Medical Colleges: తెలంగాణలో 9 మెడికల్ కాలేజీలు ప్రారంభానికి సిద్ధం!
వర్చువల్ మోడ్‌లో తొమ్మిది కొత్త మెడికల్ కాలేజీలను ముఖ్యమంత్రి కే చంద్రశేఖర్ రావు సెప్టెంబర్ 15న ప్రారంభించనున్నారు.
- By Balu J Published Date - 01:49 PM, Fri - 8 September 23
Medical Colleges: ఎన్నికలు సమీపిస్తుండటంతో బీఆర్ఎస్ ప్రభుత్వం మరింత దూకుడు పెంచింది. ఈ నేపథ్యంలో కామారెడ్డి, కరీంనగర్, ఖమ్మం, జయశంకర్-భూపాలపల్లి, కుమురంభీం- ఆసిఫాబాద్, నిర్మల్, రాజన్న-సిరిసిల్ల, వికారాబాద్, జనగాంలో ఈ కళాశాలలు వర్చువల్ మోడ్‌లో తొమ్మిది కొత్త మెడికల్ కాలేజీలను ముఖ్యమంత్రి కే చంద్రశేఖర్ రావు సెప్టెంబర్ 15న ప్రారంభించనున్నారు. ఈ కళాశాలలు వచ్చే విద్యా సంవత్సరంలో తమ విద్యా కార్యకలాపాలను ప్రారంభిస్తాయి.
ఆరోగ్యశ్రీ హెల్త్‌కేర్‌ ట్రస్ట్‌ కార్యాలయంలో వైద్యఆరోగ్య శాఖ మంత్రి హరీశ్‌రావు అధ్యక్షతన జరిగిన సమీక్షా సమావేశంలో ఈ నిర్ణయం తీసుకున్నారు. సమావేశంలో అడ్మిషన్ల ప్రక్రియను పర్యవేక్షించాలని ఆయా కళాశాలల ప్రిన్సిపాళ్లను హరీశ్ ఆదేశించారు. తరగతులు సజావుగా ప్రారంభమయ్యేలా తదుపరి పర్యవేక్షణ కోసం శుక్రవారం మరోసారి సమావేశం కావాలని కాళోజీ ఆరోగ్య విశ్వవిద్యాలయం ఉపకులపతి, వైద్య విద్య సంచాలకులను ఆయన ఆదేశించారు.
5,204 స్టాఫ్ నర్సుల రిక్రూట్‌మెంట్ ఫలితాలను త్వరితగతిన విడుదల చేయాలని మంత్రి అధికారులను ఆదేశించారు. పే రివిజన్ కమిషన్ (పిఆర్‌సి)కి సంబంధించి పెండింగ్‌లో ఉన్న సమస్యలను పరిష్కరించాలని, సహాయక నర్స్ మిడ్‌వైవ్‌ల (ఎఎన్‌ఎంలు) బకాయిలను వెంటనే పరిష్కరించాల్సిన అవసరాన్ని చెప్పారు. గ్రేటర్ హైదరాబాద్ మున్సిపల్ కార్పొరేషన్ (GHMC) పరిధిలో జిల్లా వైద్య, ఆరోగ్య అధికారుల (DMHO) నియామక ప్రక్రియను త్వరగా పూర్తి చేయాలని హరీష్ పిలుపునిచ్చారు.
Also Read: Vizag@IT: ఐటీ హబ్‌గా విశాఖపట్నం, క్యూ కడుతున్న దిగ్గజ కంపెనీలు!
