Beware Of Apps: టిక్ టాక్, ఇన్ స్టాగ్రామ్ మీ సమాచారాన్ని ఎలా ట్రాక్ చేస్తున్నాయో.. ఈ వెబ్ సైట్ చెప్పేస్తుంది!!
సోషల్ మీడియా కంపెనీలపై చాలా ఏళ్లుగా ఒక అపవాదు ఉంది. సోషల్ మీడియా వినియోగదారుల వ్యక్తిగత సమాచారాన్ని కూడా అవి సేకరిస్తాయనే వాదన ఉంది.
- By Hashtag U Published Date - 08:30 AM, Mon - 22 August 22
సోషల్ మీడియా కంపెనీలపై చాలా ఏళ్లుగా ఒక అపవాదు ఉంది. సోషల్ మీడియా వినియోగదారుల వ్యక్తిగత సమాచారాన్ని కూడా అవి సేకరిస్తాయనే వాదన ఉంది. ఇది నిజమని ఇప్పటివరకు తేలలేదు. ఈనేపథ్యంలో తాజాగా InAppBrowser.com అనే వెబ్ సైట్ సంచలన ప్రకటన చేసింది. టిక్ కాట్, ఇన్ స్టాగ్రామ్ యాప్స్ వాటి వినియోగదారుల వ్యక్తిగత ఆర్ధిక లావాదేవీలతో ముడిపడిన సమాచారాన్ని కూడా సైలెంట్ గా గమనిస్తున్నాయని తెలిపింది. ఈమేరకు InAppBrowser.com కంపెనీ ఫిలిక్స్ క్రౌజ్ ప్రకటన చేశారు.
ఇంటి అడ్రెస్, పాస్ వర్డ్స్, క్రెడిట్ కార్డులు..
ఇంటి అడ్రెస్, పాస్ వర్డ్స్, క్రెడిట్ కార్డుల సమాచారాన్ని వినియోగదారుల అనుమతి పొందకుండానే టిక్ టాక్, ఇన్ స్టాగ్రామ్ చూస్తున్నాయని ఫిలిక్స్ క్రౌజ్ ఆరోపించారు. ఆ రెండు యాప్స్ జావా స్క్రిప్ట్ ను థర్డ్ పార్టీ యాప్ లలోకి చొప్పించి ఈవిధమైన సమాచార చౌర్యానికి పాల్పడుతున్నాయని పేర్కొన్నారు. తమ వెబ్ సైట్ InAppBrowser.com లోకి వచ్చి ఏదైనా యాప్ యూఆర్ఎల్ అడ్రెస్ ను పేస్ట్ చేస్తే.. వినియోగదారులకు చెందిన ఏయే సమాచారంతో ఆ యాప్ పని చేస్తోందనేది తేలిపోతోందని వివరించారు. “Git hub” వెబ్ సైట్ లోనూ ఈవిషయాన్ని అందరూ తెలుసుకోవచ్చు.
టిక్ టాక్ ఏకంగా..
చైనీస్ యాప్ టిక్ టాక్ అయితే వినియోగదారుడు టైప్ చేసే ప్రతి పదాన్ని కూడా సేకరించేలా జావా స్క్రిప్ట్ రన్ చేస్తోందని చెప్పారు. పాస్ వర్డ్స్, క్రెడిట్ కార్డు సమాచారాన్ని కూడా అది వదలడం లేదట. అయితే InAppBrowser.com కంపెనీ చేసిన ఈ ఆరోపణలను ఇన్ స్టాగ్రామ్, టిక్ టాక్ ఖండించాయి. తాము జావా స్క్రిప్ట్ ను కేవలం డీ బగ్గింగ్, ట్రబుల్ షూటింగ్, పెర్ఫార్మన్స్ మానిటరింగ్ కోసమే వాడుతున్నామని తేల్చి చెప్పాయి.
