Youtube Hacks : యూట్యూబ్ నుంచి వీడియో ఎలా డౌన్ లోడ్ చేయాలో తెలుసా…?

Youtube

వీడియోలు చూడాలనుకుంటే ఠక్కున యూట్యూబ్ ఓపెన్ చేస్తాం. అందులో మనకు నచ్చిన వీడియోను సెలక్ట్ చేసుకుని చూస్తుంటాం. అయితే నచ్చిన వీడియోను డౌన్ లోడ్ చేసుకోవడం అనేది అంత ఈజీ కాదు.  యూట్యూబ్ డౌన్ ఆప్షన్ ఇవ్వలేదు. కాబట్టి స్మార్ట్ ఫోన్ యూజర్లు థర్డ్ పార్టీ ఫ్లాట్ ఫాంను ఉపయోగించి యూట్యూబ్ లో నుంచి వీడియోలను డౌన్ లోడ్ చేస్తుంటారు. అయితే స్మార్ట్ ఫోన్లో యూట్యూబ్ వీడియో డౌన్ లోడ్ చేయాలంటే థర్డ్ పార్టీ యాప్స్ ఉండాల్సిందే. యూట్యూబ్ లో కనిపించే డౌన్ లోడ్ ఆప్షన్ తో వీడియోను డౌన్ లోడ్ చేసుకోవచ్చు. కానీ స్మార్ట్ ఫోన్లలో ఆఫ్ లైన్లో వీడియోను చూసేందుకు మాత్రమే ఈ ఫీచర్ ఉపయోగపడుతుంది. ఆ ఫైల్ ఎక్కడ ఉంటుందో కూడా మనకు తెలియదు. కానీ mp4లాంటి ఫార్మాట్ లో వీడియోను డౌన్ లోడ్ చేసుకోవాలంటే థర్డ్ పార్టీ ఫ్లాట్ ఫాం లేదా థర్డ్ పార్టీ యాప్ ఉండాల్సిందే. అయితే ఆన్ లైన్లో ఇలాంటి యాప్స్ , వెబ్ సైట్స్ బోలెడన్ని ఉన్నాయి. యూట్యూబ్ డౌన్ లోడ్ ప్లగిన్స్ కూడా ఉన్నాయి. వీటితో మీకు నచ్చిన వీడియోను డౌన్ లోడ్ చేసుకుని చూడవచ్చు.

కాగా యూట్యూబ్ కండిషన్స్ ప్రకారం యూట్యూబ్ సొంతంగా డౌన్ లోడ్ లింక్ అందిస్తేనే వీడియోలు డౌన్ లోడ్ చేయకూడదు. అంతేకాదు కాపీ రైట్ చేసిన వీడియోలను డౌన్ లోడ్ చేయడానికి డూప్లికేట్ చేయడానికి యూజర్లకు ఎలాంటి అధికారం ఉండదు. యూట్యూబ్ లో వీడియోలు డౌన్ లోడ్ చేసేటప్పుడు ఇలాంటి విషయాలను పరిగణలోనికి తీసుకోవాలి. మరి ఆండ్రాయిడ్ యూజర్లు యూట్యూబ్ వీడియోను ఎలా డౌన్ లోడ్ చేసుకోవాలో ఇప్పుడు తెలుసుకుందాం.

ఆండ్రాయిడ్ స్మార్ట్ ఫోన్లో యూట్యూబ్ వీడియోలును డౌన్ లోడ్ చేయడానికి , ముందుగా గూగుల్ ప్లేస్టోర్ నుంచి tubemate యాప్ ఇన్ స్టాల్ చేసుకోవాలి. తర్వాత ట్యూబ్ మేట్ యాప్ ఉపయోగించడానికి మీ ప్రైవసీ కంట్రోల్స్ లో సెట్టింగ్స్ ను మార్చుకోవాలి. ఆ తర్వాత ట్యూబ్ మేట్ యాప్ ను ఓపెన్ చేసి…మీకు కావాల్సిన వీడియోను సెర్చ్ చేయాలి. తర్వాత డౌన్ లోడ్ ఆప్షన్ పై క్లిక్ చేయాలి. రెజల్యూషన్, ఫార్మాట్ మీకు కావాల్సినట్లుగా సెలెక్ట్ చేసుకునే అవకాశం ఉంటుంది. తర్వాత డౌన్ లోడ్ పై క్లిక్ చేయాలి. ఇప్పుడు మీ స్మార్ట్ ఫోన్లోకి వీడియో డౌన్ లోడ్ అవుతుంది. ఇప్పుడు డౌన్ లోడ్ లిస్ట్ క్లిక్ చేసిన వీడియోను లొకేట్ చేసుకోవచ్చు.

ఇక ఐఫోన్ లేదా ఐప్యాడ్ లో అయితే  Readdle Documentsయాప్ ద్వారా ఇన్ స్టాల్ చేయాలి. ఆ తర్వాత బ్రౌజర్ ఒపెన్ చేసి…www.videosolo.com/online-video-downloader/ లింక్ కు వెళ్లాలి. యూట్యూబ్ వీడియోను urlకాపీ చేసి పేస్ట్ చేయాలి. ఇప్పుడు డౌన్ లోడ్ పై క్లిక్ చేయాలి. వీడియో వేరువేరు ఫార్మాట్స్ లో అందుబాటులో ఉంటుంది. తర్వాత రీడెబుల్ డాక్యుమెంట్స్  యాప్స్ లో మీరు డౌన్ లోడ్ చేసిన యూట్యూబ్ వీడియోలు కనిపిస్తుంటాయి.

Follow us