WhatsApp: వాట్సాప్ యూజర్స్ కి గుడ్ న్యూస్.. ఇకపై వీడియో కాల్స్ లో ఫిల్టర్స్!
వాట్సాప్ వినియోగదారులు ఎప్పుడెప్పుడు అని ఎదురుచూస్తున్న సరికొత్త ఫీచర్ ను తీసుకువచ్చింది వాట్సాప్ సంస్థ.
- By Anshu Published Date - 10:30 AM, Sun - 6 October 24
ఇటీవల కాలంలో వాట్సాప్ వినియోగం పెరిగిపోవడంతో వాట్సాప్ వెంట కూడా అందుకు అనుగుణంగానే నెలలో పదుల సంఖ్యలో కొత్త కొత్త ఫీచర్లను పరిచయం చేస్తూనే ఉంది. ఇప్పటికీ ఎన్నో రకాల ఫీచర్లను అందుబాటులోకి తీసుకువచ్చిన వాట్సాప్ సంస్థ వినియోగదారులను మరింత ఆకర్షించడం కోసం కొత్త కొత్త ఫీచర్లను తీసుకొస్తూనే ఉంది. ప్రైవసీ విషయంలో వాట్సాప్ స్టేటస్ ల విషయంలో చాటింగ్ విషయంలో ఇలా అనేక విషయాలలో మంచి మంచి ఫీచర్లను తీసుకువచ్చిన వాట్సాప్ సంస్థ తాజాగా మరో సరికొత్త ఫీచర్ ని తీసుకువచ్చింది.
ప్రస్తుతం స్మార్ట్ ఫోన్‌ ఉపయోగించే వారు ఫిల్టర్స్‌ను ఎక్కువగా వాడుతున్నారు. సాధారణంగా ఫిల్టర్స్‌ను ఫొటోలను అందంగా దిగేందుకు ఉపయోగిస్తుంటాం. రకరకాల ఫ్రేమ్స్‌, కలర్ షేడ్స్‌తో ఫొటోలను దిగేందుకు ఈ ఫిల్టర్స్ ఉపయోగపడుతాయి. అయితే వాట్సాప్ తీసుకొస్తున్న ఈ కొత్త ఫీచర్ సహయంతో సహాయంతో వీడియో కాల్స్‌లో కూడా ఫిల్లర్స్‌ను ఉపయోగించే అవకాశం కల్పించనున్నారు. ఇందుకోసం కొత్త కెమెరా ఫిల్టర్‌ లు, బ్యాక్‌గ్రౌండ్‌ వంటి కొత్త ఆప్షన్‌ లను తీసుకొచ్చింది. దీంతో యూజర్లు తమ బ్యాక్‌ గ్రౌండ్‌ని మార్చుకోవడంతో పాటు వీడియో కాల్ సమయంలో ఫిల్టర్‌ని యాడ్ చేసుకోవచ్చు.
వీడియో కాల్స్ కోసం ఫిల్టర్‌ ఎఫెక్ట్ కోసం వార్మ్, కూల్, బ్లాక్ అండ్ వైట్, డ్రీమీ వంటి మొత్తం 10 రకాల ఫిల్లర్‌లు అందుబాటులో ఉన్నాయి. దీంతో మీరు అవతలి వ్యక్తితో వీడియోకాల్స్‌ మాట్లాడే సమయంలో మీకు నచ్చిన మూడ్‌ని ఫిల్టర్‌లను సెలక్ట్ చేసుకోవచ్చు. వీడియో కాల్ సమయంలో బ్యాక్‌ గ్రౌండ్ క్రియేట్ చేసేందుకు ఈ ఫీచర్ అద్భుతంగా పని చేస్తుంది. వీడియో కాల్ మాట్లాడుతోన్న సమయంలో బ్యాగ్రౌండ్‌ను కూడా మార్చుకోవచ్చు. మీరున్న చోటుతో సంబంధం లేకుండా సరికొత్త లొకేషన్‌ను యాడ్ చేసుకోవచ్చు. బ్లర్‌ ఎఫెక్ట్ ద్వారా మీ వెనకాల ఉన్న వస్తువులు కనిపించకుండా చేసుకోవచ్చు. టచ్ అప్ ఫీచర్‌తో మీ రూపాన్ని మరింత అట్రాక్టివ్‌గా మార్చుకోవచ్చు.
