Farts – World End : పిత్తులు, తేన్పులతో 200 ఏళ్లలో యుగాంతం?!

మనుషులు రిలీజ్ చేసే పిత్తులు, తేన్పులలో ఎక్కువగా మీథేన్, నైట్రస్ ఆక్సైడ్, అయోన్ ఫ్లాటస్ వాయువులు ఉంటాయని అధ్యయన నివేదిక తెలిపింది. ఇవి భూతాపాన్ని పెంచుతున్నాయని పేర్కొంది. దీనిపై స్విట్జర్లాండ్‌‌లోని జెనీవా యూనివర్సిటీకి చెందిన గిల్లామ్ చావెరట్ విశ్లేషణ చేస్తూ.. ‘‘భూతాపం వల్ల సముద్రాలు త్వరగా ఆవిరవుతున్నాయి. నీటి ఆవిరి ఆకాశంలోకి వెళ్లి.. ఓ దుప్పటిలాగా పరుచుకుంటోంది. ఫలితంగా భూమిపై ఉన్న వేడి.. వాతావరణంలో కలవట్లేదు. క్రమంగా ఈ వేడి పెరిగిపోతూనే ఉంది.  ఇలా భూమి వేడెక్కుతున్న కొద్దీ  సముద్రాల్లో నీరు మాయం అవుతూనే ఉంటుంది. కొన్నేళ్లలో సముద్రాలు పూర్తిగా ఆవిరి అవుతాయి. ఉష్ణోగ్రతలు కొన్ని వందల డిగ్రీలు పెరుగుతాయి’’ అని వివరించారు. సూర్యుడి నుంచి భూమికి రేడియేషన్ పెరుగుతున్న కొద్దీ .. భూమిపై వేడి పదుల డిగ్రీలు పెరుగుతూపోతుందన్నారు. తమ అధ్యయన టీమ్‌లో స్విట్జర్లాండ్ లోని వ్యోమగాములు, ఫ్రాన్స్ రాజధాని ప్యారిస్ లోని సీఎన్ఆర్ఎస్ లేబొరేటరీస్‌కు చెందిన నిపుణులు పాల్గొన్నారని గిల్లామ్ చావెరట్ వెల్లడించారు.