Viral Video: హార్లీ డేవిడ్ సన్ బైక్ పై పాల వ్యాపారం.. చక్కర్లు కొడుతున్న వీడియో!

ఓ వ్యక్తి లక్షల ఖరీదైన బైక్ పై పాల వ్యాపారం చేస్తున్నాడు. ప్రస్తుతం ఈ వీడియో వైరల్ అవుతోంది.

Author : Balu J Date : 07-01-2023 - 1:13 IST
Published By : Hashtagu Telugu Desk

Milk

కాలం మారుతోంది. కాలంతో పాటు మనుషులు మారుతున్నాయి. ఒకప్పుడు పాలు బిజినెస్ చేయాలన్నా.. ఇంటింటికీ పాలు పోయాలన్నా.. సైకిల్ లేదా చిన్నపాటి లూనాను వాడేవారు. కానీ ఓ వ్యక్తి లక్షల ఖరీదైన బైక్ పై పాల వ్యాపారం చేస్తున్నాడు. ప్రస్తుతం దీనికి సంబంధించిన వీడియో వైరల్ అవుతోంది. ఓ వ్యక్తి అత్యంత ఖరీదైన బైక్‌పై ఇంటింటికి తిరుగుతూ పాలు పోస్తున్నాడు. ఈ వీడియోలో మాత్రం ఓ వ్యక్తి హార్లీ డేవిడ్‌సన్ బైకుకి వెనుకవైపు రెండు పాల క్యాన్లను తగిలించుకుని వెళ్లడం చూడవచ్చు.

ఇంటింటికి తిరుగుతూ పాల వ్యాపారం చేయడం అందర్నీ ఆకట్టుకుంటోంది. బైక్ వెనుక భాగంలో నెంబర్ ప్లేట్ మీద నెంబర్ కి బదులుగా ఇంగ్లిష్ లో ‘గుజ్జర్’ అని రాసి ఉంది. ఈ వీడియోకి దాదాపు 1.90 లక్షల లైకులు, 3 మిలియన్లకు పైగా వ్యూస్ వచ్చాయి. ఈ వీడియో చూసిన చాలామంది కామెంట్స్ కూడా చేస్తున్నారు. బాబు బాగా రిచ్.. డబ్బులుంటే ఏదైనా సాధ్యమే అంటూ కామెంట్స్ చేస్తున్నారు. ప్రస్తుతం ఈ వీడియో సోషల్ మీడియాలో చక్కర్లు కొడుతోంది. మీరు కూడా ఓ లుక్ వేయ్యండి.