Bomb Threat : బెంగళూరు విమానాశ్రయానికి బాంబు బెదిరింపు

Bomb Threat : కర్ణాటక రాజధాని బెంగళూరులోని ప్రముఖ కెంపేగౌడ అంతర్జాతీయ విమానాశ్రయం బుధవారం రాత్రి ఒక్కసారిగా ఉద్రిక్తతకు లోనైంది. బాంబు పెట్టినట్టు వచ్చిన బెదిరింపు మెయిల్‌ అధికారులు, భద్రతా సిబ్బందిని అలెర్ట్‌ చేసింది. విమానాశ్రయంలో రెండు బాంబులు అమర్చినట్లు ఒక వ్యక్తి మెయిల్ ద్వారా సమాచారం పంపడంతో విమానాశ్రయం మొత్తం హై అలర్ట్‌కు వెళ్లింది. దుండుగుడు తనను తాను ఉగ్రవాదినిగా పేర్కొనడం భయాందోళన కలిగించింది. బుధవారం రాత్రి విమానాశ్రయ భద్రతా విభాగానికి వచ్చిన ఈమెయిల్‌లో, అనుమానితుడు తన పేరు వెల్లడించకుండా, కెంపేగౌడ విమానాశ్రయంలో రెండు బాంబులు అమర్చినట్లు పేర్కొన్నాడు.

Read Also: Emobot : మీరు డిప్రెషన్ లో ఉన్నారా? మీ సెల్ఫీ కెమెరా ఇప్పుడు మీ మెటల్ హెల్త్ ని గుర్తించగలదు, ఎలాగో తెలుసా?

అంతేకాదు, వాటిలో ఒకటి టాయిలెట్ పైప్‌లో అమర్చిన పేలుడు పరికరం అని స్పష్టంగా పేర్కొన్నాడు. ఈ సమాచారం ఆధారంగా వెంటనే అధికారులంతా అప్రమత్తమయ్యారు. విమానాశ్రయ సిబ్బంది అప్రమత్తంగా స్పందించి వెంటనే బాంబ్ స్క్వాడ్‌ను అప్రమత్తం చేశారు. విమానాశ్రయం మొత్తం సహా ప్రయాణికులు ప్రయాణిస్తున్న ప్రాంతాలు, టాయిలెట్లు, లగేజ్ హ్యాండ్లింగ్ ఏరియాలు, పార్కింగ్ ప్రదేశాలు వంటి కీలక ప్రాంతాలలో శోధనలు చేపట్టారు. K9 బాంబ్ డిటెక్షన్ డాగ్స్ సాయంతో ప్రతి ప్రాంతాన్ని శోధించారు. దాదాపు రెండు గంటల పాటు జరిగిన ముమ్మర తనిఖీల అనంతరం ఎలాంటి పేలుడు పదార్థాలు లభించలేదు. అధికారులు ఊపిరి పీల్చుకున్నారు. దీనివల్ల ప్రయాణికుల రాకపోకలకు కొంతకాలం అంతరాయం ఏర్పడినప్పటికీ, పరిస్థితిని వెంటనే అదుపులోకి తీసుకురాగలిగారు.

తదుపరి దర్యాప్తులో ఇది నకిలీ బెదిరింపుగా తేలింది. ఈమెయిల్ ఎవరి నుంచి వచ్చింది? ఏ ఉద్దేశంతో పంపించారు? అనే కోణాల్లో పోలీసులు విచారణ ప్రారంభించారు. సైబర్ క్రైం విభాగం ఈమెయిల్‌ను ట్రేస్ చేయడానికి చర్యలు తీసుకుంటోంది. నిందితుడిని గుర్తించి కఠిన చర్యలు తీసుకోవడానికి అధికారులు సిద్ధమయ్యారు. ఈ ఘటన తర్వాత భద్రతను మరింత కఠినతరం చేశారు. ప్రయాణికులకు భద్రతపై ఎలాంటి ప్రమాదం లేదని అధికారులు స్పష్టం చేశారు. కెంపేగౌడ విమానాశ్రయం పూర్తిగా సురక్షితమని వెల్లడించారు. ప్రయాణికులు సాధారణంగా తమ ప్రయాణాన్ని కొనసాగించవచ్చని పేర్కొన్నారు. ఈ ఘటన మరోసారి అలాంటి నకిలీ బెదిరింపులు కూడా ఎంతగానో ప్రాధాన్యతతో తీసుకోవాల్సిన అవసరముందని చాటిచెప్పింది. ఏ చిన్న సమాచారం వచ్చినా, అదికూడా అప్రమత్తతతో సమీక్షించాల్సిన అవసరం ఉందని భద్రతా సంస్థలు భావిస్తున్నాయి.

Read Also: Stress: ఒత్తిడి భరించలేకపోతున్నారా? ఇలా చేస్తే సులువుగా భయటపడొచ్చు!