RS Praveen Kumar: బీఎస్పీ రాష్ట్ర అధ్యక్షుడిగా ఆర్ఎస్ ప్రవీణ్!

Rs Praveen Kumar

మాజీ IPS అధికారి, BSP కన్వీనర్ RS ప్రవీణ్ కుమార్ పార్టీ రాష్ట్ర అధ్యక్షుడిగా నియమితులయ్యే అవకాశం ఉంది. ఒక వారం లోపు ప్రకటన వెలువడే అవకాశం ఉంది. విశ్వసనీయ వర్గాల సమాచారం ప్రకారం.. పార్టీని ఎన్నికల విజయపథంలో నడిపించే సత్తా ఉన్న ప్రముఖ నాయకుడికి రాష్ట్ర అధ్యక్ష పదవి ఇవ్వాలని బీఎస్పీ జాతీయ నాయకత్వం అభిప్రాయపడింది. ప్రస్తుతం ‘బహుజన రాజ్యాధికార యాత్ర’ నిర్వహిస్తున్న కుమార్‌పై దృష్టి సారించింది. అంతేకాకుండా, ప్రవీణ్ కుమార్ స్వేరోస్ రూపంలో పార్టీతో పాటు అతనికి బలమైన సామాజిక మద్దతు ఉంది.

తెలంగాణ రాష్ట్రంలో దొరల పాలన అంతమే బీఎస్పీ లక్ష్యమని, ఇందుకు ప్రజలంతా తమతో కలిసి రావాలని ఆ పార్టీ రాష్ట్ర చీఫ్‌ కోఆర్డినేటర్‌ ఆర్‌.ఎస్‌.ప్రవీణ్‌కుమార్‌ పిలుపునిచ్చారు. బహుజన రాజ్యాధికార యాత్రలో భాగంగా పలు జిల్లాలో పర్యటించారు. తమది ప్రజలకు అండగా నిల్చే పార్టీ అని, రాబోయే 289 రోజుల యాత్రనూ ఇదే తరహాలో ఆదరించాలని ప్రవీణ్ కోరుతున్నారు. దొడ్డి కొమురయ్య కలలు సాకారం చేయాలంటే బడుగుల రాజ్యాధికారం అనివార్యమని పలు సందర్భాల్లో స్పష్టం చేశారు. ఒకవేళ బీఎస్పీ రాష్ట్ర అధ్యక్షుడిగా ప్రవీణ్ కుమార్ ను ఎన్నుకుంటే తెలంగాణ బీఎస్పీ పార్టీ మరింత బలపడే అవకాశం ఉంది.

Follow us