Hydraa : మాదాపూర్ లో హైడ్రా కూల్చివేతలు.. బడా బిజినెస్ మాన్ పై కేసు నమోదు
Hydraa : మాదాపూర్లోని ఈ చెరువు పరిసర ప్రాంతాల్లో అక్రమంగా నిర్మించిన గుడిసెలు, బోరు మోటార్లను హైడ్రా అధికారులు సోమవారం తెల్లవారుజాము నుంచే పోలీసుల భద్రత మధ్య కూల్చివేయడం ప్రారంభించారు
- Author : Sudheer
Date : 30-06-2025 - 11:30 IST
Published By : Hashtagu Telugu Desk
హైదరాబాద్ నగర అభివృద్ధి సంస్థ (HYDRA) సున్నం చెరువు పరిధిలో జరిగిన అక్రమ నిర్మాణాలను కూల్చేస్తుంది. మాదాపూర్లోని ఈ చెరువు పరిసర ప్రాంతాల్లో అక్రమంగా నిర్మించిన గుడిసెలు, బోరు మోటార్లను హైడ్రా అధికారులు సోమవారం తెల్లవారుజాము నుంచే పోలీసుల భద్రత మధ్య కూల్చివేయడం ప్రారంభించారు. చెరువును పూర్తిగా పునరుద్ధరించేందుకు ప్రభుత్వం రూ.10 కోట్లు మంజూరు చేయడంతో, ప్రాజెక్ట్ అమలులో భాగంగా సర్వేలో గుర్తించిన 32 ఎకరాల ఆక్రమణలను తొలగిస్తున్నట్లు హైడ్రా స్పష్టం చేసింది.
Gold Prices: మరోసారి తగ్గిన బంగారం ధరలు.. ఎంత తగ్గాయంటే?
సున్నం చెరువు పరిధిలోని భూగర్భ జలాలు ప్రమాదకరమైన రసాయనాలతో కలుషితమవుతున్నాయి అని హైడ్రా తన పరిశోధనల్లో తేల్చింది. అయినప్పటికీ కొంతమంది వ్యక్తులు చెరువు పక్కన బోర్లు వేసి ఈ నీటిని ట్యాంకర్ల ద్వారా IT కంపెనీలు, హాస్టళ్లు, హోటళ్లకు సరఫరా చేస్తుండటం వెలుగులోకి వచ్చింది. దీంతో ఆ వ్యక్తిపై కేసు నమోదు చేయడంతో పాటు, ఉపయోగిస్తున్న బోరు మోటార్లను హైడ్రా అధికారులు తొలగించారు. తాగేందుకు పూర్తిగా అర్హతలేని నీటిని వినియోగిస్తున్న ఈ చర్య వల్ల అధికారులు ప్రజల ఆరోగ్యంపై ముప్పుగా భావించి జోక్యం చేసుకున్నారు.
Delhi : ఢిల్లీలో వాయు కాలుష్య నివారణకు ప్రభుత్వం కీలక నిర్ణయం
అక్రమ నీటి సరఫరా చేసే ట్యాంకర్లను సీజ్ చేయడంతో పాటు, చెరువు పరిధిలో ఎఫ్టిఎల్ (Full Tank Level) పరిధిలో నిర్మించిన అక్రమ గుడిసెలను హైడ్రా అధికారులు తొలగిస్తున్నారు. గతంలో రసూల్పుర సెంటర్లో కూల్చివేతల తరహాలో, మాదాపూర్ ప్రాంతంలో కూడా అక్రమ కట్టడాలపై బుల్డోజర్లతో చర్యలు చేపట్టారు. ఇకపై కూడా నగర పరిధిలో ఎవరైనా చెరువులు, నదులు, నాలాలు ఆక్రమిస్తే సడలింపు లేకుండా తొలగించి తీరతామని హైడ్రా హెచ్చరించింది. పర్యావరణ పరిరక్షణ, చెరువుల పునరుజ్జీవన దిశగా హైడ్రా చేపడుతున్న ఈ చర్యలు పాజిటివ్ సిగ్నల్స్ ఇస్తున్నాయి.
Follow us
