Child : 4ఏళ్ల చిన్నారికి నెల రోజులుగా కడుపు నొప్పి. ఎక్స్ రే రిపోర్టు చూసి..!

చిన్నారి (Child)కి నాలుగేళ్లు. గత నెల రోజులుగా కడుపు నొప్పితో బాధపడుతోంది. అయితే తొలుత ఆ అమ్మాయి తల్లిదండ్రులు తమ కూతురు బాధను లైట్ తీసుకున్నారు. తగ్గుతుందని భావించారు. అయితే నొప్పి తగ్గకపోగా తాజాగా ఆ నొప్పి తీవ్రం అయింది. దీంతో స్థానిక ఆసుపత్రికి తరలించారు. అక్కడ వైద్యలు షాకింగ్ విషయాన్ని వెల్లడించారు.

చైనాలో ఈ ఘటన చోటు చేసుకుంది. చైనాలోని Zhejiang Province (జెజియాంగ్ ప్రావిన్స్)కు చెందిన నాలుగేళ్ల చిన్నారి (Child) గత నెల రోజులుగా కడుపు నొప్పితో బాధపడుతోంది. ఈ నేపథ్యంలోనే ఆ అమ్మాయి తల్లిదండ్రులు జెజియాంగ్ యూనివర్సిటీ స్కూల్ ఆఫ్ మెడిసిన్‌కు సంబంధించిన చిల్డ్రన్స్ హాస్పటల్‌ (Hospital)ను సందర్శించారు. అక్కడ తమ కూతురు పరిస్థితిని వైద్యులకు తెలియజేశారు. దీంతో డాక్టర్లు.. ఆ పాపకు ఎక్స్ రే తీశారు. అనంతరం రిపోర్టు చూసి షాకయ్యారు. చిన్నారి (Child) గుండ్రటి ఆకారంలో ఉన్న దాదాపు 61 ఆయస్కాంతాల (Magnetic Beads)ను మింగేసినట్టు గుర్తించారు. అంతేకాకుండా వాటి వల్ల పాప పేగులకు రంధ్రాలు పడినట్టు గుర్తించారు. దీంతో ఆ విషయాన్ని పాప తల్లిదండ్రులకు చెప్పి, ఆపరేషన్‌కు ఏర్పాట్లు చేశారు. ఈ క్రమంలోనే దాదాపు 3 గంటలపాటు శ్రమించి.. పాప పొట్టలోంచి మ్యాగ్నటిక్ బాల్స్‌ను తొలగించారు.

Also Read:  Priyanka Gandhi: ప్రియాంక గాంధీ చేతిలో హిమాచల్ సీఎం ఎంపిక!