Komatireddy Brothers: రాజగోపాల్ మద్దతు కోసం వెంకట్ రెడ్డి లాబీయింగ్!

Komatireddy Bro

మునుగోడు రాజకీయాలు ఆసక్తికరంగా మారుతున్నాయి. ఇప్పటికే వివిధ పార్టీల నేతలు, ఇతర పార్టీలకు జంప్ చేస్తూ పొలిటికల్ హీట్ పెంచుతుంటే.. తాజాగా కోమటరెడ్డి బ్రదర్స్ వ్యవహరం హాట్ టాపిక్ గా మారింది. రాజగోపాల్ రెడ్డి మద్దతు కోసం కోమటిరెడ్డి వెంకట్ రెడ్డి లాబీయింగ్ చేస్తున్నారని కాంగ్రెస్ నాయకులు ఆరోపించడం చర్చనీయాంశమవుతోంది. ఎమ్మెల్యే పదవితో పాటు కాంగ్రెస్ పార్టీ సభ్యత్వానికి కూడా రాజీనామా చేసి బీజేపీలో చేరారు కోమటిరెడ్డి రాజగోపాల్ రెడ్డి. దీంతో మునుగోడుకు ఉప ఎన్నిక అనివార్యమైంది. ఇంకా ఉప ఎన్నిక తేదీ అయితే ఖరారు కాలేదుగానీ..మునుగోడులో గెలుపు కోసం టీఆర్ఎస్, బీజేపీ, కాంగ్రెస్ పార్టీలు ఎత్తులకు పైఎత్తులు వేస్తున్నాయి. మునుగోడులో గెలుపే ప్రధానంగా వ్యూహాలు రచిస్తున్నాయి. ముఖ్యంగా అభ్యర్థి విషయంలో కసరత్తులు చేస్తున్నాయి. మునుగోడు ఎమ్మెల్యేగా ఉన్న కోమటిరెడ్డి రాజగోపాల్ రెడ్డి బీజేపీ చేరటం..ఉప ఎన్నిక రావటం..ఆ ఎన్నికలో కూడా రాజగోపాల్ రెడ్డికే మద్ధతు ఇవ్వాలంటూ ఆయన సోదరుడు కోమటిరెడ్డి వెంకట్ రెడ్డి లాభీయింగులు చేస్తున్నారా? కాంగ్రెస్ లో ఉంటూ బీజేపీలో చేరిన తమ్ముడికి మద్దతు ఇవ్వాలనుకుంటున్నారా? అంటే నిజమేనంటున్నారు మునుగోడు కాంగ్రెస్ నేతలు. మునుగోడులోని కాంగ్రెస్ నేతలకు కోమటిరెడ్డి వెంకట్ రెడ్డి ఫోన్లు చేసి తన సోదరుడు రాజగోపాల్ రెడ్డికే మద్దతు ఇవ్వాలని వేధిస్తున్నారని..బెదిరిస్తున్నారని అంటున్నారు మునుగోడు కాంగ్రెస్ నేతలు.

కోమటిరెడ్డివెంకట్ రెడ్డి తీరుపై ఆగ్రహం వ్యక్తం చేస్తున్నారు మునుగోడు కాంగ్రెస్ నేతలు. ఈ ఫోన్ల వేధింపులపై మునుగోడు కాంగ్రెస్ నేతలు సమావేశమయ్యారు. కాంగ్రెస్ లో ఎంపీగా కొనసాగుతూ వెంకట్ రెడ్డి తన సోదరుడు రాజగోపాల్ రెడ్డికి మద్దతు కూడగడుతున్నారంటూ మండిపడుతున్నారు. కాంగ్రెస్ లో ఉంటూ బీజేపీకి కోవర్టుగా వ్యవహరిస్తున్నారంటూ మండిపడుతున్నారు. వెంకట్ రెడ్డి కాంగ్రెస్ లో కొనసాగుతారో..లేదా సోదరుడిలా బీజేపీలోకి చేరతారో నిర్ణయించుకోవాలని..అంతేతప్ప తమకు ఫోన్లు చేసి వేధించవద్దని హెచ్చరిస్తున్నారు. ఇక వెంకట్ రెడ్డి కూడా బీజేపీలోకి వెళ్లిపోతారనే వార్తలు వచ్చాయి. కానీ ఆయనమాత్రం కాంగ్రెస్ లో ఉంటూనే సోదరుడికి మద్దతు కూడగడుతున్నారని మునుగోడు కాంగ్రెస్ నేతలు ఆరోపిస్తున్నారు. కాంగ్రెస్ ఎంపీగా ఉంటూ బీజేపీకి కోవర్టుగా పనిచేస్తున్నారని మండిపడుతున్నారు.

Follow us