు, మద్యం, పండ్లు, ఇంధనం వంటి ఉత్పత్తులపై అధికంగా ఆధారపడుతుంది. తాజా టారిఫ్లతో కార్ల ధరలు సగటున 2,500 డాలర్ల వరకు పెరిగే అవకాశం ఉంది. దుస్తులు ఎగుమతి చేసే చైనా, వియత్నాం, బంగ్లాదేశ్లపై భారం పెరగడం వల్ల వాటి ధరలూ పెరగనుండగా, ఇతర ఆహార ఉత్పత్తులు కూడా ప్రియం కానున్నాయి.
HCU భూములను ఎవరూ కొనొద్దంటూ హెచ్చరించిన కేటీఆర్
ట్రంప్ తీసుకున్న ఈ నిర్ణయాలకు ప్రధాన కారణం అమెరికాలోని స్థానిక పరిశ్రమలను ప్రోత్సహించడమే. విదేశాల నుంచి దిగుమతులు అధికంగా ఉండడం వల్ల అమెరికా కంపెనీలు పోటీ తట్టుకోలేకపోతున్నాయని ట్రంప్ భావిస్తున్నారు. దిగుమతులపై అధిక సుంకాన్ని విధించడం వల్ల అమెరికా కంపెనీలు అభివృద్ధి చెందుతాయని, దేశీయ ఉత్పత్తులు పెరుగుతాయని, దీని ద్వారా ఉద్యోగావకాశాలు విస్తరించనున్నాయని ఆయన విశ్వసిస్తున్నారు.
KKR vs SRH: నేడు కోల్కతా వర్సెస్ సన్రైజర్స్.. SRH ప్లేయింగ్ ఎలెవన్లో భారీ మార్పు!
కానీ కొత్త టారిఫ్ల కారణంగా అమెరికా ప్రజలు అధిక ధరలు చెల్లించాల్సి వస్తుంది. కార్లు, దుస్తులు, మద్యం, కాఫీ గింజలు, ఇతర వస్తువుల ధరలు పెరగడం ఖాయం. అయితే దీర్ఘకాలంలో పరిశ్రమల అభివృద్ధితో పాటు స్థానికంగా ఉద్యోగాలు పెరిగే అవకాశం ఉందని ట్రంప్ నమ్మకం. అయినప్పటికీ, ప్రజలపై తక్షణ ప్రభావం ఎలా ఉంటుందనే దానిపై ఆర్థిక నిపుణులు విభిన్న అభిప్రాయాలు వ్యక్తం చేస్తున్నారు. ద్రవ్యోల్బణం పెరిగి, వినియోగదారుల వ్యయాలు అధికమైతే అమెరికా ఆర్థిక వ్యవస్థపై దీని ప్రభావం ఎలా పడుతుందో గమనించాల్సిన అవసరం ఉంది.
Follow us
