WhatsApp: వాట్సాప్ యూజర్స్ కి గుడ్ న్యూస్.. ఎప్పటి నుంచి ఎదురుచూస్తున్న ఆ ఫీచర్ వచ్చేసిందోచ్..?
ప్రస్తుత రోజుల్లో రోజురోజుకీ వాట్సాప్ వినియోగదారుల సంఖ్య అంతకంతకూ పెరుగుతూనే ఉంది. వినియోగదారుల సంఖ్య పెరిగిపోతుండడంతో వాట్సాప్ సంస్థ కూ
- Author : Anshu
Date : 28-01-2024 - 3:00 IST
Published By : Hashtagu Telugu Desk
ప్రస్తుత రోజుల్లో రోజురోజుకీ వాట్సాప్ వినియోగదారుల సంఖ్య అంతకంతకూ పెరుగుతూనే ఉంది. వినియోగదారుల సంఖ్య పెరిగిపోతుండడంతో వాట్సాప్ సంస్థ కూడా ఎప్పటికప్పుడు కొత్త కొత్త ఫీచర్ లను అందుబాటులోకి తీసుకువస్తూనే ఉంది. ఇప్పటికే ఎన్నో ఫీచర్ లను అందుబాటులోకి తీసుకువచ్చిన విషయం తెలిసిందే. వీటితో పాటుగా ఎప్పటికప్పుడు కొత్త కొత్త ఫీచర్లను తీసుకువస్తూనే ఉంది వాట్సాప్ సంస్థ. ఇందులో భాగంగానే తాజాగా మరో సరికొత్త ఫీచర్ ని తీసుకువచ్చింది. మెటా యాజమాన్యంలోని వాట్సాప్లో స్క్రీన్ షేరింగ్ ఫీచర్ వచ్చింది.
అంటే ఇప్పుడు వాట్సాప్ యూజర్స్ యాప్లో వీడియో కాల్ల సమయంలో స్క్రీన్ను షేర్ చేసుకునే సదుపాయాన్ని పొందుతారు. తాజాగా వాట్సాప్ తన అధికారిక ఛానెల్లో ఈ కొత్త ఫీచర్ల గురించి సమాచారాన్ని అందించింది. ఒకవేళ మీరు కూడా ఈ ఫీచర్ కోసం చాలా కాలంగా ఎదురుచూస్తున్నట్లయితే, కింద తెలిపిన దశల వారీ పద్దతి సహాయంతో మీరు వీడియో కాలింగ్ సమయంలో స్క్రీన్ను షేర్ చేసుకోవచ్చు. దీని కోసం ముందుగా వాట్సాప్ కి వెళ్లి, దిగువ ట్యాబ్పై నొక్కాలి. ఇప్పుడు ఇక్కడ కెమెరా స్విచ్ ఆప్షన్ కోసం చూసి, దీని తర్వాత స్క్రీన్-షేర్ ఫీచర్ గుర్తుపై క్లిక్ చేయాలి. ఇప్పుడు మీ ఫోన్ ప్రసారం చేయబడుతుందని హెచ్చరిస్తూ ఒక పాప్-అప్ మీ ముందు కనిపిస్తుంది.
ఇప్పుడు స్క్రీన్ను షేర్ చేయడానికి స్టార్ట్ నౌ ఆప్షన్ పై క్లిక్ చేయాలి. ఫీచర్ యాక్టివేట్ అయిందని నిర్ధారించుకోవడానికి మీరు మీ స్క్రీన్ని షేర్ చేస్తున్నారు అనే మెసేజ్ మీ ముందు కనిపిస్తుంది. ఈ స్క్రీన్ షేరింగ్ ఫీచర్ ఏమి చేస్తుందనే దానిపై మీకు ఏదైనా గందరగోళం ఉంటే, ముందుగా ఈ ఫీచర్ గూగుల్ మీట్,జూమ్లో ఇచ్చిన స్క్రీన్ షేర్ లాగా పని చేస్తుందని గుర్తుంచుకోండి. ఈ ఫీచర్ సహాయంతో, మీరు మీ సౌలభ్యం ప్రకారం వీడియో కాల్ సమయంలో కనెక్ట్ చేయబడిన వ్యక్తికి మీ ఫోన్లో ఉన్న ఫొటోలో లేక ఇతర వాటిని చూపించగలరు.
Follow us
