Donkey milk soap: గాడిద పాలతో చేసిన సబ్బులు మహిళల శరీరాన్ని అందంగా ఉంచుతుంది.. బీజేపీ ఎంపీ సంచలన వ్యాఖ్యలు

Th (1)

Donkey milk soap: గాడిద పాలతో సబ్బులు.. సంచలనంగా బీజేపీ ఎంపీ కామెంట్స్  బీజేపీ ఎంపీ, కేంద్ర మాజీ మంత్రి మేనకా గాంధీ సంచలన వ్యాఖ్యలు చేశారు. ఉత్తరప్రదేశ్‌లోని సుల్తాన్‌పూర్‌లో జరిగిన ఓ కార్యక్రమంలో సోమవారం ఆమె పాల్గొన్నారు. ఈ సందర్భంగా మాట్లాడుతూ మేనకా గాంధీ ఆసక్తికర వ్యాఖ్యలు చేశారు. గాడిద పాలతో తయారుచేసిన సబ్బులు మహిళల శరీరాన్ని అందంగా చేస్తాయంటూ వ్యాఖ్యానించారు. ఈ వ్యాఖ్యలు ప్రస్తుతం సోషల్ మీడియాలో వైరల్ గా మారాయి.

గాడిద పాలతో తయారయ్యే సబ్బుల ధర ఢిల్లీలో రూ.500 ఉందని మేనకా గాంధీ తెలిపారు. మనం ఎందుకు మేక, గాడిద పాలతో సబ్బులు తయారు చేయకూడదని సూచించారు. క్లోయోపాత్ర అనే ప్రపంచంలోనే పాపుపర్ అయిన రాణి రోజూ గాడిద పాలతో స్నానం చేస్తుందని, దాని వల్ల ఆమె ఎంతో అందంగా తయారువుతుందని చెప్పుకొచ్చారు. మనం కూడా గాడిద, మేక పాలతో సబ్బులు తయారు చేయాలని మేనకా గాంధీ కీలక వ్యాఖ్యలు చేశారు. దీంతో ఆమె చేసిన వ్యాఖ్యలు నెట్టింట్లో చక్కర్లు కొడుతున్నాయి.

లద్దాఖ్ కమ్యూనిటీ సబ్బుల తయారీలో గాడిద పాలను ఉపయోగిస్తోందని మేనకా గాంధీ తెలిపారు. ఈ సందర్భంగా చెట్లు కనుమరుగు అవుతున్నందున చెక్క ధర కూడా పెరుగుతుందని, దీంతో అంత్యక్రియలు కూడా ఖరీదుగా మారుతున్నాయంటూ చెప్పుకొచ్చారు. చెక్క బదులు ఆవు పేడను ఉపయోగిస్తే ధర తగ్గుతుందన్నారు. దీంతో ఆమె చేసిన వ్యాఖ్యలు ఇప్పుడు సోషల్ మీడియాలో హాట్ టాపిక్ గా మారాయి. ఆమె వ్యాఖ్యలపై నెటిజన్లు పలు రకాలుగా స్పందిస్తున్నారు. ఆమె వ్యాఖ్యలను కొంతమంది సమర్థిస్తుంటే.. మరికొంతమంది విమర్శలు కురిపిస్తున్నారు.

బీజేపీ వాళ్లకి ఎప్పుడు ఆవుల మీదనే శ్రద్ద ఉంటుందని, మనుషుల మీద ఉండదంటూ విమర్శలు కురిపిస్తున్నారు. మరికొంతమంది నెటిజన్లు ఆమె చేసిన వ్యాఖ్యలలో తప్పు లేదని, ఉన్న మాటలనే చెప్పుకుొచ్చారని అంటున్నారు.

Follow us