Chicken Price : కాంగ్రెస్ గెలుపు సందర్బంగా తక్కువ ధరకే చికెన్ అమ్మకం..

తెలంగాణ ఎన్నికల్లో కాంగ్రెస్ పార్టీ (Congress) భారీ మెజార్టీ తో విజయ డంఖా మోగించిన సంగతి తెలిసిందే. ముఖ్యంగా ఖమ్మం (Khammam) జిల్లాలో 9 స్థానాల్లో గెలిచి ఖమ్మం గడ్డ ..కాంగ్రెస్ అడ్డా అనిపించుకుంది. భట్టి విక్రమార్క (మధిర ) , పొంగులేటి శ్రీనివాస్ రెడ్డి (పాలేరు) , తుమ్మల (ఖమ్మం ) . మట్టా రాగమయి (సత్తుపల్లి), పాయం వెంకటేశ్వర్లు (పినపాక ), ఇల్లందు (కోరం కనకయ్య), మాలోతు రామ్‌దాస్ (వైరా ) , కూనంనేని సాంబశివరావు ( కొత్తగూడెం – సీపీఐ ), జారె ఆదినారాయణ (అశ్వారావుపేట ) లు విజయం సాధించారు.

We’re now on WhatsApp. Click to Join.

ఖమ్మం జిల్లాలో 10 కి 9 స్థానాల్లో గెలిచి చూపిస్తామని సవాల్ చేసిన పొంగులేటి శ్రీనివాస్ రెడ్డి..ఆ సవాల్ ను నిరూపించుకున్న నేపథ్యంలో ఖమ్మం జిలాల్లో కాంగ్రెస్ శ్రేణులు , అభిమానులు సంబరాలు చేసుకుంటున్నారు. ఇక తమ అభిమాన నేతలు పొంగులేటి శ్రీనివాస్ రెడ్డి, తుమ్మల , మట్టా రాగమయి విజయం సాధించడం తో పెనుబల్లి మండలంలోని కారాయిగూడెంలో నరుకుళ్ల రాఘవరావు అనే చికెన్ షాప్ యజమాని కేజీ చికెన్ రూ.120 లకే అమ్ముతున్నాడు. దీంతో నిన్న ఒక్క రోజే 5 క్వింటాళ్ల చికెన్ విక్రయించాడు. పెద్ద ఎత్తున కాంగ్రెస్ శ్రేణులతో పాటు పక్కనున్న పల్లె వాసులు సైతం ఇతడి వద్దకు వచ్చి చికెన్ ను కొనుగోలు చేస్తున్నారు. ఇతడి అభిమానాన్ని అంత మెంచుకుంటున్నారు.

Read Also : Kondareddypalli : రేవంత్ స్వగ్రామంలో అంబరాన్నంటిన సంబరాలు