High-Tech Automation.. High-Speed Printing: దేశంలోనే అత్యంత వేగవంతమైన కిన్లే ప్రొడక్షన్ లైన్ సిద్దిపేట లో ప్రారంభం!

Sidddipet High Tech Automat

సిద్దిపేట జిల్లాలోని ‘అవిన్య’ గ్రీన్‌ఫీల్డ్ ఫ్యాక్టరీలో ప్రారంభమైన ఈ కొత్త ప్రొడక్షన్ లైన్, కోకా-కోలా ఇండియా వ్యవస్థలోనే అత్యంత వేగవంతమైనదిగా రికార్డు సృష్టించింది. సుమారు రూ. 2,000 కోట్ల పెట్టుబడితో 49 ఎకరాల్లో విస్తరించిన ఈ ప్లాంట్, అత్యాధునిక సాంకేతికతకు నిలయంగా మారింది. ఈ కొత్త లైన్ ద్వారా కేవలం ఒక నిమిషానికి 1,350 కిన్లే (500 మి.లీ.) బాటిళ్లను ఉత్పత్తి చేయవచ్చు. అలాగే ఒక లీటరు బాటిళ్లను నిమిషానికి 1,000 చొప్పున తయారు చేసే సామర్థ్యం దీని సొంతం. ఇంతటి భారీ వేగంతో ఉత్పత్తి చేయడం ద్వారా మార్కెట్ డిమాండ్‌ను తక్షణమే అందుకోవడమే కాకుండా, మ్యానుఫ్యాక్చరింగ్ రంగంలో హెచ్‌సీసీబీ ఒక సరికొత్త బెంచ్‌మార్క్‌ను సెట్ చేసింది.

ఈ ప్రొడక్షన్ లైన్ పూర్తిగా ‘ఇంటిగ్రేటెడ్ ఆటోమేషన్’ టెక్నాలజీతో పనిచేస్తుంది. ఇందులో ఏర్పాటు చేసిన ‘హ్యూమన్-మెషిన్ ఇంటర్‌ఫేస్ (HMI)’ వ్యవస్థ ద్వారా యంత్రాల పనితీరును ఒకే చోట నుండి పర్యవేక్షించవచ్చు. నాణ్యత విషయంలో ఎక్కడా రాజీ పడకుండా మినరల్ ఇంజెక్షన్, ఓజోనైజేషన్ వంటి అధునాతన ప్యూరిఫికేషన్ సిస్టమ్‌లను ఇందులో అమర్చారు. ప్యాకేజింగ్ నాణ్యతను సుదీర్ఘకాలం కాపాడేందుకు ప్రత్యేక డోసింగ్ సిస్టమ్ కూడా ఉంది. ఈ సాంకేతిక పరిజ్ఞానం వల్ల ఉత్పత్తిలో కచ్చితత్వం పెరగడమే కాకుండా, యంత్రాలు ఆగిపోయే సమయం (Down-time) తగ్గి నిరంతరాయంగా ఉత్పత్తి సాగుతుంది.

కేవలం వేగం మాత్రమే కాకుండా, పర్యావరణ పరిరక్షణకు కూడా ఈ ప్లాంట్ పెద్దపీట వేసింది. ‘లామెల్లా ప్యాక్’ అనే సరికొత్త సాంకేతికతను ఉపయోగించి, వినియోగించిన నీటిలో 90% వరకు తిరిగి వాడుకునేలా వ్యవస్థను రూపొందించారు. అలాగే ఈ యంత్రాలు విద్యుత్ వినియోగాన్ని భారీగా ఆదా చేస్తాయి. ఈ ప్రాజెక్ట్ ద్వారా తెలంగాణలో పారిశ్రామిక వృద్ధి వేగవంతం కావడమే కాకుండా, ప్రత్యక్షంగా మరియు పరోక్షంగా వేలాది మందికి ఉపాధి అవకాశాలు లభిస్తున్నాయి. రాష్ట్రంలో ఇప్పటికే ఉన్న అమీన్‌పూర్ ప్లాంట్‌తో కలిపి, ఈ కొత్త ఫెసిలిటీ తెలంగాణను తయారీ రంగంలో గ్లోబల్ హబ్‌గా మార్చడంలో కీలక పాత్ర పోషించనుంది.

Follow us