Harish Rao Letter To CM Revanth Reddy : సన్ ఫ్లవర్ కొనుగోలు కేంద్రాలపై డిమాండ్

తెలంగాణలో నూనె గింజల సాగుకు ప్రోత్సాహం పెరుగుతున్నప్పటికీ, సన్ ఫ్లవర్ రైతుల సమస్యలు (Problems of sunflower farmers) పరిష్కారం కావడం లేదని బీఆర్ఎస్ నేత, మాజీ మంత్రి హరీష్ రావు (Harishrao) మండిపడ్డారు. ఈ నేపథ్యంలో సీఎం రేవంత్ రెడ్డి(CMRevanth)కి లేఖ రాసిన హరీష్ రావు, రాష్ట్ర వ్యాప్తంగా సన్ ఫ్లవర్ కొనుగోలు కేంద్రాలను(Sunflower purchasing center) తక్షణమే ప్రారంభించాలని డిమాండ్ చేశారు. బీఆర్ఎస్ ప్రభుత్వ హయాంలో నూనె గింజల ఉత్పత్తిని పెంచేందుకు రైతులకు అన్ని విధాలుగా మద్దతు అందించామని, కానీ ప్రస్తుత ప్రభుత్వ వైఖరి రైతులను నష్టపరిచేలా మారిందని ఆరోపించారు. రైతులు తమ సన్ ఫ్లవర్ పంటను అమ్మడానికి కొనుగోలు కేంద్రాలు లేకపోవడంతో దళారుల చేతిలో పెడుతున్నారని, దీని వల్ల పెద్ద ఎత్తున నష్టపోతున్నారని హరీష్ రావు ఆవేదన వ్యక్తం చేశారు.

రైతుల సంక్షేమం పై ప్రస్తుత ప్రభుత్వ నిర్లక్ష్యం

హరీష్ రావు తన లేఖలో గతంలో బీఆర్ఎస్ ప్రభుత్వం నాఫెడ్ ద్వారా సన్ ఫ్లవర్ నూనె గింజలకు గిట్టుబాటు ధర కల్పించి కొనుగోలు చేసిందని పేర్కొన్నారు. ఈ సంవత్సరం కూడా నాఫెడ్ రూ. 7,280 మద్దతు ధరను ప్రకటించిందని, అయినప్పటికీ కొనుగోలు కేంద్రాలను ప్రారంభించకపోవడం రైతులపై భారీ ఆర్థిక భారం వేస్తోందని అన్నారు. వ్యవసాయ మార్కెట్‌లో సరైన ధర లభించకపోవడంతో, రైతులు దళారులకు క్వింటాల్‌కు రూ. 5,500 నుండి రూ. 6,000 మధ్యలో తక్కువ ధరకు విక్రయించాల్సి వస్తోందని ఆందోళన వ్యక్తం చేశారు. ప్రస్తుత ప్రభుత్వం రైతుల కష్టాలను పట్టించుకోకుండా నిర్లక్ష్యం ప్రదర్శిస్తోందని, వెంటనే సన్ ఫ్లవర్ గింజల కొనుగోలు కేంద్రాలను ఏర్పాటు చేయాలని డిమాండ్ చేశారు.

సరైన మద్దతు లేకపోతే రైతుల ఆందోళన

సన్ ఫ్లవర్ రైతులు ప్రస్తుతం కొనుగోలు కేంద్రాలు లేక ఇబ్బందులు పడుతున్నారని, ప్రభుత్వం తక్షణ చర్యలు తీసుకోకపోతే రైతుల ఆగ్రహం మరింత పెరుగుతుందని హరీష్ రావు హెచ్చరించారు. నూనె గింజల సాగుకు అనుకూలమైన వాతావరణం, తగిన మద్దతు ధర ఉంటేనే రైతులు ఈ పంటను సాగు చేస్తారని, కానీ ప్రస్తుత ప్రభుత్వ విధానం వల్ల భవిష్యత్తులో నూనె గింజల ఉత్పత్తి తగ్గిపోవచ్చని ఆందోళన వ్యక్తం చేశారు. నాఫెడ్ ప్రకటించిన గిట్టుబాటు ధరను అందించేందుకు ప్రభుత్వం ఇప్పటిదాకా ఎందుకు ముందుకు రాలేదని ప్రశ్నించారు. రైతులకు ఎలాంటి నష్టాలు కలగకుండా తక్షణమే చర్యలు తీసుకోవాలని, లేదంటే బీఆర్ఎస్ రైతుల తరఫున కదిలి పోరాడుతుందని హెచ్చరించారు. రైతుల కష్టాలను అర్థం చేసుకుని, రేపటి నుండే రాష్ట్ర వ్యాప్తంగా సన్ ఫ్లవర్ కొనుగోలు కేంద్రాలను ప్రారంభించాలని డిమాండ్ చేశారు. ఎన్నికల కోడ్ కారణంగా రైతుల సమస్యలను నిర్లక్ష్యం చేయకూడదని, ఒక ముఖ్యమంత్రిగా బాధ్యతాయుతంగా వ్యవహరించాలని సూచించారు.

సన్ ఫ్లవర్ రైతుల కష్టాలు మీకు పట్టవా..!

– సన్ ఫ్లవర్ కొనుగోలు కేంద్రాలను ఇంకెప్పుడు ప్రారంభిస్తారు

– మద్దతు ధర రూ.7280 ఉంటే.. దళారులకు రూ.5500 నుండి రూ.6 వేలకే విక్రయించాల్సిన దుస్థితిని రైతులకు తెచ్చారు

– క్వింటాల్ కు రూ. వెయ్యికి పైగానే రైతులకు నష్టాన్ని కలిగిస్తున్నారు

-… pic.twitter.com/TK2ercUdKR

— Office of Harish Rao (@HarishRaoOffice) March 2, 2025