Honeytrap : 70 ఏళ్ల వృద్ధుడిపై కన్నేసింది..అన్ని చూపిస్తా అంటూ రూ.38.73 లక్షలు దోచేసింది

Honeytrap Phone Call

ఇటీవల సైబర్ నేరగాళ్లు కొత్త కొత్త ఆలోచనలతో మోసాలు చేస్తున్నారు. ముఖ్యంగా ప్రేమ , రొమాన్స్ పేరుతో యువత తో పాటు పెద్దవారిని సైతం మోసం చేస్తూ లక్షలు దోచేస్తున్నారు. తాజాగా హైదరాబాద్ లో అలాంటిదే జరిగింది. 70 ఏళ్ల వృద్దుడ్ని వలపు వల విసిరి దాదాపు రూ.39 లక్షలు దోచేశారు. హైదరాబాద్‌కు చెందిన 70 ఏళ్ల విశ్రాంత ప్రభుత్వ ఉద్యోగికి ఫేస్‌బుక్‌లో ఓ యువతి (సైబర్ నేరగాడు) ఫ్రెండ్ రిక్వెస్ట్ పంపింది. ఆ పరిచయం కాస్త ప్రేమగా మారింది. ఇంటర్నెట్ ఖర్చుల పేరిట మొదట రూ.10,000 పంపిన బాధితుడు, ఆ తర్వాత ఆమె ఆసుపత్రిలో ఉన్నానని చెప్పడం తో కొద్దీ కొద్దీ గా దాదాపు రూ.12.65 లక్షలు అకౌంట్ లో వేసాడు.

Iran-Israel War : 639 మంది మృతి!

ఆ తర్వాత ఆమె దుబాయ్ వెళ్లానని చెప్పి..అక్కడి నుండే మాట్లాడుతూ కుటుంబ సభ్యులను పరిచయం చేస్తూ ఇలా కావలసిన డబ్బులు దోచేశాడు. అనంతరం తన చెల్లితో ఆ వృద్ధుడు అసభ్యంగా ప్రవర్తించారని ఆరోపిస్తూ పోక్సో కేసు పెడతామని బెదిరించాడు. ఈ కేసును సెటిల్ చేసుకోవాలంటే డబ్బులు ఇవ్వాలని ఒత్తిడి తెచ్చారు. తొలుత రూ.12.5 లక్షలు, అనంతరం కానిస్టేబుల్, ఎస్సై పేరుతో మరో రూ.11 లక్షలు, తదుపరి మరో రూ.2.58 లక్షలు ఇలా విడతల వారీగా డబ్బులు తీసుకున్నారు.

ఇంతలో మరో పోలీస్ అధికారి ఫోన్ చేసి ‘బాలిక తాత’ కేసు పెడతానని బెదిరించాడు. పై అధికారికి రూ.20 లక్షలు ఇస్తే కేసు క్లోజ్ చేస్తామని చెప్పాడు. దీంతో వృద్ధుడు చివరకు మోసపోయిన సంగతి గుర్తించి సిటీ సైబర్ క్రైమ్ పోలీసులకు ఫిర్యాదు చేశాడు. మొత్తం రూ.38.73 లక్షలు మాయమయ్యాయని పేర్కొన్నాడు. ఈ హనీట్రాప్ కేసులో సినిమాను తలపించేలా ట్విస్టులు ఉన్నాయని పోలీసులు చెబుతున్నారు.

Follow us