TS Politics: జైలు, ఫ్రంట్..గేమ్!

తెలంగాణ సీఎం కేసీఆర్ ను అరెస్ట్ చేయడాని కి కేంద్రం సిద్దం అయిందని బీజేపీ అధ్యక్షుడు బండి సంజయ్ చెబుతున్నాడు. ఇవే మాటలు దుబ్బాక ఎన్నికల సమయంలో ప్రచారం చేసాడు. మళ్ళీ ఇప్పుడు అవే మాటలను తిరిగి చెబుతున్నాడు. తెలంగాణ సీఎం అవినీతి మీద విచారణకు కేంద్రం ఆదేశాలను ఇవ్వబోతుందని తాజాగా నమో యాప్ వర్చువల్ సమావేశంలో వెల్లడించాడు. అందుకే ఫెడరల్ ఫ్రంట్ అంటూ జిమ్మిక్కులు చేస్తున్నాడని ఆరోపించాడు. కమ్యూనిస్టులను, లాలూ ప్రసాద్ యాదవ్ , తేజస్విని కలవటం వెనుక అరెస్ట్ భయం కేసీఆర్ ఉందని బండి చెబుతున్నాడు. అరెస్ట్ విషయం తెలుసుకుని సానుభూతి కోసం కేసీఆర్ ఫ్రంట్ డ్రామాలు మొదలు పెట్టాడని విమర్శిస్తున్నాడు.

బండి చెబుతున్నంత తేలిగ్గా కేసీఆర్ ను జైలు కు పంపడం సాధ్యమా? అని ప్రశ్న వెసుకుంటే ..అంత ఈజీ కాదని ఎవరైనా చెబుతారు. కానీ బండి మాత్రం ఎందుకో అరెస్ట్, జైలు అంటూ పదేపదే గేమ్ అడుతున్నాడు. ప్రజల్ని నమ్మించే ప్రయత్నం చేస్తున్నాడు. దుబ్బాక, గ్రేటర్, హుజురాబాద్ ఎన్నికల్లో ఆ ప్రచారం పని చేసింది. ఫలితాలు కూడా అనుకూలంగా రావడం తో మరింత బలంగా అరెస్ట్, జైలు అంశాన్ని బండి వినిపిస్తున్నాడు.

వరి ధాన్యం కొనుగోలు, ఉద్యోగుల బదిలీలకు విడుదల చేసిన 317 జీవో మీద టీఆర్ఎస్, బీజేపీ మధ్య వార్ జరుగుతుంది. ఆ క్రమంలో బండి ని జైలు కు కేసీఆర్ సర్కార్ పంపింది. ఆ రోజు నుంచి దూకుడు గా బీజేపీ అడుగులు వేస్తోంది. అందుకు తగిన విధంగా కేసీఆర్ ఎత్తుగడను రచించాడు. కేంద్రంలో మోడీ సర్కారు ను పడేయాలని ప్రయత్నం చేస్తున్నాడు. అందుకే ఫెడరల్ అస్త్రాన్ని మళ్ళీ తీసాడు. ఒక వైపు కేసీఆర్ జైలుకు వెళ్తాడని బండి గేమ్ ఆడుతుంటే ఇంకో వైపు కేంద్రంలో బీజేపీ మళ్ళీ అధికారంలోకి రాకుండా కేసీఆర్ పావులు కదిలించాడు. మొత్తం మీద అటు టీఆర్ఎస్ ఇటు బీజేపీ తెలంగాణ రాజకీయాన్ని రక్తికట్టించడం లో విజయం సాధించారు. మరి ఎవరు చెప్పేది నిజమో తెలియాలి అంటే కొంత కాలం ఆగాల్సిందే!

Follow us