Motorola: సూపర్ ఫిచర్స్ వచ్చిన మోటో జీ42.. ధర తెలిస్తే వావ్ అనాల్సిందే!

టెక్నాలజీ బాగా డెవలప్ అవడంతో ప్రతి ఒక్కరూ కూడా ఆండ్రాయిడ్ ఫోన్లను ఉపయోగిస్తున్నారు. దీనితో ఆండ్రాయిడ్ ఫోన్ లో రకరకాల ఫ్యూచర్లతో వినియోగదారుల మనసులు దోచుకునే విధంగా ఆండ్రాయిడ్ ఫోన్లను అద్భుతంగా తయారు చేస్తున్నారు. కాగా స్మార్ట్ ఫోన్ రంగంలో ఎప్పటికప్పుడు సరికొత్త ఫోన్లను ఆవిష్కరిస్తూ వినియోగదారుల మనసులో దోచుకుంటున్న కంపెనీలలో మోటోరోలా కూడా ఒకటి. ఎప్పటికప్పుడు కొత్త కొత్త ఫోన్లతో వినియోగదారులను ఆకర్షిస్తున్న మోటోరోలా తాజాగా మరొక అద్భుతమైన ఫోన్ ను లాంచ్ చేసింది.

మోటో జి సిరీస్ లో మరో నయా ఫోన్ జి42 ను విడుదల చేసింది. ఆకట్టుకునే ఫీచర్లు ఉన్న ఈ మోటో జి42 బాడీ కోసం పిఎంఎంఏ మెటీరియల్ ను ఉపయోగించారట. అలాగె అల్ట్రా ప్రీమియం గ్లాస్ ఫినిషింగ్ కోసం యాక్రిలిక్ గ్లాస్ ను ఉపయోగించారు. దీనివల్ల స్మార్ట్ ఫోన్ బరువు 174.5 గ్రామాలతో చాలా తేలికగా ఉంటుందట. ఈ ఫోన్ మెటాలిక్ రోజ్, అట్లాంటిక్ గ్రీన్ కలర్ వేరియంట్లలో విడుదల చేశారు. ఈ మోటో జి42 స్పెసిఫికేషన్ ల విషయానికి వస్తే..6.4 అంగుళాల అమోలెడ్ పంచ్‌హోల్ డిస్‌ప్లే, క్వాల్‌కామ్ స్నాప్‌డ్రాగన్ 680 ఎస్ఓసీ, 4జీబీ ర్యామ్, 64జీబీ అంతర్గత మెమరీ, 50 మెగాపిక్సల్ ప్రైమరీ సెన్సార్‌తో వెనకవైపు మూడు కెమెరాలు, 16 ఎంపీ ఫ్రంట్ కెమెరా, డాల్బీ అట్మోస్ సపోర్ట్‌తో స్టీరియో స్పీకర్లు ఉన్నాయి.

5,000 ఎంఏహెచ్ బ్యాటరీ, 20W ఫాస్ట్ చార్జర్, డ్యూయల్ సిమ్‌కార్డ్స్, మైక్రో ఎస్డీకార్డు, ఆండ్రాయిడ్ 13 ఓఎస్‌తో ఫోన్ పనిచేస్తుందట. దీనికి మూడేళ్ల సెక్యూరిటీ అప్‌డేట్ కూడా ఉంది. అలాగే సైడ్ ఫింగర్‌ప్రింట్ సెన్సార్ కూడా ఉంది. అలాగే మైక్రో ఎస్డీ కార్డు ద్వారా మెమరీని 1 టీబీ వరకు పెంచుకునే వెసులుబాటు కూడా ఉంది. ఈ ఆండ్రాయిడ్ ఫోన్ ను జులై 1న మధ్యాహ్నం 12 గంటల నుంచి ఫ్లిప్‌కార్ట్, ప్రముఖ రిటైల్ స్టోర్‌లలో కొనుగోలు చేయవచ్చు. 4జీబీ ర్యామ్+ 64జీబీ మెమరీ వేరియంట్ ధర. రూ. 13,999. ఎస్‌బీఐ కార్డులతో కొనుగోలు చేసే వారికి రూ.1000 తక్షణ డిస్కౌంట్‌, లేదంటే క్యాష్‌బ్యాక్‌ లభిస్తుంది. రిలయన్స్ జియో వినియోగదారులైతే రూ. 2,549 వరకు ప్రయోజనాలు పొందవచ్చు.