WhatsApp: వాట్సాప్ యూజర్స్ కి గుడ్ న్యూస్.. త్వరలోనే వాట్సాప్‌లో క్విక్ ట్రాన్స్‌లేషన్ ఫీచర్‌!

Whatsapp

ప్రముఖ మెసేజింగ్ యాప్ వాట్సాప్ ను దేశవ్యాప్తంగానే కాకుండా ప్రపంచవ్యాప్తంగా కోట్లాదిమంది వినియోగిస్తున్న విషయం తెలిసిందే. రోజురోజుకీ ఈ వాట్సాప్ ను వినియోగిస్తున్న వారి సంఖ్య పెరుగుతూనే ఉంది. అందుకు అనుగుణంగానే వాట్సాప్ సంస్థ కూడా ఎప్పటికప్పుడు కొత్త కొత్త ఫీచర్లను అందుబాటులోకి తీసుకు వస్తున్న విషయం తెలిసిందే. ఇప్పటికే పదుల సంఖ్యలో ఫీచర్లను పరిచయం చేసిన వాట్సాప్ సంస్థ ఇప్పుడు మరో సరికొత్త ఫీచర్ ని తీసుకురాబోతోంది. మరి ఆ వివరాల్లోకి వెళితే.. త్వరలో క్విక్ ట్రాన్స్‌లేషన్ అనే కొత్త ఫీచర్‌ను ప్రవేశపెట్టబోతున్నట్లు ప్రకటించింది. మెటా ఈ కొత్త ఫీచర్ వాట్సాప్‌ ను ఉపయోగించడం సులభతరం చేస్తుంది.

ఈ దశలో వాట్సాప్ యాప్‌ లో ఈ క్విక్ ట్రాన్స్‌లేషన్ ఫీచర్‌ ను పరిచయం చేయబోతుంది. వాట్సాప్‌ లో ఎవరితోనైనా చాటింగ్ చేసేటప్పుడు భాష ముఖ్యమైన పాత్ర పోషిస్తుంది. కారణం వాట్సాప్‌ లో టైప్, ఆడియో, ఆడియో కాల్, వీడియో కాల్ ద్వారా సమాచారాన్ని తెలియజేయవచ్చు. అందుకే భాష అనేది కమ్యూనికేషన్ ముఖ్యమైన అంశం. ఈ పరిస్థితిలో మీరు వేరే భాష మాట్లాడే వ్యక్తితో మాట్లాడాలనుకుంటే మీరు అనువాద అప్లికేషన్ల ద్వారా అతను చెప్పే సమాచారాన్ని అనువదించి ప్రతి స్పందన ఇవ్వాలి. యాప్‌ ల ద్వారా అనువదించడం కాస్త సవాలుతో కూడుకున్నది. అలాగే సమయం తీసుకుంటుంది కాబట్టి మేటా వాట్సాప్ లో ఈ కొత్త ఫీచర్‌ ను పరిచయం చేయబోతోంది. దీంతో వాట్సాప్‌ లో మెసేజ్‌ లను సులభంగా ట్రాన్స్‌లేషన్‌ చేయవచ్చు.

ఇది సమాచారాన్ని ట్రాన్స్‌లెట్‌, సమాధానాలను అందించడానికి ఇతర యాప్‌ లకు వెళ్లే సుదీర్ఘ ప్రక్రియను మరింత సులభతరం చేస్తుంది. అందుకే ఇది వాట్సాప్ వినియోగదారులకు చాలా ఉపయోగకరంగా ఉంటుందని చెబుతున్నారు. ఇంతకీ ఈ కొత్త ఫీచర్ ఎలా పనిచేస్తుంది అన్న విషయానికి వస్తే… వాట్సాప్ యాప్‌ లో ఈ కొత్త ట్రాన్స్‌లెట్‌ ఫీచర్‌ ని ఉపయోగించడానికి వినియోగదారులు వారు అనువదించాలనుకుంటున్న భాషల ప్యాక్‌ లను డౌన్‌లోడ్ చేసుకోవాలి. ఇలా చేయడం ద్వారా వాట్సాప్ యాప్‌కు వచ్చే టెక్స్ట్ మెసేజ్‌ ల భాషను గుర్తించి యూజర్ల ప్రాధాన్యతలకు అనుగుణంగా అనువాద సమాచారాన్ని అందిస్తుంది. అందుకే దీన్ని ఉపయోగించి, వినియోగదారులు కొన్ని సందేశాలను లేదా మొత్తం సంభాషణను కూడా చాలా సులభంగా అనువదించవచ్చట. వాట్సాప్‌ లోని ఈ కొత్త ఫీచర్‌ ను పరీక్షించగా, త్వరలో ప్రజల వినియోగానికి అందుబాటులోకి తీసుకురానున్నట్లు సమాచారం.

Follow us