Moto G-85: ఆకట్టుకుంటున్న మోటోరోలా కర్వ్డ్ స్మార్ట్ ఫోన్.. ధర ఫీచర్స్ ఇవే!

ప్రస్తుత రోజుల్లో రోజురోజుకీ స్మార్ట్ ఫోన్ వినియోగదారుల సంఖ్య పెరిగిపోతుండడంతో ఆయా కంపెనీలు కూడా అందుకు అనుగుణంగానే కొత్త కొత్త స్మార్ట్ ఫోన్లను మార్కెట్లోకి విడుదల చేస్తున్నాయి. చిన్నపిల్లల నుంచి పెద్దవారి వరకు ప్రతి ఒక్కరు కూడా స్మార్ట్ ఫోన్ లను వినియోగిస్తున్నారు. కాగా స్మార్ట్ ఫోన్ల అమ్మకాలలో అమెరికా,చైనా తర్వాత మూడవ స్థానంలో భారతదేశం ఉంది అంటే భారతలో స్మార్ట్ ఫోన్ల వినియోగం ఏ రేంజ్ లో ఉందో అర్థం చేసుకోవచ్చు. ఈ నేపథ్యంలో అన్ని కంపెనీలు భారతదేశంలో సరికొత్త స్మార్ట్ ఫోన్లను రిలీజ్ చేస్తున్నాయి. తాజాగా ప్రముఖ స్మార్ట్ ఫోన్ తయారీ సంస్థ మోటోరోలా ఇటీవల మోటో జీ 85 స్మార్ట్ ఫోన్ ను లాంచ్ చేసింది.

అదిరిపోయే లుక్‌ తో అత్యాధునిక ఫీచర్ లతో వచ్చిన ఈ ఫోన్‌ను యువత బాగా ఇష్టపడుతున్నారు. కేవలం రూ.17999 కే కర్వ్‌డ్ డిస్‌ప్లేతో ఈ ఫోన్ లాంచ్ చేయడంతో మహిళలు ఈ ఫోన్ వాడకాన్ని ఇష్టపడుతున్నారు. ఇకపోతే ఈ ఫోన్ కి సంబందించి మరిన్ని వివరాల్లోకి వెళితే..
స్లిమ్ డిజైన్‌తో లాంచ్ చేసిన మోటో జీ 85 కేవలం 175 గ్రాముల బరువు మాత్రమే ఉంది. అంతే కాకుండా స్లిమ్ అండ్ స్టైలిష్ డిజైన్ యువతను ఆకర్షిస్తోంది. వేగన్ లెదర్ బ్యాక్ ప్యానెల్‌తో వచ్చే ఈ స్మార్ట్ ఫోన్ మూడు రంగు ఎంపికల్లో అందుబాటులో ఉంటుంది. ఈ ఫోన్ మనకు ఆలివ్ గ్రీన్, అర్బన్ గ్రే, కోబాల్ట్ బ్లూ వంటి కలర్ ఆప్షన్ లలో అందుబాటులో ఉంది. వెనుక ప్యానెల్‌ లో చిన్న ఫ్లాష్‌లైట్‌ తో పాటు డ్యూయల్ కెమెరా సెటప్ ఆకర్షణీయంగా ఉంది. మోటో జీ 85 ఫోన్ 120 హెచ్‌జెడ్ రిఫ్రెష్ రేట్‌తో 6.7 అంగుళాల పీఓఎల్ఈడీ కర్వ్డ్డిస్‌ప్లేతో వస్తుంది. 1600 నిట్‌ల గరిష్ట ప్రకాశంతో కార్నింగ్ గొరిల్లా గ్లాస్ 5 ప్రొటెక్షన్ ఈ ఫోన్ ప్రత్యేకత.

స్నాప్‌ డ్రాగన్ 6 జెన్-3 చిప్‌సెట్‌ తో పాటు 12 జీబీ + 256 జీబీ వేరియంట్ ఈ ఫోన్ అందుబాటులో ఉంటుంది. అలాగే ఆండ్రాయిడ్ 14 ఆధారంగా పని చేసే ఈ ఫోన్‌ లో రెండు సంవత్సరాల ఓఎస్ అప్‌గ్రేడ్ వస్తుంది. ఈ ఫోన్ 33 వాట్స్ ఫాస్ట్ ఛార్జింగ్ సపోర్ట్‌తో 5,000 ఎంఏహెచ్ బ్యాటరీతో పని చేస్తుంది. ఈ ఫోన్‌ 0 శాతం నుండి 100 శాతానికి ఛార్జ్ చేయడానికి 80 నిమిషాలు పడుతుందని వినియోగదారులు చెబుతున్నారు. ఈ ఫోన్ కెమెరా విషయానికి వస్తే.. 50 మెగాపిక్సెల్ సోనీ లైట్ 600 సెన్సార్‌తో వెనుక డ్యూయల్ కెమెరా సిస్టమ్‌ను కలిగి ఉంది. అలాగే 8 మెగా పిక్సెల్ అల్ట్రా వైడ్ లెన్స్ ఫొటో ప్రియులను అమితంగా ఆకట్టుకుంటుంది. అలాగే గరిష్టంగా 10ఎక్స్ జూమ్‌ వద్ద ఫొటోలు చాలా నిలకడగా వస్తున్నాయని యూజర్లు చెబుతున్నారు. ఫ్రంట్ కెమెరా విషయానికి వస్తే.. 32 మెగాపిక్సెల్ షూటర్, అధికనాణ్యత స్వీయ పోర్ట్రెయిట్‌ లు, వీడియో కాల్స్ చేసుకోవడానికి అనువుగా ఉంటుంది.