Whatsapp: వాట్సాప్ లో డేటా మిస్ అవ్వకుండా వేరే నెంబర్ కి బదిలీ చేయాలా.. అయితే ఇది మీకోసమే!
వాట్సాప్ లో డేటా మిస్ అవ్వకుండా వేరే బదిలీ చేయాలంటే కొన్ని టిప్స్ ఫాలో అవ్వాలని చెబుతున్నారు.
- By Anshu Published Date - 11:03 AM, Sun - 10 November 24

చాలామంది తరచూ మొబైల్ ఫోన్లను మారుస్తూ ఉంటారు. ఇలా మొబైల్ ఫోన్లను మార్చినప్పుడు ఒక ఫోన్లో ఉన్న డేటాను, ఫొటోస్ నెంబర్స్ ఇలా ప్రతి ఒక్కటి వేరే ఫోన్లోకి బదిలీ చేసుకోవాలంటే కొంచెం కష్టమైన పని అని చెప్పాలి. కొన్నిసార్లు ఎన్ని జాగ్రత్తలు తీసుకున్న కూడా సమాచారాన్ని వేరొక ఫోన్లోకి బదిలీ చేసే సమయంలో ముఖ్య సమాచారం డిలీట్ అవుతూ ఉంటుంది. అలాంటప్పుడు చాలామంది చింతిస్తూ ఉంటారు.
మీరు కూడా అలా వాట్సాప్ డేటాను మరొక ఫోన్లోకి బదిలీ చేయాలని అనుకుంటున్నారా, మరి ముఖ్యమైన సమాచారం డిలీట్ కాకుండా వేరే ఫోన్ లోకి ఎలా బదిలీ చేసుకోవాలో అందుకు ఎలాంటి టిప్స్ ని ఫాలో అవాలో ఇప్పుడు మనం తెలుసుకుందాం.. ముఖ్యంగా సర్టిఫికేట్స్, ఆడియోలు, వీడియోలు, ఫోటోలు వంటి ముఖ్యమైన సమాచారం వాట్సాప్ లో అందుబాటులో ఉంటుంది.
ఈ సందర్భంలో డేటాను కోల్పోకుండా ఉండాలంటే కొన్ని మార్గాలు ఉన్నాయి. ముందుగా మీ ప్రస్తుత స్మార్ట్ ఫోన్ లో వాట్సాప్ యాప్ ను ఇన్స్టాల్ చేసుకోవాలి. సెట్టింగ్ విభాగానికి వెళ్లి, అక్కడ అకౌంట్ పై క్లిక్ చేసి నంబర్ మార్చు పై క్లిక్ చేయాలి. అప్పుడు స్క్రీన్ పై కనిపించే సమాచారాన్ని జాగ్రత్తగా గమనించాలి. తర్వాత నెక్స్ట్ పై క్లిక్ చేసి మీ పాత, కొత్త మొబైల్ నంబర్లను నమోదు చేయాలి. మొబైల్ నంబర్లు సరిగ్గా ఉన్నాయో లేదో చెక్ చేసుకోవడం చాలా ముఖ్యం. మొత్తం సమాచారాన్ని తనిఖీ చేసి done పై క్లిక్ చేయాలి. ఇప్పుడు మీ డేటా మొత్తం కొత్త నంబర్కి బదిలీ అవుతుంది. ఈ విధంగా చేస్తే చాలు ఎటువంటి ముఖ్యమైన సమాచారం డిలీట్ అవ్వకుండా ఒక ఫోన్లో ఉన్న వాట్సాప్ డేటా మొత్తం మరొక ఫోన్లోకి ఈజీగా బదిలీ అవుతుంది.