Whale Harassment : తిమింగలాన్ని వేధించిన మాజీ ప్రెసిడెంట్‌.. ఎక్కడ ?

Whale Harassment : రాజకీయ కక్ష సాధింపులు ఏ దేశంలో అయినా కామన్.. ఒకేలా ఉంటాయి !! అధికారంలో ఉన్న పార్టీ వాళ్లు.. విపక్ష పార్టీల నాయకులను అనవసర  ఆరోపణలతో, అనవసర కేసులతో వేధించడం ఏ దేశంలో అయినా ఒకేలా ఉంటుంది!! తాజాగా బ్రెజిల్ మాజీ అధ్యక్షుడు జైర్ బోల్సోనారోకు ఇలాంటిదే ఒక విచిత్రమైన కేసు ఎదురైంది. ఈ ఏడాది జూన్‌లో పబ్లిక్ హాలిడే టైంలో బోల్సోనారో తన బోటును నడుపుతూ.. దారిలో అడ్డొచ్చిన ఒక తిమింగలం మీదుగా బోటును డ్రైవ్ చేశారు. అంతటితో ఊరుకోకుండా ఆ తిమింగలం ఇబ్బందిపడుతుంటే.. అసౌకర్యానికి గురవుతుంటే తన ఫోన్‌లో వీడియో కూడా తీశారు. ఈ మొత్తం వ్యవహారానికి సంబంధించిన వీడియోను ఒక వ్యక్తి తీసి పోలీసులకు పంపాడు. బోల్సోనారో‌పై ఓ కన్నేసి ఉంచిన అధికార పార్టీ.. ఇదే అదునుగా ఆయనపై కేసు నమోదు చేయించింది. తిమింగలం పైనుంచి బోటును ఎందుకు నడిపించారంటూ పోలీసులతో విచారణ చేయించింది.