Harish Rao Father Died : హరీశ్ రావు తండ్రి మృతి.. అంత్యక్రియలకు దూరంగా కవిత

Kavitha Harishrao Father

తెలంగాణ రాజకీయాల్లో కీలక నేత అయిన మాజీ మంత్రి హరీశ్ రావు కుటుంబంలో విషాదం నెలకొంది. హరీశ్ రావు తండ్రి సత్యనారాయణ ఈ రోజు మృతి చెందారు. ఆయన చాలా కాలంగా అనారోగ్యంతో బాధపడుతున్నట్లు సమాచారం. సత్యనారాయణ రాష్ట్ర రాజకీయాల్లో యాక్టివ్ గా లేనప్పటికీ, ఆయన కుటుంబం రాష్ట్ర రాజకీయాల మధ్య కేంద్ర బిందువుగా ఉంటుంది. టీఆర్‌ఎస్ (ప్రస్తుతం బీఆర్‌ఎస్) పార్టీ స్థాపకుడు కేసీఆర్ బావగారైన ఆయన మరణం రాజకీయ వర్గాల్లో కూడా చర్చనీయాంశంగా మారింది. కుటుంబ సభ్యులు, బంధువులు, అనుచరులు ఆయన చివరి యాత్రలో పాల్గొని నివాళులు అర్పించారు.

Ranapala : రణపాల ఆకులతో బోలెడు లాభాలు.. ఈ వ్యాధులున్నవారు తీసుకుంటే

అయితే సత్యనారాయణ అంత్యక్రియలకు కవిత హాజరు కాకపోవడం ఇప్పుడు హాట్ టాపిక్ గా మారింది. కవిత కొద్ది రోజుల క్రితం హరీశ్ రావుపై చేసిన సంచలన ఆరోపణలతో కుటుంబ వాతావరణం కఠినంగా మారినట్లు తెలుస్తోంది. రాజకీయ విభేదాలు, పార్టీ లోపలున్న అసంతృప్తులు ఈ కుటుంబ బంధాలను ప్రభావితం చేశాయని రాజకీయ పర్యవేక్షకులు చెబుతున్నారు. హరీశ్ తండ్రి అంత్యక్రియల సమయంలో కవిత దూరంగా ఉండటం ఈ మాటలకు మరింత బలం చేకూర్చింది.

ఇక ప్రజల్లో మాత్రం మిశ్రమ అభిప్రాయాలు వ్యక్తమవుతున్నాయి. కుటుంబ విభేదాల మధ్య కూడా విషాద సమయంలో రాజకీయాలు పక్కనపెట్టడం అవసరమని పలువురు భావిస్తున్నారు. “ఈ సమయంలో కవిత వచ్చి తమ మామకు కడసారి వీడ్కోలు పలికితే బాగుండని కొంతమంది అంటున్నారు. మరికొందరు అయితే ఇది పూర్తిగా వ్యక్తిగత నిర్ణయం అని, రాజకీయ విభేదాలు ఎంత ఉన్నా కుటుంబ అనుబంధాలు నిలవాలని వ్యాఖ్యానిస్తున్నారు. ఈ సంఘటనతో తెలంగాణ రాజకీయాల్లో కవిత-హరీశ్ మధ్య దూరం ఇంకా పెరిగిందనే వ్యాఖ్యలు వినిపిస్తున్నాయి.

Follow us