Zomato – Ecommerce : ఈ-కామర్స్‌లోకి జొమాటో.. అమెజాన్, ఫ్లిప్‌కార్ట్‌‌లకు పోటీ

Zomato – Ecommerce :  ఈ-కామర్స్ అనగానే మనకు అమెజాన్, ఫ్లిప్‌కార్ట్ గుర్తుకొస్తాయి. ఇక ఈ విభాగంలోకి  జొమాటో కూడా ఎంటర్ కానుంది. దీంతో అమెజాన్, ఫ్లిప్‌కార్ట్‌ల గుత్తాధిపత్యానికి చెక్ పడనుంది. ఇందుకోసం జొమాటో పెద్ద బిజినెస్ స్కెచ్ రెడీ చేసిందట. ఇందులో భాగంగా జొమాటోకు చెందిన బ్లింకిట్ యాప్‌ను సాధ్యమైనంత వేగవంతంగా ప్రజల్లోకి తీసుకెళ్లనున్నారు. తర్వాత విడతల వారీగా బ్లింకిట్ యాప్‌‌లోని కొత్త క్యాటగిరీల్లో మరిన్ని బ్రాండ్స్‌ను జోడిస్తారు. ప్రత్యేకించి ఇంటి అవసరాలు, చిన్న తరహా ఎలక్ట్రానిక్స్ ఉపకరణాలు, బ్యూటీ ప్రోడక్ట్స్, వ్యక్తిగత సంరక్షణ ఉత్పత్తులను బ్లింకిట్ యాప్‌లో అందుబాటులోకి తెస్తారు. ఇందుకోసం ప్రత్యేకమైన బ్యాకెండ్ స్ట్రక్చర్‌ను సైతం రెడీ చేస్తారు. పువ్వులు, మట్టి దీపాలు, బొమ్మలు వంటి వస్తువుల దగ్గర నుంచి అధిక విలువ కలిగిన స్మార్ట్‌ఫోన్లను కూడా ఇప్పటికే బ్లింకిట్ (Zomato – Ecommerce) విక్రయిస్తోంది.

We’re now on WhatsApp. Click to Join