Whatsapp Hack Account: వాట్సాప్‌ లో ఈ మార్పులు కనిపించాయా.. అయితే మీ అకౌంట్ హ్యాక్ అయినట్టే!

ప్రస్తుత రోజుల్లో వాట్సాప్ మన జీవితంలో అంతర్భాగం అయిపోయింది. రోజురోజుకి ఈ వాట్సాప్ వినియోగదారుల సంఖ్య పెరుగుతూనే ఉంది. అయితే వాట్సాప్ వినియోగదారుల సంఖ్య పెరిగే కొద్దీ హ్యాకింగ్ సైబర్ క్రైమ్ కేసులు కూడా విపరీతంగా పెరిగిపోతున్నాయి. హ్యాకర్లు వ్యక్తిగత డేటాకు యాక్సస్ చేసేందుకు అనేక మార్గాలను ఉపయోగిస్తున్నారు. వాట్సాప్‌ లో అనుమానాస్పద యాక్టివిటీకి సంబంధించిన కొన్ని సంకేతాలు ఉన్నాయి. మీ వాట్సాప్ హ్యాక్‌ కు గురికాకుండా ఉండేందుకు ఈ సంకేతాలు సహాయపడతాయట. ఒకరి వాట్సాప్ అకౌంట్ హ్యాక్ అయిందో లేదో తెలుసుకోవడానికి కొన్ని సంకేతాలు కనిపిస్తుంటాయట. ఇంతకీ ఆ సంకేతాలు ఏంటో ఇప్పుడు మనం తెలుసుకుందాం..

తెలియని కాంటాక్టుల యాడ్.. ఒకరి వాట్సాప్‌ లో తెలియని కాంటాక్ట్‌ లు కనిపించినట్లయితే ఎప్పటికీ యాడ్ చేయలేరు. అది ఒకరి అకౌంట్ హ్యాక్ అయిందని స్పష్టమైన సంకేతంగా గమనించాలట.

గుర్తుతెలియని కాంటాక్టులతో చాట్ చేయవద్దు.. గుర్తు తెలియని వ్యక్తి ఒకరి అకౌంటులో ఒకరికి తెలియకుండా చాట్ చేస్తుంటే ఇది కూడా హ్యాకింగ్‌ కు సంకేతంగా గమనించాలని చెబుతున్నారు.

లాగిన్ సమస్య.. ఈ సమస్య పదేపదే ప్రయత్నించినప్పటికీ ఒకరి వాట్సాప్ అకౌంట్ లాగిన్ చేయలేకపోతే, హ్యాకర్ అకౌంట్ యాక్సెస్ చేసి ఉండవచ్చట.

వెరిఫికేషన్ కోడ్ పదే పదే రావడం.. వాట్సాప్ వెరిఫికేషన్ కోడ్‌లను పదే పదే పంపితే, వాటిని డిస్మిస్ చేయకూడదట. ఎవరైనా అకౌంట్ హ్యాక్ చేసేందుకు ప్రయత్నిస్తున్నారని సూచిస్తుంది.

అయితే మీ వాట్సాప్ హ్యాక్‌ కు గురికాకుండా ప్రొటెక్ట్ ఎలా చేసుకోవాలి అన్న విషయానికి వస్తే.. టూ ఫ్యాక్టర్డ్ వెరిఫికేషన్ ఆన్ చేసి, స్ట్రాంగ్ పిన్ సెట్ చేయాలి. గుర్తు తెలియని లింక్‌లపై క్లిక్ చేయడం మానుకోవాలి. అనుమానాస్పద మెసేజ్‌ లను విస్మరించాలి. అకౌంట్ సురక్షితంగా ఉంచడానికి ఎప్పటికప్పుడు పాస్‌వర్డ్‌ ను మార్చాలి. ఎవరైనా తమ అకౌంట్ హ్యాక్ అయినట్లు భావిస్తే, వెంటనే వాట్సాప్ హెల్ప్‌లైన్‌ ను సంప్రదించవచ్చట. ఎవరైనా అప్రమత్తంగా ఉండాలి. అకౌంట్ హ్యాక్ అయిందని సూచించే సంకేతాలను విస్మరించకూడదు.