Metro tickets in WhatsApp : ఇకపై వాట్సాప్లో మెట్రో టికెట్స్ కొనవచ్చట.. ఎలా అంటే?
టెక్నాలజీ రోజు రోజుకి డెవలప్ అవుతూనే ఉంది. దీంతో వినియోగదారులకు ఉపయోగపడే విధంగా ఇప్పటికే ఎన్నో విషయాలను అందుబాటులోకి తీసుకువ
- By Nakshatra Published Date - 03:00 PM, Fri - 26 January 24
టెక్నాలజీ రోజు రోజుకి డెవలప్ అవుతూనే ఉంది. దీంతో వినియోగదారులకు ఉపయోగపడే విధంగా ఇప్పటికే ఎన్నో విషయాలను అందుబాటులోకి తీసుకువచ్చింది. అందులో భాగంగానే తాజాగా వాట్సాప్ లోనే మెట్రో టికెట్స్ కొనే ఫీచర్ వచ్చేసింది. వాట్సాప్ ఆధారిత క్యూఆర్ కోడ్ టికెటింగ్ సర్వీస్ అందుబాటులోకి రావడంతో మెట్రో స్టేషన్స్లో టోకెన్స్ తీసుకునే పని తప్పుతుంది. అయితే.. ఈ సేవలు ప్రస్తుతం చెన్నై మెట్రోకే అందుబాటులోకి వచ్చాయి. కోయంబెడు, ఎయిర్ పోర్ట్ మెట్రో స్టేషన్స్లో వీటిని తొలుత ప్రవేశపెట్టారు.
అనంతరం చెన్నైలోని 41 మెట్రో స్టేషన్స్లో వాట్సాప్ ఆధారిత క్యూఆర్ కోడ్ టికెటింగ్ సిస్టెమ్ యాక్టివేట్ అయ్యింది. ప్రయాణికుల నుంచి దీనికి మంచి రెస్పాన్స్ లభిస్తోంది. వాట్సాప్లో మెట్రో టికెట్ల్ కోసం ముందు కౌంటర్కి వెళ్లాలి. మీ ఫోన్ నెంబర్ ఇవ్వాలి. మీ గమ్యస్థానాన్ని చెప్పాలి. ఎన్ని టికెట్స్ కావాలో చెప్పాలి. కంప్యూటర్కి కనెక్ట్ అయిన కీప్యాడ్లో ఫోన్ నెంబర్ టైప్ చేయాలి. ఒక క్యూఆర్ కోడ్.. మీ వాట్సాప్ నెంబర్కి వస్తుంది. అక్కడే పేమెంట్ ఆప్షన్ కూడా ఉంటుంది. క్యాష్, కార్డ్, యూపీఐ ద్వారా పేమెంట్ చేసుకోవచ్చు.
ఇది పూర్తిగా సెక్యూర్ కూడా! పైగా మొబైల్ నెంబర్స్ని సర్వర్లో సేవ్ చేసుకోమని చెన్నై మెట్రో చెబుతోంది. అయితే తరచూ కాకుండా అప్పుడప్పుడు మెట్రోలో ప్రయాణించే వారికి ఈ వాట్సాప్లో మెట్రో టికెట్ సేవలు ఉపయోగపడతాయి. పేపర్ వాడకాన్ని తగ్గించి, పర్యావరణ హితంగా మెట్రోను తీర్చిదిద్దాలన్న లక్ష్యంతో అడుగులు వేస్తోంది చెన్నై మెట్రో. ఈ వాట్సాప్ టికెటింగ్ సర్వీస్తో మరో ముందడుగు వేసినట్టు పేర్కొంది. వాట్సాప్లో మెట్రో టికెట్ సేవలతో.. ప్రతి నెల 4 టన్నుల పేపర్ వాడకం తగ్గుతుందని తెలిపింది. ఖర్చులు కూడా దిగొస్తాయని స్పష్టం చేసింది.
Related News
Sonu Sood WhatsApp: యాక్టీవ్ మోడ్ లో సోనూసూద్ వాట్సాప్ అకౌంట్
బాలీవుడ్ నటుడు సోనూసూద్ గత రెండు రోజులుగా తీవ్ర మనస్తాపానికి గురయ్యాడు. వాస్తవానికి అతని వాట్సాప్ ఖాతా బ్లాక్ అయింది. దీని కారణంగా సోనూ సమస్యలను ఎదుర్కోవలసి వచ్చింది. అయితే 61 గంటల తర్వాత అతని వాట్సాప్ ఖాతా మళ్లీ యాక్టివ్గా మారింది.