DSC Notification: 5,089 పోస్టులకు డీఎస్సీ నోటిఫికేషన్ విడుదల.. నవంబర్ లో పరీక్ష..!
తెలంగాణ 5,089 పోస్టులకు డీఎస్సీ నోటిఫికేషన్ (DSC Notification) విడుదలైంది. ఈ నెల 20 నుంచి అక్టోబర్ 21 వరకు అభ్యర్థుల నుంచి దరఖాస్తులు స్వీకరించనున్నారు.
- Author : Gopi
Date : 08-09-2023 - 6:57 IST
Published By : Hashtagu Telugu Desk
DSC Notification: తెలంగాణ 5,089 పోస్టులకు డీఎస్సీ నోటిఫికేషన్ (DSC Notification) విడుదలైంది. ఈ నెల 20 నుంచి అక్టోబర్ 21 వరకు అభ్యర్థుల నుంచి దరఖాస్తులు స్వీకరించనున్నారు. నవంబర్ 20 నుంచి 30వరకు CBT విధానంలో పరీక్షలు నిర్వహిస్తారు. ఈ మేరకు పాఠశాల విద్యాశాఖ నోటిఫికేషన్ విడుదల చేసింది. పాత ఉమ్మడి జిల్లాల్లో పరీక్ష కేంద్రాలు ఏర్పాటు చేస్తారు. పాఠశాల విద్యాశాఖలో 5, 089 పోస్టుల భర్తీకి గ్రీన్ సిగ్నిల్ ఇచ్చింది. డీఎస్సీ నోటిఫికేషన్ లో భాగంగా 2,575 ఎస్జీటీ, 1,739 స్కూల్ అసిస్టెంట్ పోస్టులతో పాటు 611 భాషా పండితులు, 164 పీఈటీలను డీఎస్సీ ద్వారా భర్తీ చేయనున్నారు.
మరోవైపు ఈనెల 15న తెలంగాణ టెట్ పరీక్ష కూడా ఉంది. పరీక్షలో భాగంగా రెండు పేపర్లు ఉంటాయి. అందులో పేపర్-1 సెకండరీ గ్రేడ్ టీచర్లుగా నియామకానికి, పేపర్-1 స్కూల్ అసిస్టెంట్ పోస్టుల కోసం అర్హత సాధించేందుకు నిర్వహిస్తారు. ఒక్కో పేపర్ 150 మార్కులకు ఉంటుంది. పేపర్-1కు 1-8 తరగతులు, పేపర్-2కు 6-10 తరగతుల ప్రామాణికంగా ప్రశ్నలు ఉంటాయి. తుది ఫలితాలను సెప్టెంబర్ 27న విడుదల చేస్తారు. సెప్టెంబర్ 15న నిర్వహించే టెట్ పేపర్ 1 పరీక్షనను ఉదయం 9.30 గంటల నుంచి మధ్యాహ్నం 12 వరకు, పేపర్ -2 ను మధ్యాహ్నం 2.30 గంటల నుంచి సాయంత్రం 5 వరకు నిర్వహిస్తారు. https://tstet.cgg.gov.in వెబ్సైట్ నుంచి హాల్ టికెట్లను డౌన్లోడ్ చేసుకోవచ్చు.
Also Read: Bharat Jodo Yatra: శ్రీనగర్ లో భారత్ జోడో యాత్ర మొదటి వార్షికోత్సవం
జిల్లాల వారీగా ఖాళీ పోస్టులు ఇలా ఉన్నాయి
ఆదిలాబాద్ – 275
ఆసిఫాబాద్ -289
భద్రాద్రి కొత్తగూడెం- 185
హనుమకొండ -54
హైదరాబాద్ -358
జగిత్యాల-14
జనగాం- 76
జయశంకర్ భూపాలపల్లి- 74
జోగులాంబ- 146
కామారెడ్డి – 200
కరీంనగర్ – 99
ఖమ్మం – 195
మహబూబాబాద్ – 125
మహబూబ్ నగర్- 96
మంచిర్యాల – 113
మెదక్ – 147
మేడ్చల్- 78
ములుగు – 65
నాగర్ కర్నూల్ – 114
నల్గొండ – 219
నారాయణపేట – 154
నిర్మల్ – 115
నిజామాబాద్ – 309
పెద్దపల్లి – 43
రాజన్న సిరిసిల్ల – 103
రంగారెడ్డి – 196
సంగారెడ్డి – 283
సిద్దిపేట -141
సూర్యాపేట – 185
వికారాబాద్ -191
వనపర్తి – 76
వరంగల్ – 99
యాదాద్రి- 99
ఇందులో అత్యధికంగా హైదరాబాద్ జిల్లాలో 358 నిజామాబాద్ జిల్లాలో 309 ఖాళీలున్నాయి. పెద్దపల్లి జిల్లాలో అతి తక్కువగా 43, హన్మకొండలో 53 ఖాళీలు మాత్రమే ఉన్నాయి.
Follow us
