KCR: అసెంబ్లీ సమావేశాలకు దూరంగా కేసీఆర్..

Kcr

KCR: తెలంగాణ అసెంబ్లీ సమావేశాలు నేడు ప్రారంభంకానున్నాయి. ఈ సమావేశాలపై రాష్ట్ర రాజకీయ వర్గాల దృష్టి సారించింది. ముఖ్యంగా మాజీ ముఖ్యమంత్రి, బీఆర్ఎస్ అధినేత కేసీఆర్ ఈ సమావేశాలకు హాజరు కావడం లేదనే సమాచారం వెలువడటంతో చర్చలు మరింత రగిలాయి. తొలి రోజునే తమ పార్టీ ఎమ్మెల్యే మాగంటి గోపినాధ్ మరణంపై సంతాప తీర్మానం చర్చ జరగనుండగా, దానికీ దూరంగా ఉంటున్న కేసీఆర్ వైఖరి రాజకీయంగా ఆసక్తికరంగా మారింది.

కానీ కేసీఆర్ అసెంబ్లీకి రాకపోయినా, పార్టీ ఎమ్మెల్యేల వ్యూహరచనలో మాత్రం సక్రియంగా పాల్గొన్నట్లు తెలుస్తోంది. ఆయన మార్గనిర్దేశంతో కేటీఆర్, హరీష్ రావు నేతృత్వంలో బీఆర్ఎస్ ఎమ్మెల్యేలు సభలో పాల్గొననున్నారు. ఈ నేపథ్యంలో నిన్న కేటీఆర్, హరీష్ రావు కేసీఆర్‌తో సుదీర్ఘంగా సమావేశమై, అసెంబ్లీలో అనుసరించాల్సిన వ్యూహంపై చర్చించినట్లు సమాచారం. కేసీఆర్ వారికీ ప్రత్యేక దిశానిర్దేశం చేసినట్లు పార్టీ వర్గాలు చెబుతున్నాయి.

Allu Kanakaratnam Passed Away : అల్లు ఫ్యామిలీలో విషాదం..తరలివస్తున్న సినీ ప్రముఖులు

ఈసారి అసెంబ్లీని కనీసం 15 రోజుల పాటు నిర్వహించాలని బీఆర్ఎస్ కోరుతోంది. యూరియా కొరత, ఇటీవల కురిసిన భారీ వర్షాలు, వరదలు, పట్టణాల్లో పారిశుద్ధ్య సమస్యలు వంటి ప్రజా సమస్యలను సభలో ప్రస్తావించేందుకు సిద్ధమవుతోంది. ముఖ్యంగా కాళేశ్వరం ప్రాజెక్టుపై కేంద్రమైన చర్చ జరగనుంది. ఈ సందర్భంగా బీఆర్ఎస్ తరఫున హరీష్ రావు సభలో మాట్లాడతారని, కాళేశ్వరం ప్రాజెక్టుపై పవర్‌పాయింట్ ప్రజెంటేషన్ ఇవ్వడానికి అవకాశం ఇవ్వాలని డిమాండ్ చేయనుందని సమాచారం.

మొదటి రోజు సంతాప తీర్మానం అనంతరం సభ వాయిదా పడిన తర్వాత, బీఆర్ఎస్ శాసనసభా పార్టీ కార్యాలయంలో (బీఆర్ఎల్పీ) ప్రెస్‌మీట్ నిర్వహించేందుకు పార్టీ నేతలు సన్నాహాలు చేస్తున్నారు. సభలో తమ పార్టీ వైఖరి, ప్రజా సమస్యలపై తమ అభిప్రాయాలను ఆ ప్రెస్‌మీట్‌లో వివరిస్తారని బీఆర్ఎస్ వర్గాలు చెబుతున్నాయి. కేసీఆర్ గైర్హాజరు, కేటీఆర్–హరీష్ రావుల చురుకైన సమన్వయం, అలాగే కాళేశ్వరం నివేదికపై చర్చ – ఇవన్నీ ఈ అసెంబ్లీ సమావేశాలను మరింత హాట్‌టాపిక్‌గా మార్చుతున్నాయి.

Urea : రైతులకు గుడ్ న్యూస్ తెలిపిన మంత్రి తుమ్మల

Follow us