Harish Rao : ప్రభుత్వాసుపత్రిలో నార్మల్ డెలివరీలు చేస్తే..రూ. 3వేలు పారితోషికం..!!

Harishrao

తెలంగాణ మంత్రి హరీష్ రావు..వైద్యారోగ్య శాఖ మంత్రిగా బాధ్యతలు చేపట్టింది మొదలు..మెరుగైన వైద్యం అందించేందుకు వినూత్న ప్రయత్నాలు చేస్తున్నారు. వీలుదొరికినప్పుడల్లా…ప్రభుత్వ ఆసుపత్రులను తనిఖీ చేస్తూ…నిర్లక్ష్యం చేస్తున్న వైద్యులు, సిబ్బందిపై చర్యలు తీసుకుంటున్నారు. తాజాగా వైద్య సిబ్బందికి మంత్రి గుడ్ న్యూస్ చెప్పారు. ప్రభుత్వాసుపత్రుల్లో నార్మల్ డెలివరీల కోసం ప్రోత్సహిస్తే…ఆశా కార్యకర్తలు, ఏఎన్ఏం స్టాప్ నర్సులు వైద్య వర్గాలకు రూ. 3వేల పారితోషికం అందిస్తామని హరీశ్ రావు ప్రకటించారు.

పేదవారికి మెరుగైన వైద్యం అందించాలన్న లక్ష్యంతో ముందుకు సాగుతున్న హరీశ్ రావు…సీజెరియన్లను ప్రోత్సహించవద్దని హితవు పలికారు. గవర్నమెంట్ ఆసుపత్రిలో ప్రసవాలు పెరగాలని…నార్మల్ డెలివరీలు ఎక్కువగా జరగాలని చెప్పారు. ప్రభుత్వ, ప్రైవేట్ ఆసుపత్రులకు తేడా తెలియజేయాలని మంత్రి చెప్పారు.

ఈ మధ్యకాలంలో సిజేరియన్లు పెరిగిపోతున్న నేపథ్యంలో మంత్రి ఈ కీలక నిర్ణయం తీసుకున్నట్లు సమాచారం. ఇప్పటికే ప్రభుత్వాసుపత్రుల్లో డెలవరీలకు వెళ్లే కేసీఆర్ కిట్ ను అందిస్తోంది సర్కార్. దీంతో ప్రభుత్వాసుపత్రుల్లో డెలివరీల సంఖ్య పెరిగిపోతోంది. సిజెరీయన్లను అరికట్టి…నార్మల్ డెలివరీలను ప్రోత్సహించేలా చర్యలు తీసుకుంటోంది ప్రభుత్వం.

Follow us