JIO : కస్టమర్లకు జియో శుభవార్త.. రూ.91కే 28 రోజుల వ్యాలిడిటీతో అదిరిపోయే ప్లాన్

JIO : జియో కస్టమర్లకు ఆ కంపెనీ శుభవార్త చెప్పింది. కేవలం ₹91కే అద్భుతమైన ప్లాన్‌ను జియో తీసుకొచ్చింది.తక్కువ ధరలో ఎక్కువ ప్రయోజనాలు ఆశించే వారికి ఈ ప్లాన్ ఒక మంచి అవకాశం అని చెప్పవచ్చు. 28 రోజుల వ్యాలిడిటీతో పాటు, అపరిమిత వాయిస్ కాల్స్, డేటా, మరియు SMS ప్రయోజనాలను ఈ ప్లాన్ అందిస్తుంది. ఈ ప్లాన్‌ను గురించి మరింత వివరంగా తెలుసుకుందాం. జియో ఎప్పటికప్పుడు తన కస్టమర్ల అవసరాలను దృష్టిలో పెట్టుకుని కొత్త కొత్త ప్లాన్స్‌ను తీసుకొస్తూ ఉంటుంది. ముఖ్యంగా తక్కువ బడ్జెట్‌లో మంచి ప్రయోజనాలు కావాలని కోరుకునే వారికి ఇది చాలా ఉపయోగపడుతుంది. ఈ కొత్త ₹91 ప్లాన్‌ అదే కోవలోకి వస్తుంది.

ఈ ప్లాన్ కింద కస్టమర్లకు మొత్తం 28 రోజుల వ్యాలిడిటీ లభిస్తుంది. అంతేకాదు, ఏ నెట్‌వర్క్‌కైనా అపరిమిత వాయిస్ కాల్స్ చేసుకోవచ్చు. ఇది కేవలం ₹91 ప్లాన్ లోనే లభించడం ఒక గొప్ప విషయం. ఈ ప్లాన్ ద్వారా మీరు మీ స్నేహితులు, కుటుంబ సభ్యులతో ఎక్కువ సమయం మాట్లాడుకోవచ్చు.

Telangana : భారీ వర్షాలు.. 36 రైళ్లు రద్దు..మరికొన్ని దారి మళ్లింపు..

3జీబీ డేటా కూడా సొంతం చేసుకోవచ్చు..

డేటా విషయానికి వస్తే, ఈ ప్లాన్ కింద మొత్తం 3GB డేటా లభిస్తుంది. రోజూవారీ డేటా పరిమితి గురించి చింత లేకుండా మీకు అవసరమైనప్పుడు ఈ 3GB డేటాను వాడుకోవచ్చు. ఇంటర్నెట్ బ్రౌజింగ్, వాట్సాప్ మెసేజింగ్ వంటి వాటికి ఈ డేటా సరిపోతుంది. డేటా అయిపోయిన తరువాత, స్పీడ్ 64kbpsకి తగ్గిపోతుంది, కానీ ఇంటర్నెట్ కనెక్టివిటీ ఉంటుంది.

ఇక SMS ప్రయోజనాలకు వస్తే, ఈ ప్లాన్ కింద మొత్తం 50 SMSలు లభిస్తాయి. ఇది మెసేజింగ్ అవసరాలకు సరిపోతుంది. అలాగే, ఈ ప్లాన్‌తో JioTV, JioCinema, JioCloud, JioSecurity వంటి జియో యాప్స్‌కు ఉచిత సబ్‌స్క్రిప్షన్ కూడా లభిస్తుంది. తక్కువ ధరలో ఇంత వ్యాలిడిటీతో పాటు అన్ని ప్రయోజనాలు అందించడం జియో ప్రత్యేకత అని చెప్పవచ్చు. ఈ ప్లాన్ జియోఫోన్ వినియోగదారులకు మరింత ఉపయోగకరంగా ఉంటుంది.

జియో మరిన్ని ప్లాన్స్..

ఈ ప్లాన్స్‌తో పాటు జియో రూ.125, రూ.152, రూ.186, రూ.223,రూ.895 రీఛార్జ్ ప్లా‌న్‌లను కూడా అందిస్తుంది. ప్రత్యేకత ఏమిటంటే రూ.895 ప్లాన్ మీకు తక్కువ ధరకే 336 రోజుల చెల్లుబాటుతో లభిస్తుంది. ఈ ప్లాన్‌లు తక్కువ ధరలో డేటా, కాలింగ్, ఇతర ప్రయోజనాలను కోరుకునే జియోఫోన్ వినియోగదారులకు ఇవి మంచి ఆప్షన్ గా నిలుస్తాయి. అయితే, ఇది జియోఫోన్ వాడే వారికి ఎక్కువగా ఉపయోగపడనుంది. ఆండ్రాయిడ్ ఫోన్స్, ఐఓఎస్ ఫోన్లు వాడే వారికి ఈ టారిఫ్ ప్లాన్స్ అందుబాటులోకి రాలేదు.

Telangana : కుండపోత వర్షాలు..వరదలపై సీఎం రేవంత్ రెడ్డి సమీక్ష, అధికారులకు కీలక ఆదేశాలు