Karthika Masam : మహిళలకు రేవంత్ సర్కార్ గుడ్ న్యూస్

నేటి నుండి కార్తీకమాసం (Karthika Masam) మొదలైంది. ఈ సందర్భంగా తెలంగాణ ప్రభుత్వం (Telangana Govt) మహిళలకు శుభవార్త తెలిపింది. ఈరోజు నుంచి డిసెంబర్ 01 వరకు అన్ని ఆలయాల్లో కార్తీకమాస దీపోత్సవాలు నిర్వహించాలని మంత్రి కొండా సురేఖ అధికారులను ఆదేశించారు. ప్రతిరోజూ సా.6-8 గంటల వరకు దీపోత్సవ వేడుకలు చేయాలని, పాల్గొనే వారికి 2 మట్టి ప్రమిదలు, నూనె, వత్తులు ఉచితంగా ఇవ్వాలన్నారు. మహిళలకు ఉచితంగా పసుపు, కుంకుమ ఇవ్వడంతో పాటు ప్రధాన ఆలయాల్లో బ్లౌజ్ పీస్లు అందించాలన్నారు.

కార్తీకమాసం (Karthika Masam) విషయానికి వస్తే..

దీపావళి పండుగ తర్వాత కార్తీక శుద్ధ పాడ్యమి నుండి మొదలై, మాసం మొత్తం క్రమపద్ధతిలో పూజలు, దీపాల ప్రదక్షిణలు, ఉపవాసాలు చేస్తారు. ఈ నెలను ప్రత్యేకంగా శివుడికి మరియు విష్ణువుకు అంకితం చేస్తారు, అందుకే శివపార్వతుల, విష్ణు లక్ష్మి వ్రతాలు, ఉపవాసాలు చేసుకుంటారు.

కార్తీక మాసం విశేషాలు :

దీపారాధన: కార్తీకమాసంలో ప్రతి రోజు సాయంత్రం ఆర్తికుగా దీపాలను వెలిగించడం, దేవాలయాలకి, పవిత్ర స్థలాలకు వెళ్లి దీపాలను ప్రదక్షిణ చేయడం ఒక ముఖ్య ఆచారం. దీపాలను నదుల తీరాల్లో, చెరువుల వద్ద తేలియాడించటం ఒక ప్రత్యేకత.

వ్రతాలు మరియు ఉపవాసాలు: కార్తీక సోమవారాలు శివుడికి ప్రీతికరమైనవిగా పరిగణిస్తారు. ప్రతి సోమవారం ఉపవాసం చేస్తారు. విష్ణుమూర్తిని ఆరాధించే వారికి, ప్రత్యేకంగా ఈ మాసంలో విష్ణు సహస్రనామం పఠించడం, తులసి దళాలు సమర్పించడం చేస్తారు.

తులసి వ్రతం: కార్తీకమాసంలో తులసి దళాలను విష్ణుమూర్తికి సమర్పించడం చాలా పవిత్రంగా భావిస్తారు. కార్తీక శుద్ధ ఏకాదశి రోజున తులసి వివాహం ఉత్సవంగా జరుపుకుంటారు. తులసి మొక్కను పెంచడం, నీరుపోస్తూ ఆరాధించడం వల్ల ఆరోగ్యం, శాంతి, సంపదలు లభిస్తాయని నమ్మకం.

నదిస్నానాలు: కార్తీక మాసంలో ప్రతిరోజూ స్నానాలు అత్యంత ముఖ్యమైన ఆచారంగా పాటిస్తారు, ముఖ్యంగా నదులలో స్నానం చేయడం పవిత్రంగా పరిగణిస్తారు. ఇది శరీర శుభ్రతను పెంచి, ఆత్మను పవిత్రం చేస్తుందని విశ్వాసం ఉంది.

కార్తీక పౌర్ణమి: కార్తీకమాసంలో వచ్చే పౌర్ణమి ఎంతో ముఖ్యమైనది. ఈ రోజున శివాలయాలలో ప్రత్యేక పూజలు, దీప ప్రదక్షిణలు చేస్తారు. పుష్కర స్నానం, గంగాస్నానం లాంటి నదీ స్నానాలు చేసి పాప విముక్తి పొందాలని భక్తుల నమ్మకం.

కార్తీకమాసం మహత్యం :

ఈ మాసంలో పూజలు, ఉపవాసాలు, వ్రతాలు చేయడం వల్ల పవిత్రత, పాప విముక్తి, శాంతి లభిస్తాయని హిందూ ధర్మం చెబుతోంది. కార్తీక మాసంలో తులసి, దీపం, శివపూజలు, ఉపవాసాలు భక్తులకు ఆధ్యాత్మిక శ్రేయస్సు, ఆరోగ్యాన్ని అందిస్తాయి.

Read Also : Pawan : డిప్యూటీ సీఎం..కక్ష సాధింపుల పై కాకుండా శాంతిభద్రతలపై దృష్టి పెట్టండి – వైసీపీ