WhatsApp: ఒకటి కంటే ఎక్కువ వాట్సప్ ఖాతాలు ఉన్నాయా.. అయితే మీకు గుడ్ న్యూస్!

మనలో చాలామంది ఒకటి కంటే ఎక్కువ వాట్సాప్ లనూ వినియోగిస్తూ ఉంటారు. వాట్సాప్, వాట్సాప్ బిజినెస్ , జిబి వాట్సాప్ అంటూ రకరకాల వాట్సాప్ లో వినియోగిస్తూ ఉంటారు. ఇకపోతే దేశవ్యాప్తంగానే కాకుండా ప్రపంచవ్యాప్తంగా ఎంతో ఆదరణ పొందిన ఈ వాట్సాప్ ను అనేక ఫీచర్లతో మెటా యాజమాన్యం నిరంతరం డెవలప్ చేస్తోన్న విషయం తెలిసిందే. వినియోగదారులకు అవసరమైన అనేక ఫీజర్ల ప్రవేశపెడుతూ, ఉన్న వాటిని అప్ గ్రేడ్ చేస్తూ ముందుకు సాగుతోంది. ఈ ప్రక్రియలో భాగంగా మరో కొత్త ఫీచర్ ను పరిచయం చేయనుంది వాట్సాప్ సంస్థ. కాంటాక్ట్ సింకింగ్ పేరుతో ఆండ్రాయిడ్ యూజర్లకు అందుబాటులోకి రానుంది. మరి త్వరలోనే అందుబాటులోకి రానున్న ఈ ఫీచర్ గురించి మరిన్ని వివరాలు ఇప్పుడు మనం తెలుసుకుందాం..

ఒకటి కంటే ఎక్కువ ఖాతాలు నిర్వహించే వారికి ఈ ఫీచర్ ఎంతో బాగా ఉపయోగపడుతుంది. యూజర్లు వారి బహుళ ఖాతాలకు సంబంధించి కాంటాక్ట్ ల నిర్వహణను మెరుగుపర్చుతుంది. ప్రస్తుతం ఈ ఫీచర్ అభివృద్ధి దశలో ఉంది. వినియోగదారులకు కాంటాక్ట్ సింక్రనైజేషన్‌ పై నియంత్రణతో పాటు గోప్యత, సౌలభ్యాన్ని మెరుగుపర్చుతుంది. మీ పరిచయాల జాబితాను యాక్సెస్ చేయడానికి, నవీకరించడానికి యాప్‌ను అనుమతిస్తుంది. వాట్సాప్ ఖాతాలో కాంటాక్ట్ లను నియంత్రించడానికి కొత్త కాంటాక్ట్ సింకింగ్ ఫీచర్ ఉపయోగపడుతుంది. మీకు రెండు వాట్సాప్ ఖాతాలు ఉంటే ఒక దానికి పని కోసం, మరో దాన్ని వ్యక్తిగతంగా ఉపయోగిస్తుంటే, ఈ కొత్త ఫీచర్ ద్వారా మీరు కావాల్సిన కాంటాక్టులనే ఖాతాలకు యాడ్ చేసుకోవచ్చు.

అంటే మీ కార్యాలయ వాట్సాప్‌ లోని కాంటాక్ట్‌లు వ్యక్తిగత ఖాతాలో కనిపించవు. ఒక్కో ఖాతాకు విభిన్న నంబర్లను ఎంపిక చేసుకునే అవకాశం లభిస్తుంది. కాగా ఈ కొత్త ఫీచర్ వల్ల మీ కాంటాక్ట్‌ లు సురక్షితంగా, భద్రంగా ఉంటాయి. మీరు ఫోన్లను మార్చుకున్నప్పడు కూడా ఎలాంటి అసౌకర్యం కలగదు. వాట్సాప్‌ ను మళ్లీ ఇన్‌స్టాల్ చేసినా కూడా మీకు ఎలాంటి ఇబ్బంది ఉండదు. అయితే మీరు సెట్టింగ్‌ లలో ఈ ఎంపికను ఎనేబుల్ చేసుకోవాలి. అప్పుడే మీ పరిచయాలు పునరుద్ధరించబడతాయి. అలాగే ఇకపై మీ పరికరాల్లో పరిచయాన్ని సింక్రనైజ్ చేయకూడదనుకుంటే, మీరు దానిని అన్‌సింక్ చేయవచ్చు, అన్ని లింక్ చేసిన ఖాతాల నుంచి తొలగించవచ్చు.

కాగా ఎక్కువ వాట్సాప్ ఖాతాలను నిర్వహించే వారికి మెరుగైన సేవలు అందించేందుకు ఈ ఫీచర్ ను తీసుకువస్తున్నారు. కార్యాలయం, వ్యక్తిగత జీవితాన్నివేరు చేయడానికి ఉపయోగపడుతుంది. ఉద్యోగ నిర్వహణతో పాటు వ్యక్తిగత స్నేహితులతో అనుబంధాన్ని కొనసాగించవచ్చు. ఈ ఫీచర్ ఇప్పటికే బీటాలో ఉంది. కానీ వినియోగదారులందరికీ అందుబాటులో రాలేదు. త్వరలోనే మెటా ఈ కొత్త ఫీచర్ ను అందరికీ అందుబాటులోకి తీసుకురానున్నారు.