Whatsapp Update: ఆకట్టుకుంటున్న వాట్సాప్ కొత్త అప్డేట్.. ఇకపై ఆ మెసేజెస్ రావట!

ప్రస్తుత రోజుల్లో స్మార్ట్ ఫోన్ వినియోగిస్తున్న ప్రతి ఒక్కరూ కూడా వాట్సాప్ ని కూడా వినియోగిస్తున్నారు. నిత్యం కోట్లాదిమంది ఈ వాట్సాప్ ని వినియోగిస్తూనే ఉన్నారు. ఉదయం లేచిన దగ్గర నుంచి రాత్రి పడుకునే వరకు వాట్సాప్ లోనే కాలక్షేపం చేస్తూ ఉంటారు. ఇక ఇలాంటి వాట్సాప్ ని వేదికగా చేసుకొని చాలామంది సైబర్ నేరగాళ్లు అమాయకులను మోసం చేస్తుంటారు. వినియోగదారులను ఏదో ఒక విధంగా ఇబ్బంది పెట్టే విధంగా మెసేజ్లు చేయడం లాంటివి చేస్తూ ఉంటారు. ముఖ్యంగా మహిళలు ఇలాంటి ఆకతాయి మెసేజ్‌ లు ఎక్కువగా వచ్చి ఇబ్బంది పెడుతున్నాయి.

అలాగే వివిధ స్కామ్‌ లు చేసేవారు కూడా వాట్సాప్ మెసేజ్‌ల ద్వారా అనుమానాస్పద లింక్‌లు పంపుతున్నారు. ఈ నేపథ్యంలో ఇలాంటి సమస్యలను అరికట్టేలా వాట్సాప్ త్వరలోనే కొత్త అప్‌డేట్ తీసుకుని వస్తుందని నిపుణులు చెబుతున్నారు. బ్లాక్ మెసేజెస్ ఫ్రమ్ అన్‌నోన్ అకౌంట్స్ పేరుతో లాంచ్ చేస్తున్న ఈ సర్వీసు వినియోగదారులను చాలా ఆకర్షిస్తుందని పేర్కొంటున్నారు. మరి త్వరలోనే అందుబాటులోకి తీసుకురాబోతున్న ఈ సరికొత్త ఫీచర్ కు సంబంధించి మరిన్ని వివరాల్లోకి వెళితే.. బ్లాక్ మెసేజెస్ ఫ్రమ్ అన్‌నోన్ అకౌంట్స్ అనేది తెలియని ఖాతాల నుంచిసందేశాలను నిరోధించడాన్ని లక్ష్యంగా పెట్టుకుంది. అయితే ఈ ఫీచర్ ప్రస్తుతం అందరికీ అందుబాటులో లేదు.

వాట్సాప్ బీటా వినియోగదారులకు ప్రస్తుతం పరీక్షల దవ కింద అందుబాలో ఉంది. వాట్సాప్ ఆధారిత మోసాలు, ఇతర సైబర్ మోసాల గురించి గత కొన్ని రోజులుగా పెరుగుతున్న దృష్ట్యా వాట్సాప్ ఈ నయా ఫీచర్‌ను అందుబాటులోకి తీసుకొస్తుందని నిపుణులు చెబుతున్నారు. కొన్ని రోజుల క్రితం క్లౌడ్ సెక్ సైబర్ సెక్యూరిటీ ప్లాట్‌ఫారమ్ మౌరిస్‌బాట్ అనే మాల్వేర్ ఆండ్రాయిడ్ వాట్సాప్ వినియోగదారులను లక్ష్యంగా చేసుకుంటుందని నివేదించింది.

ఈ నేపథ్యంలో ఇలాంటి ఇబ్బందుల నుంచి వినియోగదారులకు మేలు చేసేలా నయా అప్‌డేట్ తీసుకువస్తుంది. ఇలా చాలా రకాల లింక్స్ మెసేజెస్ నుంచి వినియోగదారులను రక్షించడానికి వాట్సాప్ బ్లాక్ మెసేజెస్ ఫ్రమ్ అన్‌నోన్ అకౌంట్స్ ఫీచర్‌ను తీసుకువస్తుంది. ఈ ఫీచర్ మెసేజ్‌లను ఆటోమేటిక్‌గా బ్లాక్ చేస్తుందని, ఇది ఇప్పటికే ఉన్న బ్లాక్ అన్‌నోన్ కాలర్స్ మాదిరిగానే ఉంటుందట. అయితే ఒక ట్విస్ట్ ఉంది. కొత్త ఫీచర్ నిర్దిష్ట పరిమితి దాటిన తర్వాత తెలియని వారికి మెసేజ్‌ లు పంపడాన్ని అనుమతించదు. త్వరలోనే రాబోతున్న ఈ ఫీచర్ కు సంబంధించి మరిన్ని వివరాలు ఇంకా తెలియాల్సి ఉంది.