World Happiness Report:భారత్ లో ఎవరూ సంతోషంగా లేరా ? మనకంటే పాక్ ముందుంది..!!

ప్రపంచంలో అత్యంత సంతోషకరంగా ఏయో దేశాలు ఉన్నాయో తెలిపే జాబితా తాజాగా రిలీజ్ అయ్యింది. ప్రపంచంలోనే సంతోషకరంగా దేశంగా ఫిన్లాండ్ ముందు వరుసలో నిలిచింది. ఫిన్లాండ్ ఈ ఘనత సాధించడం వరుసగా ఇది ఐదోసారి అట. ఐక్యరాజ్యసమితి ఆధ్వర్యంలో 146దేశాల్లో జరిపిన అధ్యయనం ఆధారంగా ఈ రిపోర్టును బయటపెట్టారు.

ఇక ఈ రిపోర్టు ప్రకారంగా చూసినట్లయితే అత్యంత సంతోషకరమైన దేశాల జాబితాలో ఫిన్లాండ్ మొదటిస్థానంలో నిలుస్తే…అప్ఘానిస్తాన్ చివరి స్థానంలో నిలిచింది. టాప్ 20దేశాల జాబితా, గతేడాదికి ఇప్పటికీ స్థానంలో ఎలాంటి తేడాలు ఉన్నాయో చూద్దాం.

ఫిన్లాండ్ (=)
డెన్మార్క్ (=)
ఐస్లాండ్ (+1)
స్విట్జర్లాండ్ (-1)
నెదర్లాండ్స్ (=)
లక్సమ్‌బర్గ్ (+2)
స్వీడన్ (=)
నార్వే (-2)
ఇజ్రాయెల్ (+3)
న్యూజిలాండ్ (-1)
ఆస్ట్రియా (-1)
ఆస్ట్రేలియా (-1)
ఐర్లాండ్ (+2)
జర్మనీ (-1)
కెనడా (-1)
అమెరికా (+3)
యునైటెడ్ కింగ్‌డమ్ (=)
చెక్ రిపబ్లిక్ (=)
బెల్జియం (+1)
ఫ్రాన్స్….కొత్తగా పోటీలోకి వచ్చింది..

మరి ఈ జాబితాలో భారత్ ఎక్కడుంది…?

అత్యంత సంతోషకరమైన దేశాల జాబితాలో భారత్ 136 వ స్థానంలో నిలిచింది. గతేడాది 139వ స్థానంలో ఉంది భారత్. అంటే మూడు స్థానాలు మెరుగైందని చెప్పవచ్చు. అయితే పాకిస్థాన్ 121, నేపాల్ 84, బంగ్లాదేశ్ 94, శ్రీలంక 127 దేశాలు మనకంటే మెరుగైన స్థానాల్లో ఉన్నాయి.
అయితే ఈ రిపోర్టు ఉక్రెయిన్ పై రష్యా దాడికి ముందు రూపొందించబడింది. దీంతో రష్యా 80వస్థానంలో నిలవగా…ఉక్రెయిన్ 98వ స్థానంలో నిలిచింది.

ఈ జాబితాను ఎలా రూపొందిస్తారంటే…పౌరుల సంతోషం, ఆదాయం, ఆరోగ్యం, సామాజిక అంశాల వంటి వాటిని పరిశీలిస్తారు. 0-10పాయింట్స్ ఆధారంగా ఈ రిపోర్టును రూపొందిస్తారు. అఫ్ఘానిస్తాన్ చివరి స్థానంలో నిలిచింది. లెబనాన్ 145, జింబాబ్వే 144, రువాండ 143 ర్యాంకులు సాధించాయి.

ఈ రిపోర్టు ప్రకారం ప్రపంచవ్యాప్తంగా ఐదేళ్లలోపు ఉన్న చిన్నారులు దాదాపు 10లక్షల మంది ఆకలితో అలమటిస్తున్నారని తేలింది. చిన్నారులకు సాయం అందకుంటే వాళ్లంతా మరణించే అవకాశం ఉందని ఈ రిపోర్టు ద్వారా వెల్లడైంది.