Revanth Reddy: కాంగ్రెస్ ప్రచార పర్వం.. 10 లక్షల మందితో భారీ బహిరంగ సభ!
తెలంగాణలో ఎన్నికల కదన రంగంలోకి టీకాంగ్రెస్ అడుగు పెట్టబోతోంది. దాదాపు 10 లక్షల మందితో భారీ బహిరంగ సభ నిర్వహించబోతోంది.
- By Balu J Published Date - 12:50 PM, Wed - 6 September 23
సెప్టెంబర్ 17న జరిగే కాంగ్రెస్ సభకు దాదాపు 10 లక్షల మందిని సమీకరించాలని టీపీసీసీ చీఫ్ ఎ రేవంత్ రెడ్డి పార్టీ నాయకులు, కార్యకర్తలకు పిలపునిచ్చారు. ఈ కార్యక్రమానికి కాంగ్రెస్ పార్లమెంటరీ పార్టీ అధినేత్రి సోనియా గాంధీ, ఏఐసీసీ అధ్యక్షుడు మల్లికార్జున్ ఖర్గే హాజరుకానున్నారు. పార్టీ కార్యవర్గ సమావేశంలో, బహిరంగ సభ నిర్వహించడానికి వివిధ వేదికలను పరిశీలిస్తున్నామని, ఎట్టి పరిస్థితుల్లోనూ వాయిదా వేయబోమని చెప్పారు.
బిఆర్‌ఎస్, బిజెపి నాయకులు పాత పార్టీపై కుట్ర పన్నుతున్నారని, పరేడ్ గ్రౌండ్స్‌లో ఈవెంట్‌ను నిర్వహించకుండా చూసేందుకు శాయశక్తులా ప్రయత్నిస్తున్నారని రేవంత్ వాపోయారు. అదే రోజు పరేడ్ గ్రౌండ్స్‌లో తమ పార్టీ సమావేశం ఉంటుందని బీజేపీ రాష్ట్ర అధ్యక్షుడు జి కిషన్‌రెడ్డి ప్రకటించడం (కుట్ర) నిరూపిస్తోంది. బహిరంగ సభ నిర్వహించేందుకు ఎల్‌బీ స్టేడియం లేదా ఔటర్‌ రింగ్‌రోడ్డుకు సమీపంలోని స్థలం వంటి ప్రత్యామ్నాయ వేదికలను ఇప్పుడు పరిశీలిస్తున్నామని చెప్పారు.
ఎస్‌పిజి కవర్‌తో నేతలు రాష్ట్రానికి వస్తున్నప్పుడు ప్రభుత్వం సానుకూల నిర్ణయం తీసుకోవాలని ఆయన అన్నారు. కేంద్ర హోంమంత్రి అమిత్ షా బహిరంగ సభను బీజేపీ ఉద్దేశపూర్వకంగానే హైదరాబాద్‌కు తరలించిందని టీపీసీసీ వర్కింగ్ ప్రెసిడెంట్ మహేష్ కుమార్ గౌడ్, ఏఐసీసీ కార్యదర్శి ఎస్ఏ సంపత్ కుమార్ గౌడ్ ఆరోపించారు. ఈ బహిరంగ సభలో సోనియాగాంధీ పార్టీ ఎన్నికల మేనిఫెస్టోను, ఐదు ఎన్నికల హామీలను కూడా విడుదల చేస్తారని వారు వెల్లడించారు.
