HYD Metro : ఎల్లుండి నుంచి హైదరాబాద్ మెట్రో రైలు సమయాల్లో మార్పు

హైదరాబాద్ నగరంలో ప్రజా రవాణా వ్యవస్థలో కీలక పాత్ర పోషిస్తున్న L&T మెట్రో రైల్ సర్వీసులు సమయాల్లో మార్పు చేసేందుకు నిర్ణయించాయి. ఎల్లుండి నుంచి కొత్త టైమింగ్స్ అమల్లోకి రానున్నాయని మెట్రో రైల్ సంస్థ అధికారిక ప్రకటనలో పేర్కొంది. తాజా మార్పుల ప్రకారం, మెట్రో రైళ్ల తొలి సర్వీస్ ఉదయం 6 గంటలకు అన్ని టర్మినల్ స్టేషన్ల నుంచి ప్రారంభమవుతుంది. అలాగే చివరి ట్రైన్ రాత్రి 11 గంటలకు బయలుదేరనుంది. ఈ మార్పులు నగరంలోని మూడు ప్రధాన కారిడార్లలో మియాపూర్‌–ఎల్బీనగర్‌, నాగోల్‌ రాయదుర్గం, MGBS మహాత్మా గాంధీ బస్ స్టేషన్‌ ఒకేసారి అమల్లోకి రానున్నాయి.

Rename Delhi: ఇంద్రప్రస్థగా ఢిల్లీ.. పేరు మార్చాల‌ని అమిత్ షాకు లేఖ!

ఇప్పటివరకు చివరి రైలు రాత్రి 11:45 గంటలకు ప్రారంభమవుతుండేది. అంటే కొత్త షెడ్యూల్ ప్రకారం చివరి సర్వీస్ 45 నిమిషాల ముందే ముగియనుంది. మెట్రో సంస్థ ప్రకారం ఈ నిర్ణయం తీసుకోవడానికి ప్రధాన కారణం రాత్రివేళల నిర్వహణ, శుభ్రత, భద్రతా చర్యలకు సమయం ఇవ్వడం. అదనంగా, రాత్రివేళ ప్రయాణికుల సంఖ్య తక్కువగా ఉండటం కూడా ఈ నిర్ణయానికి కారణమైంది. అయితే ఉదయం పీక్‌ అవర్స్‌ సమయంలో రైళ్ల ఫ్రీక్వెన్సీ యథావిధిగా కొనసాగుతుందని, ప్రయాణికులకు ఎటువంటి ఇబ్బందులు కలగకుండా చర్యలు తీసుకున్నామని సంస్థ హామీ ఇచ్చింది.

మెట్రో సమయాల మార్పుపై కొంతమంది ఉద్యోగులు, విద్యార్థులు ఆందోళన వ్యక్తం చేస్తుండగా, అధికారులు వారిని నమ్మబలుకుతున్నారు. రాత్రి 11 తర్వాత అత్యవసర రవాణా అవసరాల కోసం RTC బస్సులు, క్యాబ్ సేవలు అందుబాటులో ఉన్నాయని సూచించారు. మరోవైపు, మెట్రో అధికారులు “ప్రయాణికుల స్పందనను పరిశీలించి అవసరమైతే భవిష్యత్తులో టైమింగ్స్‌ సర్దుబాటు చేసే అవకాశం ఉంది” అని తెలిపారు. మొత్తానికి, నగర రవాణా సౌకర్యంలో ఈ మార్పులు మెట్రో సేవల సమర్థతను పెంచడానికే దోహదం చేస్తాయని అధికారులు పేర్కొన్నారు.