TS Elections: ఓట్ల లెక్కింపు.. ఒక్కో రౌండ్‌కు 30 నిమిషాలు
ఒక్కో రౌండ్‌కు 30 నిమిషాల సమయం పడుతుందని అధికారులు తెలిపారు.
- By Balu J Published Date - 08:22 AM, Sun - 3 December 23
TS Elections: ఆదివారం ఓట్ల లెక్కింపుకు సంబంధించి రౌండ్ల వారీ అప్‌డేట్‌ల కోసం ఎదురుచూస్తున్న వారికి, ఒక్కో రౌండ్‌కు 30 నిమిషాల సమయం పడుతుందని అధికారులు తెలిపారు. ఒక్కో రౌండ్‌లోని ఓట్ల సంఖ్య ఆ నియోజకవర్గంలోని పోలింగ్ శాతంపై ఆధారపడి ఉంటుంది’’ అని హైదరాబాద్ జిల్లా ఎన్నికల అధికారి ఒకరు తెలిపారు.
అంటే యాకుత్‌పురా వంటి 30 శాతం కంటే తక్కువ ఓటింగ్ ఉన్న నియోజకవర్గాలు త్వరగా నిర్ణయించబడతాయి, ఎక్కువ సంఖ్యలో ఓటర్లు ఉన్న మునుగోడు వంటి వాటికి సమయం పట్టవచ్చు. కౌంటింగ్ కేంద్రాల లోపలికి మొబైల్ ఫోన్లను అనుమతించబోమని, కౌంటింగ్ ఏజెంట్లు, కౌంటింగ్ సిబ్బంది అందరూ ఉదయం 5 గంటలకే కౌంటింగ్ కేంద్రానికి రావాలని హైదరాబాద్ జిల్లా ఎన్నికల అధికారి (డీఈవో) రోనాల్డ్ రోస్ తెలిపారు. మూడంచెల భద్రత ఉంటుందని, ఉదయం 8 గంటలకు పోస్టల్ బ్యాలెట్ల లెక్కింపు ప్రారంభమవుతుందని తెలిపారు.
ఈ నేపథ్యంలో ఉదయం 9 గంటలకు ఈవీఎంల లెక్కింపు ప్రారంభమై 9.30 గంటలకు తొలి రౌండ్‌ ఫలితాలు వెలువడే అవకాశం ఉంది. సికింద్రాబాద్‌లోని వెస్లీ డిగ్రీ కళాశాల, అంబర్‌పేట్‌లోని జీహెచ్‌ఎంసీ ఇండోర్ స్టేడియంలో ఉన్న కౌంటింగ్ కేంద్రాలను సందర్శించిన రోజ్ మాట్లాడుతూ.. సాయంత్రంలోగా కౌంటింగ్ పూర్తవుతుంది.
